Од понеделник до петок во 17:30 на Канал 5, ќе се емитува комедијата во која главна улога има актуелниот претседател на Украина, некогашниот комичар - Володимир Зеленски. Скромниот и чесен учител Василиј е снимен на камера како беснее поради мизерната ситуација во неговата земја. Кога ученик ќе го објави видеото на Youtube, тоа станува вирална сензација. Сите го сакаат Василиј и луѓето почнуваат да собираат пари за претседателска кампања. Која ја добива! Слуга на народот го следи новиот живот на Василиј како претседател, кој одбива да се промени, ги обива сите привилегии, сака да живее во неговиот стан со родителите, да позајмува пари од пријателите на крајот на месецот и да оди на работа со велосипед; само што сега неговата работа е како најмоќен човек во државата. Слуга на народот беше рекордер за канал 1+1 во Украина, а покрај три сезони е снимен и долгометражен филм. По огромниот успех на серијата, креаторот и водечки актер Володимир Зеленски ја објави својата намера да се кандидира за претседател на изборите во 2019 година - овој пат реално! Зеленски стигна до убедлива победа на бранот незадоволство на гласачите од претходниот режим и кампања која ветува крај на корупцијата против која се бори и неговата измислена креација. Извор: https://kanal5.com.mk/sluga-na-narodot/a521672 Уште не сум одлучила дали ќе ја гледам серијава ама искрено дека е моментално актуелна тема е серијава ме интересира да видам барем некоја епизода каква е. Дали ќе ја гледате или ја имате изгледано, што мислите за оваа серија?
Па очекувано беше дека по толку ќе ја даваат, затоа што во 17:30 им почнува, во 18:00 има вести. И сигурно и реклами пуштиле.
Јас ја гледам серијава пред спиење, интересен ми е Зеленски. Е сега што се оваа телевизија лешинари, се. Нивна програма немав вклучено 8-9 месеци, ама им текна како да подигнат рејтинг.
Само што седнав и ги изгледав епизодите. Се пресмеав на некои сцени. Очекував да биде подосадна и да не ми задржи внимание серијава. За смеење добра е, а и кратко ги даваат епизодите, таман. Зеленски подобро да си останал комичар, него да се плеткал во политика.
Ја немам зачекано до сега но интересна ми изгледа многу. На јутуб има епизоди со англиски преводи, па можеби таму ќе ја гледам, без реклами
Штета што нема многу епизоди, пола серија помина. Јас ја глеам редовно, не пропуштам ден, ама мислев ќе биде подолга.
Ја ќе ја догледам на интернет. Инаку, ги нема сите епизоди на јутуб, мислев пократка ќе е последната сезона, ама сега гледам на вики дека и таа има 20+ епизоди, значи не биле баш малку.
И тие ако знаат што прават. Една серија од 50 епизоди не можат до крај да прикажат. Ќе ве замолам вие што гледате канал 5, да ме тагнете доколку видите промо за серијава и термин, значи плс. Ако останал некој што ја гледа таа телевизија Мислев серијата да ја догледам на интернет, ама никако да седнам да срчнам, ем ќе изгубам мера колку епизоди гледам и ќе си го запоставам сонот, после како месечар ќе обавувам обврски преку ден.
