Слобода на говор наспроти говор на омраза

Немам поим кој е Алекс, ама ете некако знам дека постојат агенти провокатори. Агенти, ваљда пошто некој ги инфилтрира .
Само сакав да нагласам: поттикнува насилство не е еднакво со повик на насилство. Поттикнува насилство е да речеме ,жените се вештерки,, повик на насилство е ,,запалете ги вештерките,,. Не знам дали сум јаснa, или само во мојата глава е дистинкцијата
Инаку, за тоталитаризмот се сложуваме, впрочем и го споменав. И ништо ново не е, цела историја што ни е позната, нуди доволно примери на ограничување на слободи, вклучително и слобода на говор. А ако нема слобода на говор, тогаш е цензура, па затоа ваљда и ми се преклопуваат темите @theowndemon .

 

Тенка е границата меѓу тие две

 

Слободa на говор ≠ говор на омраза.

Адресирањето на говорот на омраза не значи ограничување или забрана на слободата на говорот. Тоа значи спречување на говорот на омраза да ескалира во нешто поопасно, особено поттикнување на дискриминација, непријателство и насилство.

Кај нас, за жал и говорот на омраза е слобода на говор, особено на интернет, затоа мислам дека треба да се регулира говорот на омраза и оние што го користат да бидат соодветно казнети, што не верувам да се случи во блиска иднина.

@theowndemon Инаку, го обожавам D'Angelo, не ми е гледано ова видео што си го постирала, brb, gotta watch it.

 

Да се искажеш и да упатиш критика е слобода на говор. Сечие право.
Да се искажеш и да упатиш критика проследена со недолични зборови, нетрпеливост, нетолеранција, закани, клетви, пцовки, тоа е говор на омраза. Гледам, доста се толерира, во ретки случаи биле превземени мерки.
Не знам зошто на луѓето им е толку тешко да се изразат и искажат пристојно и прибрано. Дали сме толку лош народ, дали сме со краток фитил и без култура? Колку и да се сложувам со нечие мислење, ако е искажано агресивно, одбивно ми е. Ценам луѓе не само со добри ставови туку и спрема тоа какви зборови одбираат во произнесување на тој став.

 

Се согласувам дека
слобода на говор ≠ говор на омраза.

Но сметам и дека, на некои теми, како општество сме станати многу осетливи и затоа би додал и дека
говор на омраза ≠ спротивно (поинакво) мислење.

Бидејќи
мислење = слобода на говор.
Односно секој има право да го изрази своето мислење или убедување.

За говор на омраза го сметам оној кој е наменет да понижи, нападне или оцрни некого или да предизвика (или е предизвикан од) предрасуди на било која основа.

Сепак, користењето на слободата на говор си носи ризик двете страни во еден разговор да се чувствуваат навредено или непријатно дури и само поради различните ставови.
И според мене тоа е неизбежно, и е во ред.
Бидејќи ако сите имаме исти ставови, тогаш сме програмирани мравки во мравјалник а не луѓе.

 

Секој има право на слобода на говор, се' дури во пракса е во граници на нормала. Општеството не сака/не дава преголема слобода за некои круцијални прашања. И тоа е така како непишано правило. Обичната индивидуа треба да знае колку, како и кога да се изрази. Дали кажаното е говор на омраза или не зависи од многу фактори. Со каков тон е кажано, со какви експресии е тоа пренесено и сл. Некогаш може да има и сосем трет вид фактори кои предизвикуваат потенцијален говор на "омраза", а всушност тоа е само навидум.