Серии - општа дискусија

Јас ја гледав, најмногу заради Лили-Роуз и The Weeknd, се разбира. Ептен ме занимаше каква спојка ќе бидат на екран.

Искрено, се осеќам ко да гледав евтина лимонада од типот на 50 нијанси, или содржина извадена од која било dark romance книга од популарниве. Тоа ни kinky не е, не знам како да ги наречам сцениве а да не звучам ко потресен бумер.

Не знам дали би продолжила да ја гледам. Ме интересира што е штосот, љубопитна сум ама мислам дека нема да ми се допадне.

 

Јас си скролав голем дел од времето, предолги се епизодите како за таков тип на серија.
Да, исто и мене сцените со тимот ми беа најинтересни. Фотосесијата на почеток и она кога ја спремаа кореографијата. Додуша, мислев дека на тоа ќе биде фокусот, или дека малку така повеќе и подлабоко ќе ја опфати нејзе како лик, ама ич не ми личи на таква серија. Тоа ми е, кога не гледам трејлери и читам само краток опис.

Мислам дека по тој калап ќе одат ко што прават авторките на такви дарк романс книги. Таму приказната секогаш има потенцијал зашто ликовите се доста комплексно поставени, но некако сè паѓа во вода кога го зачинуваат со евтин секс и голотија без поента. И кринџ сцени. Ма да ова не беше ни кринџ, неудобно ми беше додека гледав.

А што е финтата со продуцентот или кој и да беше тоа, што работел на Еуфорија? И во оваа серија бил вклучен, нешто читав доста хејт и за овој лик, ама не сфатив баш зошто и како.

 

Од Еуфорија, мислам само првата епизода ја гледав и на тоа остана. Не ме привлече за да продолжам да гледам. Иста судбина како оваа, на една изгледана епизода ќе остане веројатно. Ај ако се опраи Идолов некако, ако продолжиш да гледаш, кажи. Би дала шанса на уште некоја епизода во тој случај.

 

Значи горе-доле сите сме со ист впечаток за серијава. Се насобраа доста серии периодов за гледање, тек и ќе излезат нови сезони од некои, а догледувам и некои од порано, па оваа може и така да остане. И онака ништо нема да пропуштам.

Ми се гледа некоја мистерија, нешто интересно, па се мислам за The Patient со Стив Карел. Гледам ја има на Дизни, рејтингот не е лош, па би ѝ дала шанса.

 

Ја немам гледано, ја гуглав сега. И мислам дека има шанси да ми се допадне, фала ти ептен. Сај-фај, баш добро звучи и топ што е кратка. Тоа се бара.

 

Да, скроз исто функционира како Нетфликс. Претплатата ме фати 495 денари месечно, мислам дека ако се плати одеднаш цела година, испаѓа ко да платиш за 10 месеци, добиваш два месеци гратис. Не знаев дали ќе ми се свиѓа, па месечно решив да си плаќам. Засега сум баш задоволна.

За содржината во различни држави не би знаела да ти кажам, не сум истражувала, ниту пак ми текнало да прашам. Преводи има на многу јазици, ама на македонски нема, ко што е на ХБО. Искрено, подобро што нема, преводот на ХБО е прилично лош. Често е буквален и ептен смешно изгледа.

Се изненадив и јас од изборот, еден куп серии од листата си најдов па наместо да симнувам ќе си гледам на готово.

 

Ја не сум ги гледала Yellowstone и Succession, се мислам од нив да почнам некоја. Сте ги гледале?

 

@MissChievous со каква фасцинација ја опиша Succession, сега и јас сакам да ја гледам.
Eте некогаш колку малку треба за да се реши човек.
Имаме ли тема за серијава?

Ах, сте ја збореле и погоре. Сега гледам. Епа тоа е некој знак, ете.

 

Да отвориме тогаш, јас викендов ја почнувам. @RainBow ти да не ја почна во меѓувреме?

 

Не сум ја почнала, уште едната епизода од блек мирор да ја догледам, па ќе ја почнам.
@MissChievous отвори тема штом си до втора сезона, па ќе коментираме таму.