Совети, искуства од мајки за бебиња од 0-6 месеци

Јас од раѓање и користам "Uriage", презадоволна сум.

 

Јас ја зимам од локална аптека кај нас, купка и крем од 500гр, околу 2800 од прилика.

 

Ушите на бебињата се чистат надворешно, со тенко крпче колку можеш да фатиш.
Не се чистат со чепкалки.
Ова додуше и за возрасен важи.
Секретот во увото има заштитна улога, а со чепкалките се потиснува повнатре и може да се запуши и не дај Боже да дојде до инфекција. Секретот од носот (кога би биле болни) многу често им оди во ушињата и предизвикува инфекција.
Посебно кај бебиња што им се и потесни каналчињата.
Овие препораки како општи насоки ги добив од докторот што и правеше операција на ушите на мојава.

 

Можеби. Јас му ги чистев и на првото дете и на ова сега. Не сум знаела. Да си знам

 

И јас знаев да и ги чистам, ретко ама знаев.
Ама да не те снајде мака...

 

А што може да се случи? Еве мс моиве не им е ништо...

 

Кикин, јас на пример имам многу тесни ушни канали, кој доктор ме ѕирнал исто ми искоментирал. Често ми се затнуваа и ме болеа кога бев мала од чистење со стапчињата. Па редовно одев на чистење, и секогаш не можеа да ми ги исчистат истиот ден, па мораше капки да ми стават да чувам цела ноќ па наредниот ден тек да ми ги чистат. Ептен пропатив. И за воља на вистината и ден денеска уште ги чистам со стапчиња, памет не ми иде. А докторите препорачуваат капки некои место стапчиња, да бидам искрена никогаш не сум зела.
Јас ради моите трауми од дете, на мое бебе не ставам стапче во уво, страв ми е. И педијатарката ми рече никако тоа. Со прст и ги чистам.

 

Убав ден мајки, фамозниот четврт скок не пукна, бебка никако не спие навечер! Веќе една недела дежураме по цели ноќи, слабо цица еве градиве грутки ми се. Како може толку енергија да има цееела вечер
Него ставам Веледа кремче на лице ама џабе, веќе некое време и е мноогу суво, како лушпи дури, посебно на челото, веројатно од греењето дома. Некое друго кремче за суво лице??

 

Ајде да знам од сега, не можам да вратам назад, педијатар не ми спомнал...

 

Ве читам пишите за купки

Логона е една од подобрите
На мојата бебка и одговара

 

Кај малата едното уво лачи многу секрет, значи многу.
По 3-4 стапчиња трошам за да го исчистам, кафено излегува дури.
На секои 3 дена така.
Ако не во чистам не ли би бил поголем проблем?
Бевме и на орл, ми рече едноставно такво е увото, ама не ми напомена Др. дека не смеам да чистам.

*16м е сеа дури гледам во друга тема сум, ама да се надоврзам на муабетот од погоре..

 

Ќе паѓа само.

 

Е како ќе паѓа залепено внатре жолто се гледа... Не ми е јасно
Нејсе. Баш ќе оставам сега подолго време не чистам

 

Абе јас не ве карам.
Споделив искуство какво имав.
Еве јас од дете чистам уши со стапче, немам проблеми. Никогаш уво не ме болело.
Маж на секое му кажуваат да престане со стапчињата, дека полошо си прави.
Малава како него.
Кога ми настина пролетоска ми објаснија дека само го потиснувам внатре жолтото, и уште толку сум допринела за воспалението.
Јас да го немав тој проблем ќе и чистев уши, така да скроз ве разбирам што се чудите.
Дај Боже да немате никогаш ушна инфекција, ниедно дете да нема, јас само го кажав ова како превентива.

 

Не бе да не караш. Убаво што кажа. Да си бидиме попретпазливи

 

И ние кога бевме на преглед кај оториноларинголог ни рече да не чистиме со стапчиња,туку се продавала некоја течност/спреј/капки и тоа се ставало во ушињата. Не сум купила сеуште,а треба. За никого не се препорачува да чисти уши со стапче.

Ама стварно колку и да се чисти однадвор со крпа,се познава жолто во каналчето. И на син ми едното уво му лачи повеќе.

И уште нешто. Кога го прашав до кога треба да се внимава да не им влезе на бебињата вода во уши,зачудено ме погледна и ми вика од кај ти е тоа. Му викам старите така советуваат. Вика и јас сум стар и скоро пред пензија,па не советувам така. Слободно може да навлезе малкувода,ништо не е,сигурно нема цела кофа да му сипеш внатре,водата ќе си излезе.

 

Сум имала бекутан од мекици дома, ќе пробаме тоа прво. А за овие прашав зашто во болница тие ми ги наведоа први. Таму со еуцерин ја бањаа, и плус овие ми ги кажаа. А ми напомена сестрата дека има нормална кожа и дека не треба ништо посебно.

 

Ова за водава, бебево кога го бањаме во коритцето му ставам пешкир и тетра, на нив доаѓа малце вода и он како се врти му влегува во школката.
Мајка ми кога ќе се погоди на бањање,паники левел 100 леле го потопивте детето во уши му влегува вода!
После го бришам со пешкирчето и си функционира нормално.

Туку кај нас има момент кога го мотам во бањарка почнува да плаче. Ужива во вода,само што завршило бањањето,уште не сме почнале со облекување ,имаме врескање па ајде 5-10мин смирување за да може да се облечеме.

Се појавија лушпички на глава, што треба околу нив грижа?

 

Јас чешлам само со чешалче сега за сега, и паѓаат. Ама знам дека тие што имаат повеќе, мачкаат уље, од тоа за тело мачкање. Да постои некое време на глава, па чешлаат. Ова пред бањање.

А за ушиве да се надоврзам. Вода и влегува и на мојава при бањање. Не кој знае колку ама пак. Пребришувам со тетра пелена, ама знам и со стапче, само школката да ја поминам, зашто и се перута кожата.

А забележувам неколку дена веќе цуцлата и силиконските брадавици ги користи како играчки. Ги гризе, превртува низ уста. Два месеци без една недела има. Возможно ли е веќе да ја чешаат непцата?

 

Ако немаш бебешко масло, може и со маслиново...да постои некое време па со ситно чешелче ке излезат. После бањање и завршена работа, ако не излезат од прва повторете на следно бањање.