Синдромот на „сама си го барала“ и искуства со сексуално вознемирување

За себе обично мислам дека во ситуации кога некој ме вознемирува вака, значи не зборувам за напад туку на пример 'ненамерно" допирање. ќе викам за да го засрамам.
Ама кога навистина ќе се најдам во ваква ситуација, поинаку е.
Пред една недела, рано сабајле одам накај факс со автобус во кој имаше гужва, со оглед на тоа што беше скоро 8 саат. Многу луѓе бевме внатре и не обрнував внимание од каде има некој залепено до мене. Близу мојата станица одеднаш почувствував како нешто ме допира и притиска на градата. Пред мене имаше жена со рамото свртена кон мене, ама кога погледнав поубаво видов дека еден постар човек, околу 50тина години си ја имаше ставено дланката на градата, без притоа да пробува да се фати за држач, со што очигледно беше дека е намерно. Прегрозно се осетив. Не знаев како да реагирам. Сакав да викам, да почнам да го пцујам, ама како да немав глас. Само пробував некако да се свртам со грб накај него, додека уште му стоеше раката. Тогаш автобусот застана на мојата станица, набрзина се истуркав меѓу луѓето и се симнав.
Сега се каам што не се развикав, ама имав претчувство дека јас ќе испаднам крива во нечии очи, на пример дека ненамерно било ради гужвата.
Носев дебел широк дуксер закопчан до гуша преку кој не се ни познава дека имам гради. Ама не си го барав да ме допира некој. Само одев накај факултет, со таа намера се качив во тој автобус.

 

. Значи никој не си го бара да се разбереме. Јас те разбирам и баш глупа ми фората дека некој сам си го бара

 

Читам и ми се згади од некои коментари. Како може некоја сама да си го бара? Со што си го бара,а? Со изгледот? Не. Со ништо не си го бара. И гола ако сака нека оди, тоа не значи дека сака секс. Никоја не бара да биде злоставувана без оглед на тоа како е облечена.

 

Нешто освестувачко на што наидов (иако не е од сега).
Изложба "What were you wearing?" во Брисел со алишта кои ги носеле жртви на силување при чинот, со цел да се прати порака дека жртвата никогаш не си го бара преку облеката.
Браво за идејата.

https://www.independent.co.uk/life-...gium-debunk-victim-blaming-myth-a8152481.html

 

https://www.crnobelo.com/novosti/sv...kaat-tanga-gakjichkite-so-mokjna-poraka-foto?
Јас баш пред малку го видов ова, искрено се згрозив за тоа што го прочитав во текстот, дека во Ирска некој не го осудиле само затоа што таа вечер силуваната девојка носела танга.
Па жените споделуваат слики од танга гаќички, се со цел светот да знае дека ако некој носи танга гаќи не кажува да и не повикува да биде жртва на силување.
Браво

 

Да и ја си го барав сама пред годините кога еден идиот ме нападна. Бев облечена во широк дуксер и фармерки!!!! Месеци си влечев последици.
Па и уште полицаецот ми рече: ајде не се потресувај толку, биди среќна што не си силувана!!!! Си доби во лице: тоа да и го кажеш на ќерка ти кога ќе и се случи вакво нешто.

Толкав бес ме обзема околу темава...

 

Нема простор за никаков изговор за вршење сексуално вознемирување ниту оправдание за истото а најмалку фамозниот изговор-сама си го барала.

 

Треба да протестираме за такви работи а не да седиме со скрстени раце.

 

Баш така

 

Pa uste koga zensko kje rece sama si go barala mi ide da si pukam u koleno, ne smee ni masko sto ima dve cisti ama kolku zeni ima takvi glupavi, jas imam takva baba sto ne me pustase da oblakam mini suknja posto kje sum go barala

 

Почнав да ја читам темава и од нервоза неможев да заспијам до 5 ипол сабајле . Многу се вознемив. И мене ми се имаат случено повеќе вакви работи за жал .
1. Се возев со двојка имаше многу гужва како да осетив нешто да ме допира по задникот ама си реков ајде гужва е случајно е и после некое време пак и се вртам гледам еден албанец и уште насмеан ми вика здраво и му реков ако не се тргнеш во рок од две секунди ќе се покаеш и одма се повлече . Ми беше после тоа криво што не направив поголема работа од ова до помина толку лесно копилето ова беше пред 3 или може 4 години секогаш кога ќе се присетам многу се нервирам што не изреагира поинаку.
2. Од градски парк накај автобуска и еден со точак улетнс кога ме удри по задник мислам дека со цела сила ме удри и избега одма .
3. Одам накај дома се враќам од кај другарка и приметувам дека ме следи еден човек почнувам да одам брзо и он почнува среќа што бев во близина на мојот дом па се Спасив брзо.
4 Случка која никогаш нема да ја заборавам се враќам од кај другар место со автобус или такси се враќам пешки си реков нема што да се плашам никој ништо не ми може и одам после пет минути откако тргнав ме фати страв ама си викам нема од што страв, одам по една темна уличка по скратена постапка поминуваат луѓе се вадам од памет се вртам на сите страни беше касно накај два ипол вечерта и поминувам по една друга уличка гледам 5 копилиња седат 3 царство во кола а двајца надвор беа пијани немам друго објаснување на такво ретардирано однесување значи бев по широка јакна и фармерки и едниот ми вика добри цицки другиот ми вика добри нозе цицки и такви беа ко хехе каде сакаш да те возиме и јас убрзав и како што одам брзо накај понатака една многу тесна споредна уличка гледам како колата оди пополека едвај се поминува по таа уличка не е за коли стварно не знам како се збутсле и викам нема шанси да е само паничам има и други коли и само гледам се доближува до мене колата јас застанувам колата застанува јас убрзувам колата убрзува многу се исплашив и истрчав во нечиј двор и си реков може ќе си помислат тука живесм или ќе се идплашстара чекав да си заминат и откако видов дека си заминаа продолжив да одам но до голем страв се вртев цело време дали ќе се појават од некаде среќа си стигнав дома безбедно и пиев шекер и вода да се смирам целата се тресев.

 

Никој нема право да го допира моето тело без моја дозвола.Ништо неможе тоа да го оправди.Јас можам да носам што сакам.Ако сакам ќе се шетам гола но никој нема право да ме допре.Луѓето кои велат сама си заслужила се толку прости и одвратни што јас ретко колнам но дај боже да им се случи тоа па додека лежат во депресија дома да си кажат но чекај малку па јас го заслужив тоа.

 

Во нашето општество, многумина не ни знаат што спаѓа под сексуално вознемирување.
Многу мажи, жените ги доживуваат како 'посебен вид', не ги гледаат како човечки суштества-рамни на нив, туку како сексуални објекти, инкубатори, занимација...

Патријархатот, религијата (Бог му направил на Адам жена, за да има со што овој да се занимава во Рајот), неинформираноста, изолираноста, сето тоа придонесува на проблемот.

Секојдневно и на форумов се среќаваме со ова, што по постови, што во лични пораки.
Многумина мислат, дека ако жена зборува отворено за секс, тогаш би сакала со некој од нив да го прави тоа.

Истиот проблем се провлекува низ сите сфери во животот.. па имаш мажи, кои плескање по задник колешка, или дофрлање на улица, го доживуваат како нешто сосема нормално.

И најтрагичното.. жени кои се задоволни да живеат во таква подредена улога, и исто како и гореспоменативе, не се свесни што се спаѓа во сексуално вознемирување, силување.. итн...

Многу, мнооогу учење ни фали.... во свет во кој за мнозинството се непознати, основни поими како 'родова еднаквост'
Не се учи на форум во неколку поста

 

По селска реченица од тоа сама си го барала нема..
И децана сами ли си го бараат од педофилите.
Закони, закони,закони..
Дома ќе ти дојде ќе те нападне, силува ти кафе треба да му свариш.
На улица никој помош нема да ти пружи.
А допрва доаѓаат такви покварени генерации.
Гледаат филмови, па и они влагаат у филм.
Јебачи....
Не не почитувам ни такви на кој многу им работи јазикот па дофрлуваат. Те зјапаат по автобуси, намигнуваат.
Ама полицијата вика е добро де.
Цветаме..

 

Не е доправа.. си постојат такви, од секогаш.
Минатите генерации, дури и полошо минеле.
Ги мажеле без да сакаат, чаршафи со крв им барале, не се разведувале скоро никогаш, трпеле се' и сешто, само за да се задржи сликата на 'пристојно семејство'.

Башка што сите на времето знаеа барем еден манијак, и никогаш не ги пријавувале на надлежните.
Ко 'нормално' се сфаќало.. 'Тој е таков, и тоа-е тоа'

 

Знаеш дека нешто е погрешно со општеството кога уште од малечко девојче твоите те учат начини како да се заштитиш од машки, каде да се движиш и каде е посигурно, ти даваат телефон и те учат на броевите за помош и генерално те вадат од памет, меѓутоа таква ни е реалноста. Мораш постојано да се пазиш, да внимаваш во какви кругови се движиш, постојано да бидеш на штрек, да држиш клучеви во рака навечер за секој случај нели. Ама не, ние жените сами си го бараме

За жал како и повеќето девојки и јас сум имала неколку негативни искуства. Пред неколку години чекав 57 од факултет за накај дома, петок беше, преполно стандард со пензионери. Се качив горе, имаше едно слободно место до постар човек, дедо можеше да ми биде, изгледаше сосема нормално. Седнав, слушав музика на слушалки и чекав да стигнам до мојата станица. По кратко дедото почна да ме допира по бутот, го погледнав и воопшто не изреагира. Си викам ај може ми се причини или несакајќи било. После неколку минути повторно се случи. Од памет се извадив, веднаш станав, и на следната станица се симнав. Не можев да престанам да се тресам од што ми беше неубаво. Друг случај, со другарки од плоштад одиме накај парк, имавме 14 години. Летно време, луѓе си возат точаци по кејот, ние си се движиме си муабетиме, и наеднаш ми застана еден дечко со точакот до мене, блокирајќи ми го патот, бидејќи од другата страна имаше ѕид. Ме удри по гз, се изнасмеа, и си продолжи со точакот. Јас останав шокирана и згрозена. Се чувствував крајно несигурно после тоа. И секако дека не носев ништо провокативно, имав 14 години, буквално ко дете бев.

Да не зборам за тоа дека живеам во населба во Скопје каде што е познато дека има манијаци, кои што се кријат во пределот на шумата и излегуваат голи на жени. Сега веќе неколку години немам слушнато за нов случај, ама кога бев тинејџерка ова постојано беше секојдневие. И ноќе не дај боже сама да требаше пешки да си одам, секое шушкање во шумата ми правеше срцево да ми прескокнува ко лудо.

 

Сите се префрлија на интернет.
Им се олесна покажувањето.
Доказ: сите дик-пикс што еден куп жени ги имаат добиено.
Истото е, скроз, само сега е дигитализирано.

 

Незнам дали е во ред цитирањево овде, ама да кажам. Иста ситуација ми се има случено. Добро, не седев- стоев. И некој будала упорно се лепеше зад мене. Сигурно нешто екстра провокативно не сум била облечена, сред бел ден беше. Се поместив еднаш. Се поместив уште еднаш. Тој некој упорно зад мене. Па кога му се свртев на цел глас, со сите пцовки најсочни што можеа да ми текнат... и врeскав така до наредната постојка. Уште нокти што не му закопав. Tој самиот слезе на наредната постојка.
Вака ко ќе размислам, не е ова решение што го препорачувам, незнам ни какви се приликите деновиве и колку избудален и агресивен народ се вози по автобуси. Ама мене тогаш ми беше просто нормално да реагирам така, оти јас не сум ништо виновна што некој си има ментален проблем и општествено неприлагодено однесување.

 

Ова е најправилно однесување во ситуации како оваа. Секогаш постапувајте вака. Егзибиционистите и манијаците не се насилни луѓе, туку длабоко исфрустрирани и повредени. Засрамете ги пред сите, покажете каде им е местото. На јавно место прст не смеат да стават на вас, секогаш ќе има луѓе за одбрана.