Скок во развој кај бебињата

Да ти кажам мислам дека е до времето на легнување. Ќе видам сега зошто вечерва го легнав по старо, пред 9, ако стане пак во ниедно време значи до тоа е, од утре пак ќе темпирам легнување после 9ипол.

 

Каква ситуација имав колку плачеше срце ми се кине мајки срце сите ли бебуши вака плачат или само мојата е толку плачлива. Луѓе на цел глас наеднаш кога почна да вика море како не ја нишкав не се смири никако, ја легнав да и дадам чајче и почна да се смее а јас почнав да плачам. Мм ми вика многу сум паничела, ама неможам бре разбирам кенкање ама олку вриштење на цел глас ваква бев

 

Ехеее, мојот доби уртикарии од толку дерење некни, пликови црвени цел. Спие и урла, вика. Сега се ближи 11 го чекам, ко натемпиран е во 11 да урла.

 

И мојот урла и писка многу, особено деновиве како наоѓа баш ко сум целата крш буквално
Се дере, мрда, сред ноќ , пак, за цицање се корне.
последните денови од 4ти скок ги минува и кажете дали после се нормализираат.
Шо вика @AngelOfArh заспивањето тепачки нѝ е.

Еј, на каков начин ги заспивате?
Јас на скут после цицање го занишкувам и со тапкање по газе.

 

2 дена мирни, третиот ќе наплати... што е тоа? Па скок во развој, се знае... од сабајле спие само со цицка во уста, мрднам ли, кааааде бе мајка, кај си тргнала? И така, место да вежбам, да чистам, да спремам ручек, да правам нешто ефективно, еве ја лежам до бебето дури он спие оти ако станам, ќе ококори очи одма. Сабајле му ја направив омилената каша, тиквица, јаболче и морков, и тоа непрскана тиквица, пријателка ми даде, јаболче купечко и морков купечко, измешав и ем мазно ем парченца, ептен по мерак... Ама задоцни кашата цели 3мин и нормално дека не јадеше, цицна, дремна 10мин и стана ја дојаде. Ми наплаќа и за брат му што беше бубачка овој. И еве сега спие по маичка и пелена покриен со тетра, пирка свежо од ролетните отворени 1 педа одоздола и плус од карши прозор отворен со исто спуштена ролетна, значи промаја, да не види баба му ќе ме убие. И синоќа спиевме со отворена врата и спуштена ролетна исто така, ама спуштена скроз, само дупчињата на ролетната отворени не затворена скроз. Спиеше од 9 до 6 сабајле, стана цицаше, продолжи до 8ипол, ако не е ноќново спиење, јас ќе полудам.

 

дали може некоја мајка да ми пресмета дали сме во скок 27.02 неможам да ја симнам апликацијата
страшно плачење имаме веке две недели

 

Какви промени приметивте после 6тиот скок? Претходните скокови беа издржливи или јас сум поспремна психички не знам ама овој шестиот ме уништува полека.
Не можам да си го препознаам бебето, од бубалче стана ѕверче, се лути буквално за се, се фрла наназад, само плаче, заспивањето е невозможно, го заспивам 1 саат за да спие пола саат. Ноќеска и треска имав од умор, ме боли цело тело.

 

Колку сте стари?

 

Ние сме 01.03, близу сме ваљда е скок. И мојава ѕверка пред заспивање вришти

 

.
исто плачење пред спиење и 5пати ја презaспивам

 

4 и пол месец има.

 

И мене 6ти скок ми беше најтежок, среќа со паузи беше па можев малку да здивнам. Го поминавме и бебе стана премнооогу активно. Во спиење 100 пати се врти на стомак и обратно. Цело време прета, игра со рацете горе, имитира се што ќе направиме и почна многу да се гушка Исто скроз ја прави лазачката поза ама само мрда со газот, се уште не ги движи нозете. Гушка мечиња кога заспива или ја бута раката под душек, мора во нешто да е гушнат за да заспие. И почна повеќе да спие на дневни дремки, има една од саат-саат ипол, а порано макс по 40 мин му беа. Со лесно, поминува брзо, после ќе имаш преинтересно бебе

 

Леле да, ме гушна сабајле за прв пат Јас цело време зборев дека е див зашто поголемиот беше многу помил од помал. Исто спие и мојот раката мора да му е меѓу мрежата и душекот, строго на меше нема шанси на грб да спие. За дремките обратно, имаше 3 дремки (2 саати, 1,5 саат и 30 мин), сега се крш. Абер нема за лазење, само застанува на четири и се лула напред назад, па се фрла напред. Се влече војнички со двете раце и една нога

 

На мојот па се до после 6ти скок крш беа, некогаш и по 15 мин спиеше, сега конечно врзува повеќе.
И мојот е далеку од лазење ама барем зазема позиција и си денса со газот горе

 

Само да се пожалам...НЕ СЕ ТРПИ ВЕЌЕ ОВА!!!
Само да се викало, плачело и не јадело. Демек громот го пројдовме, ама сега ко 100 грома да не замаваа

 

Кој гром по ред? Поддршка

 

Седми

 

Втор скок како го минувате?
Може слика од апп некој да стави?
Ни цица ни спие,без престан плаче 12часа веќе со дремки од по пола саат. Во скок е проверив откако не знаев веќе што би можело да и се случува

 

Еве и јас да се пожалам Од утре бебе почнува 35 недела, дали е во скок незнам, ама ова не се издржува.Само стенка,кенка како расипана плоча. Ништо не го интересира, ни играчки ни песнички. Само ги фрла играчките или ги рита со нозете. Па и кога го држам не му се погаѓа, се извива ми ги тегне рацете.А за спиењето не ми се зборува.До 9-10 не можам да го заспијам и во 5 или 5.30 он веќе буден и одма почнува со плачење.Дремки преку ден крш..две му се малку, три му се многу и ајде најди излес.Ако е скок нека поминува оти не се издржува.

 

6ти скок, 36та недела е моето исти сме хаотични. Цел ден кенкање ништо не и се погодува, слабо јаде, спиењето ни е секако крш.. би требало да трае до почеток на 37ма, да се надеваме дека ќе биде подобро