Интересен е да го гледаш 2-3 пати, ама кога сфаќаш дека цело време истото го збори- здосадува. И баш би сакал да ја искоментира таа колешкаму од Ексклузив што комбининира у секоја емисија споротски дуксер со штикли и сукња.
Мене искрено многу ми се допаѓа нејзиниот стил. Сакам испробување и спојување на неспојвливи работи или матерјали како што тука се штиклите дуксот и сукњата
Јас па мислам дека баш Сергеј ја стилизира екслузивкава и сега е далеку посредена отколку кога се појави. Косата и беше посебен крш со суви прамени и завршетоци (убава девојка ми е). Инаку последниве години у мода е да се комбинира дуксер/блузон и сл. со штикла, кондура, панталони, класична сукња...
Понекогаш е интересен со изведувањето на одредени гестикулации и припаѓања во несвест,да не речам драми во негов стил,ама не е воопшто објективен,и многу навредува...
А каков е тој изглед ‘како што треба’?Издгледот е индивидуална работа и секој си има индивидуално мислење за тоа ‘како треба’.Да и јас имам речиси идентичен вкус со Сергеј,никогаш не би се облекла ниту сликала така.Но кои сме ние да кажуваме дека тоа ‘така треба и мора да биде’?Зошто да мислиме дека мора да се наметне нашиот вкус на некој кој има скроз поразличен.И јас не би сакала некој кој има поинакво размислување од мене за тоа ‘како треба’ да ми каже дека треба да си го сликам задникот посебно не па на таков начин.Доколку не ви се допаѓа некој како изгледа немојте вие да изгледате и да се сликате така или евентуално дадете им добронамерен совет(без да пробувате да го наметнете вашето мислење) во краен случај избегнувајте ги личностите кои не ви одговараат и со кои не сте на иста фрекфенција.Ругањето на јавна телевизија(најголем број од сликите не се ни полнолетни девојчиња)е далеку од добронамерен совет туку групно перење на мозок и принудување од страна на господинот Варошлија сите да почнат да изгледаат и прават така како што он мисли дека ‘треба’ или во спротивно ќе бидат ругани на јавна телевизија.Доколку некој сака да слика задник,нека слика задник,доколку сака да носи бисер хулахопки нека ги носи и така натаму.Секој си има право сам да си се изразува себе преку изгледот и единствен кој ги сноси последиците си е тој самиот.Ама последицата да биде јавно ругање и тоа на обични девојчиња со затворени профили со цел ‘да почнат да изгледаат како што според нас треба’ ми е бесмислена и болна.Секој нека си изгледа и живее како сака,на крај секој си завршува во групата на луѓе до кои се на иста фрекфенција и имаат исто мислење за тоа ‘како треба’.Не ја сфаќам поентата некој јавно да проба да ги смени сите кои не се на негова фрекфенција посебно не на таков начин.
50-50 сум со мислење. Ако јас ставам слика со дукс карирани панталони и бела штикла ке пукне брука ама водителкава е супер( сигурна сум дека тој ја стилизира) демек тоа им е работа така да изгледаат. Сите знаеме дека ЈК и Цеца не се во добри односи и дека тој е верен фан на ЈК. Во една емисија ја извреѓа Цеца како никогаш не се облекувала убаво најлошиот пример била ама затоа за ЈК само пофални зборови. ЈК што е гола нема везе тоа и е работа. Која работа бе аман..керките на училиште ги носи полугола, па не и е работа да изгледа како ***** за обичен ден носење на керките на училиште ако и е работа да е гола на сцена, за разлика од Цеца што знае да се облече пристојно а тоа да изгледа многу добро а не к*рвинско..си ги подржува оние што си ги сака а обичниве ние смртници не сме за ништо. Ги одбрира оние со навистина недолична гардероба ама знае да се најде меѓу нив и нешто што е ок а тој измислува секакви глупости за да излезе негативно, можам да замислам што би кажал кога би ги гледал моите слики,де пердиња у позадина, де тепих, телевизор, кревет, јебига немам сликар до мене да ме напикува у убави агли да ме слика
Мене супер ми делува, баш е добро уколпено со стил. Ги споредуваш ЈК и Цеца? ЈК ја копираа и Ким К. и Бијонсе и Џ.Ло ли беше. Зошто мислиш дека ЈК не ги подржава нејзините блиски како Цеца а? ЈК не ми е омилена ама почитувам жена со стил која е докажана со уникатност, ексцентричност постојано руши стереотипи а Цеца тоа па тоа е, се и е сигурно испробано, алишта песни се.
Јас не го гледав што коментирал само прокоментирав на твој коментар. Го почитувам твоето мислење но не се согласувам со него. А Сергеј па тој намерно си придава поголемо значење и вредност во модниот свет отколку што вистински има.
Сега ја гледам водителкана. Само првата комбинација ми се допаѓа. Точно е дека сега се експериментира со formal и casual, меѓутоа нејзиниве парчиња од сликиве се прилично не експериментални.
Те разбирам и ок е да имаме различни мислења. Ама според критериумите на Сергеј ЈК е квази старлета, ама на него му е омилена и затоа е супер. Инаку не ми е јасен исто така коментира дека треба да ни се узор познатите а ако види некоја облечена како една од нив лом ке ја направи, незнам што е за него ок како да изгледам ако не сум јавна личност..јас носам џемпер што е како фустан до над голена а високи чизми над колена простор меѓу нив е од прилика најмн. 10 цм. За негови критериуми тоа е аут, простор треба да има 2 цм најм. Или да нема воопшто,да се поклопуваат што мене лично не ми се допаѓа и што има да изгледам моден погодок за него пффф.
Сергеј е селективен во критикувањето. Непознати личности ги руга а другарка му Лила е поим според него. Е баш Лила често е за никаде. Така да Сергеј не е толку меродавен за модна критика па ти носи си облека како си сакаш и ти прилега според градбата на телото.
Првата комбинација да на девојката со розевиот дуксер а другите тешка модна катастрофа кој следи модни списанија или го интересира такво нешто ке свати дека со облеката нешто не е во ред на нејне на останатите слики
Можам да ја сфатам целта која Сергеј сакаше да ја постигне со емисијата. Да бидеме реални 70% можеби и повеќе девојки од државава на инстаграм и фб се straight up онлајн спонзоруши, и не, не го кажувам ова со цел да навредам некого, секој за себе си знае и си има свое мислење за експонирањето на социјални мрежи, но мене лично ми е многу лигаво и создава погрешна слика за поимот ''девојче'' и ''жена'' ( мое мислење ), Мислам дека поентата на емисијата беше да се покаже што се третира како мода ( не како стил, индивидуално, туку модата како широк поим ) и што е сексибилност и како се прави тоа на добар начин - на кратко, емисијата да биде едукативна. Но тука згреши Сергеј, имаше толку голема можност да направи нешто големо ама почна да биде досаден со неговите клише фрази и наместо да се обрати културно како познавач на мода и човек со разбирање за стил, професионалец за својата струка тој падна на ниво '' ја ругаме типката што ја мразиме со другарката со одвратни зборови'' и затоа не е сфатен сериозно. Емисијава имаше потенцијал, но не беше искористен.
Емисија во која водителот постојано ќе вергла 2 - 3 фрази? Ова е повеќе од глупо, немам проблем со тоа што е типов, но за пред камера не е доволно да се нашминкаш како кловн. Можеби и да има знаење во својата професија, но нема ни смисла за хумор, ако веќе мисли да ја тера емисијата во насока на трач муабети, ни пак да е во насока на информативна емисија од таа свера. Негледливо, целосно...
Гледав неколку емисии, во почетокот беше интересно, но сега самата емисија веќе ми е демоде. Второ и доста важно е непрофесионалноста што му се покажува во последните неколку емисии, а и целата емисија е веќе шаблонска. Прво прикажува слики од Боки, Лила и Карлеуша и тие биле светски, потоа покажува слики од непознати просечни девојки исмејувајќи ги со 3 исти фрази и дел каде ја прикажува Елена од Живот со стил и прво ја исмеваше, сега молчи и се глупира со моркови, краставици и кромиди. Fail to be funny. Мислам, непрофесионалност врз преочигледна субјективност. Боки и Лила исто се ботоксирани и не секогаш сјајно облечени, ама тие се светски без замерка. А на некои слики каде Елена беше океј облечена, ќути бидејќи не му одговара да изусти дека еве ајде некаде е океј облечена. Или пример, ја прикажува Тамара во долна облека и ролка како позира и таа била светска, така се тоа правело, а некаде при крај на емисијата покажува девојка буквално во истото, долна облека и ролка и тоа било страшно. Значи сума сумарум, светски му се другарките, а несветски се сите што не ги познава и одредени кон кои има нешто против лично, okay we get it Плус, може човек да даде поткрепени критики и без да исмејува и вреѓа. Така може и некој/а ќе го послуша, а вака, уште толку им се зголемува егото буквално на сите. Нему, девојките што се несоодветно облечени и естрадата.