Слушаме и не осудуваме (we listen and we don't judge)

Не читам мислења од членови кои ми се неинтересни и не ги познавам

 

Ако низ муабет сосема случајно ми кажеш нешто што сугерира дека имаш целосно погрешна перцепција за мене никогаш нема да го заборавам тоа и ќе останам на дистанца со тебе.
Истото важи и ако за секунда ме направиш да се осеќам ко да те замарам буквално одма ќе се оладам и никогаш веќе нема да иницирам повеќе од површен муабет.

 

Не можам да поднесам особи кои стално кажуваат дека се некој друг е крив за ситуацијата во која се наоѓаат. Другите луѓе им мислат лошо, им прават лошо, околината е крива, системот е крив, комшијата е крив затоа што ги погледнал чудно пред 10 години па ги урочил... Се некој друг е виновен, а не согледуваат дека самите допринеле да се најдат во таква ситуација.

 

Сфатив дека со колеги со кои сум работела со години,луѓе со кои исто професонално сум соработувала со години,не само што не ми недостигаат туку во рок од една година не сум помислила на нив , и сум ги заборавила.
Доказ дека колегите не ти се пријатели.

 

Не поднесувам луѓе-жалопојки.
Се жалат за сè во животот. Разбирам дека им е тешко, ама ни мене не ми е лесно ... и не планирам на никој да се жалам.

 

Кога ролната од тоалетната хартија е на самиот крај, го кинам остатокот (иако не сакам да фрлам залудно хартија!), ставам нова, за да биде подготвена и да биде на дофат кога некој друг ќе влече ( а знам дека тој некој не може да го направи тоа како мене), знаејќи каде сака да ја најде, за да нема трошки од хартија на подот на бањата од кинење... Тоа повеќе ме нервира отколку трудот на ставањето на нова ролна, признавам!

 

Не памтам фаци.
Може да се случи некој да ме изгушка и муабет да ми изнаправи, а јас да не знам од кај ме знае.
А глумам дека го знам

 

Се правам дека одам накај маркет и менувам правец ако во исто време со комшија се движиме накај влез. Ако веќе влезам и начекам како некој стои кај лифт, продолжувам пешки по скали. Умирам до 7-ми спрат ама подобро без нозе отколку 20 секунди енглеска љубазност во лифт.

 

Некои се родени нон стоп да навредуваат, ама...еднаш некој да им каже нешто на нив што не е ни навредливо, туку еден совет само (што и самите го побарале), веднаш плачки, па жалење по други, итн.
А бе соочете се директно со таа личност, а не да се жалите по други, како малите деца.
Возрасни треба да знаат да се соочат со секакви препреки и проблеми.
И не значи дека ако некој ви дал совет треба да го примените, на крај краева не ни барајте совет тогаш.

 

Се смеам до солзи на црн хумор базиран на раса или општо припадност на некоја група и инвалидитет, несовршеност, маана. Немам никакви предрасуди против такви луѓе, се смеам и на хумор за белци и луѓе со вишок килограми (како јас). Едноставно посилно е од мене.

--

Не можам да поднесам пречувствителни луѓе, да мораш на јајца да газиш за да не се навредат од нешто случајно. Исто така негативни и вечито незадоволни од нешто намќори, кои на сѐ позитивно кажано мора да ти се исерат, со песимистички поглед на животот цело време без желба да работат на себе и да сменат нешто на подобро. Не си мудар, токсик си. Heal pls.

 

Понекогаш имам лоши мисли за луѓе душовадници. Генерално ги осеќам кога сакаат да му се закачат некому и воедно сакаат бескрајно да малтретираат. Па оваа е некоја превентивна форма на спречување, која засега се покажала корисна.

 

Не сакам да ги дружам колегите надвор од работа, освен ако не е настан платен од фирма.

 

Утрово изедов 80г чоколадо иако реков дека од вчера сум на диета

 

Се правам заинтересирана за муабети од типот на коли, бандажи, неговите другари шо напраиле и слични машки муабети пред дечко ми, чисто да не го навредам, а ми се здоооодевни.

Скоро никогаш не го слушам, само кимам и делувам заинтересирано со по некој рандом, аха да да, одговор...

 

Не читам мислења на латиница, многу ми е напорно.

 

Бидејќи сум единствена без дечко во друштво,планирам за Нова Година да одам негде сама на патување

 

Имам ниско мислење за луѓе кои гледаат турски серии.

 

Не ми е срам да шетам со пижами по улица кога го шетам кучето или да влезам во маркет/бензинска по пижами. Баш напротив, многу убаво и лесно се чувствувам.

 

Убаво ми е кога ќе земам плата да одам и нешто да си купам за себе, макар и ситница и тоа ми е практика, едноставно среќна ме прави.