Скапоцени камења, нивното значење

Еве да се цитирам На прикачената слика имаш контакт од Деко.

 

Мислам дека не вршат достава

 

Никаде не е докажано дека камењата ги лекува луѓето што се депресивни, несреќни и сл.
Каменот/Кристалот е украс, за друго ништо не може да ти помогне.

 

На овие од Биокварц им укажав дека продаваат опалит, а не месечев камен, ми го избришале коментарот. Значи не се работи за неинформираност. Следно што видов, продаваат "авентурин", пластика нарачана од Алиекспрес. Срамота!

 

Епа очигледно навистина продаваат лажни кристали. Среќа што не порачав затоа што ем не се вистински а ем не се ни баш ефтини.

 

Сакам да земам аметист.Прочитав нешто но сепак сакам мислење/искуство од некој што има по детално ако може.Водолија сум,родена во јануари.

 

Ај да ја активираме темата. Нарачав црн турмалин, а сакам и горски кристал. Како им се цените на тие? Celesta crystal shop ги гледав.. Не знам дали вреди, околу 1000 ден се движат.

Ја исчитав цела тема. Не можам да си го редактирам претходното мислење. Морам нешто да кажам и прашам.
Имам прстен од баба ми, но таа е почината и не можам да ја прашам. Златен е со зелен камен. Дедо ми не е сигурен, но мисли дека е смарагд, зошто скап бил и на рати го плаќале тогаш. @PurpleMind ако не ти е проблем да го сликам да го видиш? Гледам се разбираш. Го однесов еднаш на златар за да го стегнат каменот беше лабав. Го прашав златарот за каков камен станува збор. Ми се изнасмеа и кажа дека е фарбано стакло, и он купувал такви од Солун за 10-20€. Јас се инатев му кажав да внимава, ако не е вреден за него, за мене е спомен. Зеде некоја направа и рече дека ќе ми докажел дека е безвреден. Кога ќе го допрел ако не се поместела стрелката значи дека е стакло. Направата имаше неколку нивоа. Кога го допре каменот се помести стрелката малку негде помеѓу второто и третото ниво. Златарот малку зачуден рече дека сепак тоа не е скапоцено нешто, требало многу повеќе да се помести стрелката за смарагд или дијамант или било кој скапоцен камен.

Кај друг златар многу ми се допадна златен прстен со огромен камен, бојата беше неодредена, се прелеваше од портокалово кон кафено. Ми го покажа и го врати во сеф. Рече дека е руски килибар и дека не ја знаел точната вредност затоа и не го продавал, можел да биде проценет и до 30 000 евра. Неколку пати имав одено да купувам сребро за подарок, да носам накит и часовници за поправка и секогаш очите ми се во тој прстен. Последно бев пред една година. После некое време од првото видување на тој прстен мене нешто пак ме однесе до таа златара, однесов златна алка за скратување и прстенот веднаш го видов во излогот. Побарав да го пробам, мислам дека како заљубена сум во тој прстен, ден денес уште го мислам, а поминати се повеќе од 5 години откако прв пат го загледав. Кога прашав за цена ми кажа 200 евра ќе ми го дадел со попуст бидејќи сум досадна со тој прстен. Инаку го продавал за 350.

Имам 3 прашања:
1. Дали некој може да го види мојот прстен и да каже дали е смарагд?
2. Дали да го купам прстенот кој ми се мота во глава (златарот вели рускиот килибар)?
3. Дали згрешив што порачав црн турмалин за 1000 ден од Celesta Crystal Shop?

 

Некој контакт од приватен некој што продава камења со добар квалитет?

 

Сликај да видам дали ќе можам да проценам по слика.

 

Утре ќе сликам на дневна светлина, сега ќе ти сликам во ЛП.

 

Скапоцените и полускапоцените камења можат да влијаат на состојбата на човечкиот ум и тело. Ако се носат на телото или во близина на телото моќта на камењата влијаат на лечење или ублажување на психичките и физичките проблеми.

Пример за таков камен е Аметистот.

Аметистот е познат и како камен на среќата. Предизвикува смиреност, спокојство и помага при расеаност и главоболка. Аметистот штити од стрес, несоница и ментална напнатост.

Дали имате искуство со носење на вакви камења?
Колку се оригинални кај нас ваквите камења?
Дали пред се верувате дека може да ви помогнат?
Слободно можете да пишете и други камења кои ги знаете или ги имате и како сте задоволни.

 

Потрошив околу 2000 ден за кристали. Купив од Целеста Кристал Шоп од инстаграм. Изгледаат како да се вистински и природни, но не сум 100% сигурна бидејќи не се разбирам доволно. Сега најдов еден човек семеен пријател кој се разбира од кристали и изработува накит. После ќе отидам до кај него и ќе му ги однесам да ги провери. Ќе ви пишам да кажам дали се вистински или пак станува збор за стакло од алиекспрес.

 

Што направи?

 

Сега се вратив пред еден час. Овие од целеста сите се вистински. Ги провери и со направа за да биде сигурен. Рече дека и по реална цена биле продавани бидејќи не станувало збор за ретки камења, природни, вистински но пример турмалинот и ахатот се доста застапени.

 

Имате молдавит (се надевам така се вика, анг:moldavite). Вистина ли е влијанието на кристалот?

 

Не е

 

Се разочарав, јас нарачав од алиекпрес мислев дека се вистински .

 

Не мора да значи дека не се вистински од алиекспрес. Но треба да се проверат. Некој што има таква направа и што визуелно знае да процени може да ти каже дали се вистински. Јас имам ахат порачано од алиекспрес поодамна. Го проверивме, вистински е. Но сепак, провери го. Одредени камења кои не се ретки, и кои се ефтини може да се вистински. Ете мојот ахат од алиекспрес беше вистински. Имав горски кристал демек од алиекспрес, тој беше лажен, чисто стакло исфарбано. Зависи.

 

Вистина е , да не знаеш каде се продава ?

 

За што ги купувате камењата, може некој да ми објасни?