Сестри е првиот македонски филм емитуван на Нетфликс од режисерката Дина Дума. Станува збор за приказна во која се става на тест пријателството и совеста на две тинејџерки Јана и Маја кога ќе се соочат со последиците од нивните постапки. Како и за тоа колку една обична забава и невнимание може да отиде предалеку и да стане причина за сајбербулинг и родово етикетирање, закоравено во нашето општество и менталитет. Според мене филмот разработува убава тема, што е присутна во секојдневието на тинејџерите. Најголема замерка во филмот ми е што нема многу дијалог и тој што го има е мумлање, па тешко се разбира или е некој површински разговор што не соодветствува на ваков филм. Очекував и подобар крај, лично ми изгледа како недовршен. Има и многу контрадикции во филмот кои мислам се намерно поставени како слика на македонското општество, пример живеењето во прилично лоши услови, а сепак се поседува скап телефон. Исто така и тинејџерскиот живот е многу прикажан во амерички стил, што се сомневам дека во реалност е ептен така, бидејќи мојот впечаток е многу поинаков. Дали сте го гледале филмот и какво е вашето мислење?
Искрено кога отворив нетфликс реков ај ќе го пуштам можда е филмот добар. Ама испадна стварно катастрофа. Прво, пола филм не се слуша што зборуваат девојчињава, второ цел филм е со пцуење и крајот исто така глупав.А на прв поглед ми остави впечаток реков ќе му дадам шанса можда е ок. Се труделе да направат нешто како американските тинејџерски филмови ама не си го трошете времето на филмов. Од мене 0.
Мене ми беше интересен, но крајот разводни се. Режисерката немала идеја како да го заврши филмот. Премногу очигледна разврската околу Елена, па се обидоа преку финалната сцена со давењето да се извадат. А имаше некои добри поенти, само што останаа на пола пат.
И мене ми беше крајот незадоволителен. Се согласувам, имаше добри моменти но крајот не ми се допадна. Глумата беше ок. Генерално не е лош филм но би можел да биде доста подобар. Барем не е тематиката турско ропство. И хајлајт е дека до Нетфликс стасавме
Супер филмче, истово и се деси на една девојка додека бевме во средно, праќала интимни слики од неа на дечко и, па од кога раскинаа он ги пратил на некој друг, за кратко време цело школо ги имаше сликите и видеата, после тоа никој не сакаше да ја дружи, такво омаловажување нема ни во филмов.. А оној момент, дека во самиот филм има вметнато во делови музика од Два бона и Слаткар, добро им текнало, таа музика е музика која што ја слушаат поголем дел од младите во Македонија и одлично се вклопува во концептот на филмот.. Се на се, моја оценка за филмот, 6/10.
