Синдромот на „сама си го барала“ и искуства со сексуално вознемирување

Многу вакви случки ми се имаат случено за жал. Некој да свири со кола, да ти дофрлува недолични коментари...Во средно неколку пати имам отидено кај директорот заради малтретирање и допирање на мене или мои другарки од страна на Албанците со кој бевме на смена еден изеде ќотек после бегаше од нас за жал ништо не преземаа од школото. Исто еднаш со другарка во гтц петок или сабота навечер излезени почна да не следи еден манијак несто да мрмори ние почнавме побрзо да одиме и тој па почнавме да му викаме тој продолжи, помина една жена и уште со ироничен глас ни рече каде вака по суќни шетате. За среќа поминуваа двајца полицајци па потрчавме накај нив викајќи, овој се исплаши и избега го кажавме и рекоа ќе го бараат. Исто и во автобус ми се има случено да ми се трие некој до мене иако имало место тогаш реагирам го туркам или со лакт во ребра го мавам и се одалечувам. многу пати имам видено и други девојчиња како малтретираат по автобуси и никој не реагира мува не ги лази.

 

Сум кажувала мислам за ова...
Имав професор по ликовно кој генерации и генерации во гимназијава (која е една од најпознатите во Скопје) е познат по неговото, најблаго речено, крипи понашање. Доаѓа уште на првите часови во нова генерација и на 15 годишници им се претставува со неговата „смешка“ дека е „стрелец од напред, а девица од позади“. На сите девојчиња општо се обраќаше со „малечко“ и кога ќе побараше некоја на час да оди во вц, понекогаш знаеше да праша „да не ти треба друштво“
Ова, како што реков, со години се знае - дури на фб во оние статусите „знаеш дека учиш таму и таму ако...“ една од точките беше за ваквото негово манијачење. Не знам дали некој некогаш се обратил на службата за ова (пред пензија беше човекот и само прва година нам ни предаваше), ама вака кога ми текнува - ми е криво што не сме го пријавиле...
Ми нема нешто пониско од наставник/професор што го прави ова , ултимативно газење на етика и морал и сè. И тоа со било колкави ученички - истото се однесува и за факултет, без разлика што студентките се полнолетни.

Ова го немам спомнато никаде, а ми останало во меморија како гадничко...
Летоска пред 2 години, на автобуската кај Бит пазар, еден постар човек (сигурно околу 60 години) ми приоѓа и ме прашува „кукло, кога доаѓа 35ка“ (патем со истиот автобус си идам и јас). Превртев очи во себе одма од сељачкото обраќање, ама од култура само отсечно и сериозно му кажав. Се врткаше така сомнително околу мене додека чекав, ама на момент се изгуби. Кога после влегувам во автобусот (полупразен), седнав до прозор, а тој до мене. Седам така awkward, a тој се лепи со раката на мојата, и на коленото ме пипна Среќа баш тогаш, после станица-две влегоа двајца контролори, дека најнапред бевме - покажав одма карта и пред нив на глас и остро на овој му викам „станете да поминам“. Се симнав набрзина вознемирена и веднаш стрчав во друг автобус што доаѓаше позади...
„Провокативниот“ изглед и облека? Најобична маичка на кратки и фармерки, коса во репче и ни трошка шминка, за на факултет да завршам работа што побрзо на жештинава.

Некоја посериозна случка не сум имала, ама сочувствувам со секоја прочитана приказна и ги осудувам сите сељаци, вознемирувачи, манијаци, да не зборуваме веќе за силувачи...
Сите, а најпрвин жените, во својот речник треба да ја искоренат таа глупава фраза „си го бара“, ма за не знам каков изглед и аутфит на друга жена и да коментираат.
Да не се исмејуваат, омаловажуваат споделени „помалку сериозни“ случаи на вознемирување и да посочуваат вина во жртвата - дали е тоа облеката, дали е „невнимателна храброст“, било што!
Можеби не се за осудување постари лица кои блиски девојки/жени постојано ги предупредуваат да внимаваат во доцни саати, тесни улички и сл., навистина се грижат и мислат добро - ама потребата од таква грижа кажува многу за општеството во кое живееме.

Најнормална појава е и да се облечеш полабаво на 40+ степени, и да шеташ слободно во било кое време (побогу, не сме во каубојско време, во 21 век сме во држава што се смета за стабилна и правна!), и да побараш некаква помош како на пр. превоз од машки лица и да очекуваш нормален однос. Единствената ненормална појава е ваквото изопачено однесување.
Ниедна девојка не си го бара!
П.С. се замолуваат тролчињата да ја одбегнуваат темава оти со задоволство ќе бидат пријавувани

 

Дадов совет убав..од нејзино искуство...ништо навредливо.
Ако сметаш дека не треба да стои, бриши тогаш...но сепак ќе виси насловот на темата, од каде произлегува тој синдром, од каде и од кога потекнува таа узречица- сама си го барала!???
Моите искуства не ги кажувам, но ни во такси сама не се возам од страв а камоли да седнам во кола со непознати мажи.
Треба човек да биде реален и правилно да пресудува а не само да ме обвините...

 

Какво деградирање на жените, човече . Не ни треба никој друг да не омаловажува, ние самите сме си доволни.

 

Гледам метла удриле..
Баба Радо, срам да ти е на речникот.
Се згрозив.

 

Зошто ми го нема постот? И зошто нема известување?
Не треба да го бришете ова. Треба да оставите сите да видат од каде потекнува синдромот „Сама си го барала“.
Срамота.

 

Не душо. Нека се срамат женските што одат недолично во јавност и го страмат цел женски род.

 

Грешиш. Ваквите како тебе се сТрам за целиот женски род.

 

Со што тоа јас те засрамив тебе!?
Ниту гол газ ми се гледа и ниту цицки сум пуштила на ачик!?

 

А што правиме со оние девојки кои биле облечени пристојно, што се однесувале нормално, што не го погледнале напаѓачот, не му се насмевнале и немале никаков претходен контакт а сепак се нападнати?

Еве, на пример, мене сеуште не ми е јасно зошто ми свиркаа а само рацете ми беа голи. Од широкиот фустан не можеше да се види дали сум згодна, дали имам добра нога, газе, цицка. Едноставно бев покриена, како што веќе пишав, трчав по мали деца и носев долг фустан за да не мислам дали ке ми се видат гаќите доколку се наведнам. Што можам да барам јас со голи раце? Ниту ги погледнав свиркачите, ниту направив некој секси потег. Они едноставно решиле да ми свиркаат, ничим изазвани.

 

Се сметам за доста разбрана личност и скоро секогаш можам да сфатам поинаква перспектива на работите од мојата. Луѓе сме, различни сме, различни средини, семејства, потекла... Се тоа не формирало на различен начин.

Ама една жена да мисли дека друга жена „го добила она што си го барала“ е најголемото дно на човештвото. Не само за женскиот род, туку за општеството како целина. И не ми е ни толку криво шо одредени жени го мислат тоа, туку ми е многу жал шо таквите жени ќе израснат исти такви ќерки, и синови кои ќе сметаат дека им е дозволено сексуално да вознемируваат девојки заради нивниот физички изглед, или нивната облека.

Најлошото сексуално вознемирување сум го доживеала целосно и тотално облечена. Со ролка, фармерки, палто до под колена и чизми.

 

Еден куп муслиманки носат бурка (простете ми ако го згрешив, не знам како точно се вика) и шетаат целосно облечени, само лик им' се гледа... Кај нив тоа е религиозно обележје, можеби некој манијак и на тоа се пали...
Таква цела облечена, сама си го бара?

 

Насилство, силување не признавам...никој нема право со сила да зема нешто што не му е дозволено.
Тоа е друга тема, други филозофии..
Сама си го барала-ете за тој синдром пишав од каде потекнува....или па поради нешто друго. Ете од каде потекнува тоа мислење, објасни ми!?

 

Ти ова сериозно?

Утрово имав обврски низ град, а беше 40 степени. Според тебе, треба да припаѓам во несвест од жешко во фармерки и ролка оти инаку во фустанче може на некој да му текне да ме допира, а во краен случај и (не дај боже) силува?

И, по твоја логика, ако носам тренерки сум светица, а ако носам фустанче или кратки шорцеви сум дроља?

 

21 век сме. Што и да покажеш деколте, гола нога ? Дали тоа му дава за право на некој маж да се послужи со тебе ? Ти до грло идеш закопчана и зима и лето ? Спомнаа во пост над мене. Што правиме со жените во бурка ? Мислиш тие не се предмет на злоставувања?

И уште едно прашање. Колку години имаш ? Баба ми на 90 години повеќе и држи паметот од тебе. Ноу офенс

ПС СЕ НАДЕВАМ ДЕКА НЕМАШ СИН, КОЈ ЌЕ ГО УЧИШ ДЕКА Е ОК АКО ВИДИ ЖЕНА НА КОЈА И СЕ ГЛЕДА ЕДЕН ЦМ ОД КОЖАТА, ДА СЕ ПОСЛУЖИ СО НЕА И ДЕКА ТАКВИТЕ САМИ СИ ГО БАРААТ, А ОН ТРЕБА ДА И ДАДЕ.

 

А ако е разголена, тогаш дозволено ли е?

Сама си го барала, во буквален превод значи девојка или жена некому да каже - Сакам да ме допираш, сакам да ме бакнеш, сакам секс со тебе.

Дали според тебе, ако девојката има деколте, кратко фустанче или шорц, а притоа едноставно чекори по улица или се вози во автобус, значи нема контакт со очи, нема усно излагање дека сака било што, таа всушност по автоматизам сака да прати порака - Си го барам?!

 

Ауууу страшно
Женски баталете. На нас младите е времето да направиме промена. Само едукација, едукација и едукација! На младите девојки дека треба да кажат кога им е непријатно и да бараат помош,
на младите машки дека НИКАКО не смее никој да се гиба или вознемирува без јасна обострана согласност.

До утре можиме да и докажваме на госпожата, џабе.
Од таквите како неа сме на ова ниво.

 

Kакво е тоа недолично извини? Кога ќе научиш дека секој има право да се облекува и да изгледа како сака и тоа никому не му дава за право да и покаже каде им е местото и дека заслужиле а да бидат злоупотребени на било кој начин, било жена или маж тогаш може да се каже дека си човек. Вака со вакво размислување ти треба да се засрамиш!

На темава, среќа досега не сум се нашла во ептен лоша ситуација како некоја од вас, ептен ми е жално што сте го доживеале тоа.
Се сеќавам на по некоја случка од времето кога живеев во Скопје како студент, имаше еден возач во аавтобус кој не сакаше да земе пари за карта оти сум заслужувала на убавина да се провлекувам, само се завртов и излегов, за несреќа до факс одев само со тој автобус, па кога го приметував дека е тој чекав нареден, ама ми беше непријатно зошто ми кимкаше и смееше како будала.

Друга случка имав во основно кога машките од клас беа толку безобразни и неколку од девојчињата ги малтретираа, ги удираа по газ и ги фаќаа насекаде. Еднаш се осуди еден да ми го направи истото и после часови доби ќотек лично од мене, го затворив во училница ии удирав како знаев и умеев, плачев од нервоза и од тоа што морав така да постапам, бев релативно мирна особа.

И еднаш во маало се шетав и едно мало дете, стварно беше ептен мало, на точак залитан така силно ме плесна по газ што мислев дека ми отрапна цела позадина, потоа го дознав кое е и еднаш го начекав како се вози па така залитан си доби бокс по носот и се патосира долу, мајка му ми дојде на карање па и нејзе ја ставив каде и е местото.

Јас сум свесна дека сум атрактивна колку и да звучи ова како фалање, сакам да се дотерувам и имам таков стил, ме знаете од модни критики, знам дека некогаш сум провокативна, имам тетоважи кои сакам да ги покажувам, АМА тоа никогаш не значело дека сакам да ме силуваат или злоупотребат, тоа не е изговор и не не си го барам во ниту една ситуација.
Жално е што сме безгласни и после толку напори да бидеме рамноправни.