Слабеење без леб, благо, грицки и газирано

Со другото се согласувам освен со ова, затоа што шеќери и јх најмногу треба во првиот дел од денот да се внесуваат кај ИР. Мислам, сето тоа да е избалансирано затоа што во исто време само овошје, кафе, шеќери на гладен стомак е исто најштетно за состојбата.

Јас сум за јх во секој оброк, ама особено за појадок комбинирано со протеини, а вечерата полесна.

Инаку, јас ја сфатив дека сака да каже кога ќе седнеш да јадеш, прво протеини да ги изедеш па потоа на пример леб (да ги одделите намирниците). Не ми се смеј, го имам прочитано и тоа, при оброк прво да ја изедеш кокошката па компирите едно по друго и тоа ми е преглупо.

 

Ааа таа е диетата на Дајмонд, од осумдесетите - не се мешаат јаглехидрати со протеини.
Јас со оваа диета имам доста искуство, зошто во 90-те татко ми ја применуваше. Имаше проблем со холестерол и со срцето и мораше да смени нешто. Него многу му помогна во редуцирање на мастите и во намалување на килажата. Ама после сфати дека не е заради конкретната диета туку до одредени принципи на исхрана.
Поточно тој ги собра сите негови книги до тогаш и ги прочита. Самиот велеше дека ќе ги следи неговите принципи на исхрана а не рецептите, затоа што рецептите во прилог на книгата дури и се косеа со претходно изнесените принципи (на пример имаше рецепт за српски бурек со компири а добро знаеме колку е тоа утепано во зејтин)

Она што правеше беше помали здрави оброци почесто во денот. Обратната пирамида на јадење во денот, со старт со полесен појадок, најчесто од овошје, па со ручек во кој пазеше да е салата обавезна во комбинација или со јх или со протеин (не со двете) и вечера со протеин и свеж зеленчук. Исфрли скроз слаткиши, сокови, пржено и поховано, бело брашно (го замени со интегрално), алкохол и цигари. Смени начин на готвење тогаш мајка ми - пак со пирамида ќе дадам пример - основата на пирамидата е свежа храна, потоа на пареа, потоа варена (со исклучок на намирници кои се поздрави варени него свежи како морковот), потоа печени и на крај на врвот на пирамидата пржено.
Да скратам, заклучивме дека не беше добриот резултат на немешањето на јх и протеини, (зошто реално имаш храна која природно ги содржи и двете) туку во нешто друго беше причината:
Пазејќи на комбинациите уствари јадеше помалку калории во цел ден - ако порано само во еден ручек јадел и леб, и месо, и ориз, и салата, сега реално таа храна му беше поделена во два оброка ручек и вечера - салата со леб/ориз за прв оброк попладне за ручек, па салата со месо/млечен производ втор оброк после пладне. Значи тој ден испаѓа си внел дупло повеќе салата и зеленчук, а помалку јх и протеини.
Прејадување и гладување не дозволуваше.
Оброците беа подготвени на поздрав начин и содржеа повеќе хранливи состојки.
Внесуваше далеку повеќе растителна храна, свежи зеленчуци и овошје. Елиминираше алкохол, цигари, џанк фуд и процесирана храна.
Воведе секојдневно пешачење по неколку километри и со тоа го зголеми потрошувањето на калории и го смени односот меѓу него и внесот на калории.

 

Повелете доста информативно видео во врска со пре-диабетес односно инсулин ресистентност и објаснува за студии дека исхрана со јх со влакна ја многу повеќе подобрува сензитивноста на инсулин отколку low carb диети.