Не било за тебе, ќе си чекаш тоа што е твое и тоа е тоа. Некогаш нешто не зависи од нас, што и да направиме ние не можеме да го смениме тоа што треба да се случи. Немој да се разочаруваш, оди силна кон својата цел.
Како јас да сум го пишувала ова. Иста сум и јас паничарка огромна. Еднаш веќе имав спонтан, тоа беше огромен шок за мене. Постојано се прашував зошто, но сите гинеколози кај кои бев ми рекоа дека нешто не било во ред со плодот и дека подобро што уште на почеток сум се исчистила. Три месеца правев пауза после спонтаниот, и цело време живеев во страв, дали следниот пат ќе биде се во ред. Сега сум втор пат бремена и сум во страв, бидејќи 5недела, но сеуште не видов ембрион. Некако многу работи ме потсеќаат на првиот абортус. Болка во половината, во карлица неиздржлива. Денес после преглед кога отидов во вц видов крв. Се тешам дека е од прегледот. Но и претходно сум била на преглед па немало крв. Многу ми е страв, се плашам втор пат да не имам спонтан. Зошто тоа се случува, никој не може да ми објасни. Што ќе правам понатаму?
Не, чекам да видам што ќе се случува, бидејќи само еднаш избришав крв. Ако и понатаму продолжам да бришам крв нормално дека утре пак ќе одам на гинеколог. До некаде и јасно ќе ми биде што се случува. Денес и кажав дека имам болки во половината и во јајниците и таа ми рече дека тоа е нормално. Инаку не живеам во Мк, а тука ако дојде до тоа не даваат никакви лекови, оставаат да видат сам организмот да се избори.
Леле, вака кога ве читам, фала му на Бога што за време на бременоста сум си во Македонија и докторите се многу позагрижени и поспремни од тие во странство. Едно нешто мало да не ми штима одма замарам по вибер и одма враќаат, а не па да морам да се помирам само со 2 ехо макс во бременоста како што е во странство. Како бе тоа така како организмот ќе се избори? Па за што се измислени тие лекови, прогестеронската поддршка? Катастрофа . Ти посакувам да биде сѐ во ред и да си земеш живо и здраво бебе во раце
Што да правам и да сакам поинаку нема. Морам да чекам до утре. Но ако втор пат ми се случи абортус дефинитно одам за Мк за да направам испитувања. Тука не сум сигурна дали нешто ќе превземат и ќе испитаат.
Многу добро те разбирам, јас сум со еден спонтан па добро знам низ што минеш. Те молам само не губи верба. Не значи ако имаш крв и дека е одма најлошото, има трудници кои што имале крварење па на крајот си родиле здраво, право бебе. Ама нормално секое крварење во бременост мора да се следи, таму незнам зошто така прават, стварно се безобразни и без трошка емпатија спрема трудници.
Да мила, со Господ напред сега сум бремена Ќе биде кај сите, само нормално треба да се најде проблем. Еве кај мене испадна дека имам мутации па сум со клексан од сам старт, а со спонтаниот не примав.
Супер, се радувам кога ќе слушнам вакви вести ти посакувам успешна бременост и се надевам дека и јас ќе слушнам добри вести
Исто пред една недела осеќав симптоми како болки во половина, поинтензивни болки во градите, грчеви. Сега од пред некој ден се ми снема дури и градите помалку ме болат. Во понеделник сум на преглед така ми закажа докторката тогаш треба да биде 6ипол - 7 недели од бременоста. Ќе видиме. Сега осеќам само дека ми сметаат некои мириси и имам одбивност кон некои намирници. Гадење немам само не ми оди да јадам некои работи што претходно ги сакав.
Исто и јас гадење немам, сега ми се смирија цревата ама пак ни апетит немам, зорле јадам и пијам. Те чекаме во понеделник да не известиш, што ти кажале
Здраво дечки по точно 11 месеци обиди за бебенце,имајќи ги сите симптоми дека ќе добијам иако ми касни оставив да не правам тест бидејќи и кичмата и стомакот по малку ме болат како пред добивање,неможев веќе да чекам и сабајле со прва мокрача направив тест и искочија две цртички(едната јака а втората послаба но многу јасна),но ме плаши сто сеуште имам болки како секој момент да ќе добијам дали била некоја со вакво искуство дали имам простор за паника или?
Пред се, честитки за позитивниот тест. Од искуство, а и повеќе членки ќе ти потврдат овде дека многу честа појава е да се има болки јаки како за добивање. Јас мислев дека во секој момент ќе добијам, баш тој месец воопшто не очекував бременост, на друго место ми беше паметот. Ама дека активно пробувавме долго време, а имав тест дома, реков ај ќе го направам тестов да се осигурам дека е негативен, па може ќе ме пушти психата и ќе пробие да не ме мачи. И излезе позитивен. Еве сум 18+ недела, уште од време на време имам благи менструални болки и грчеви. Ама добро се сеќавам, неколку дена пред и на денот што ми беше за добивање имав потечени гради и болки и сите останати симптоми за добивање. Направи си една бета хцг во лабораторија да си бидеш мирна и со лесно бременоста. Едит: и земи си витамини, фолна киселина во консултација со матичниот гинеколог.
Честитки пред се. Јас кои болки ги имав, мислев ќе ми дојде во секој момент. Направив тест за да се осигурам дека не сум бремена, ама две цртки си искочија. Си имав болки уште некој ден, а после тоа така по малце ме заболуваше стомак, ама тоа од што се шири матката.
Јас срц имав касна овулација и 7 дена по доцнење на менструација со сите можни симптоми за добивање имав и негативен тест. И бев пусти бригу на весеље, ќе добиеш кај и да е. Епа "ќе добиеш кај и да е" ќе прави 3 години во декември
Честитки имав и јас болки како да ќе добијам, некогаш посилни, некогаш поблаги и ги осеќав одприлика првите 2-3 дена доцнење и некаде до крај на 5та недела - повремено. Уживај во бременоста, нека ти е со лесно
