Ах драга Јагода не треба никој да слушаш . Твое дете , твои правила .Па бебето супер ти напредува , млеко си имаш доволно ...немаш потреба од АД млеко Ако не пресечеш сега и понатаму ќе ти се мешаат , после и потешко ќе се избориш за своето право чим они уште сега решаваат дали му е доволно или не мајчиното млеко . И не треба да се нервираш , нит да ти е глупаво незгодно или незнам што ... Води си се по свое . Колку пати сум слушала ..Е па и ние имавме деца и ние ги израснавме .. и совети триста . И ете сега ме слушаат , за се што треба ме прашуваат ама на почетокот го решивме тоа .
Сега ќе подлегнеш за млекото, збунета си, прво ти е, понекогаш си велиш можеби се во право, но имаш доктори, имаш интернет доста корисни информации ќе најдеш, баби и тетки многу не ти требаат. Утре ќе плаче од грчеви или слично ќе те натераат по бајачи да го носиш, влакна, шилци некакви да им бричат (што се немам слушнато), па наместо на доктор ќе те тераат да го мачкаш со триста чуда оти гарант од тоа поминува, и малку по малку ќе полудиш. Нека си зборат, понекогаш може нешто корисно да слушнеш, ама на овој достап на информации денеска што го има, да им се потресуваш на некои кои мислат дека ако израснале дете диплома добиле за медицина, нема потреба. Знам колку нападни знаат да бидат, да ти створат чувство на вина дека ако не ги послушаш и одиш по свое лоша мајка си која не мисли на своето дете, манипулатори и сезнајковци еден куп, стави ги на игнор.
Понекогаш и сопствената мајка знае да направи големи збрки во однос на одгледувањето на бебето, но неа можеш да ја игнорираш а оваа другава ,,мајка,, треба демек да ја слушаш. Од моментот кога станува мајка, жената го добива чувството и инстиктот што треба да прави со своето чедо, таа најубаво знае што му е потребно и во кое време. Не велам дека совети од постарите не се добредојдени, некогаш требаат и тоа како, но во секој поглед да се меша и да алудира на тоа дека мајката не знае доволно да го пази детето, јок! Ја сфаќам твојата ситуација, Јаготче, комшивката веднаш до мене 4 месеци еве го има истиот проблем, и тоа многу појачан од твојот,покрај свекрвата, тука е и свекорот, золвата и сопругот кој не зборнува ни збор и секогаш се трга на страна, наместо да ја брани сопругата. Таа е психички оболена единствено од нивните навреди, свекорот се осудува да ја колне(нозете рацете да ти се скршат не можеш да го смириш детето), свекрвата застаната е во улога на мајка, ако мојата пријателка го нахранила по пола саат таа го зема и повторно му дава да јаде или го пресоблекува или и го зема од раце да го заспие, зошто оваа не знае и има полно други работи за кои гревота е да се кажува...Кај нив проблемот е многу голем, и се состои пред се во сопругот, кој не знае да зааземе став за работите. И јас сметам дека треба да се заземе сопствен став уште од сега, па макар и да дојде до лутења и кавги, тоа е мое дете и дете на мојот сопруг, тие своето го поминале како така, нека не остават сега нас да уживаме во улогата на родители, зашто тоа се наши деца, тие од сега учат и се доведуваат кон правиот пат. Укажи им дека ти си МАЈКА на тоа дете и знаеш што е најдобро за него, зашто само ти бдееш на него 24/7, сите други можат само да помогнат или дадат совет, а за да го одгледуваат, му поминало времето.
незнам колку е падната крвната слика на бебето меѓутоа бебиња што се на ексклузивно доење најнормална работа е да им е паднато железото и тоа не се смета за анемија, нели зависи колку е паднато. и многу да е паднато железото не му давајте железо како додаток туку ако треба веќе да пие нешто тогаш тоа мајката нека го пие бидејќи преку млекото ќе го добие и бебето. друго, точно е дека адаптираното млеко ја качува и килажата брзо, го качува и железото брзо само затоа што ако прочитате на сите скоро пишува дека се со збогатено железо што може да предизвика тврда столица кај бебето. ние со првото дете имавме друг проблем што после 2 месец не сакаше да цица и многу плачеше бидејќи беше гладно, па без разлика што имав еден куп млеко, прво се измолзував и и давав во шише, а потоа продолживме со адаптирано. и сега времето е убаво излезете надвор и шетајте малку таа нервоза и негативна енергија да исчезне бидејќи бебто го чувствува тоа и оно станува нервозно. моја препорака е наместо ад млеко ако имате шанса да најдете козјо млеко, домашно, па со вода да го разредувате на почеток би било супер за бебето полесно е за варење, а е доста хранливо и помала е опасноста од алергии.
Од др.Јулија од соба за доење: козјо млеко до година не, а исто ако мајката пие било што со железо не значи дека со тоа ќе се подобри крвната слика на бебето. Подетално прочитајте таму или поставете прашање.
Поискусни мајки, ве молам за совет, ептен сум нова во ова... Треба наскоро да си одберам матичен педијатар, и со навршување на првиот месец да примиме вакцина...Како оди ова, треба ли прво да поминеме преглед кај лекарот пред да ја прими вакцината? И некоја со искуство со амбулантата во Автокоманда? Наводно тука треба да си ги примаме вакцините бидејќи тука живееме, но маж ми сака и матичен педијатар да избереме тука, да ни биде блиску. Имаат ли добар педијатар? Јас пак имам опции кај други две педијатарки за кои знам дека се добри, но ни се малце подалеку, во Центар. Што да правам, целата сум со прашалници...
Има доктор/ка секаде каде што се врши имунизација, кој/а ги прегледува бебињата мнооогу добро ( или барем треба да убаво да ги прегледа), и кажува дали бебетоме здраво и дали треба да прими вакцина. За матичен педијатар мој советме да одбереш некој за кој знаеш дека е добар а близината нека не ти игра улога во одлуката. Џабе близу др.ако не е способен да ти го излечи детето. Инаку мислам дека може да ги примате вакцините каде сакате, ние сме во букурешт, таму е др. Венера и буквално систематски им прави на бебињата/децата пред вакцинирање.
Јагода и јас го поминав истото првите 20 дена со триста совети над глава и ко што викаш на раб на лудило се доведов ќе се водиш исклучиво по препораките на докторот и на никој друг, ако ти кажал бидете само на доење ќе го доиш и крај, ако според килажата покажува знаци на глад исто по препорака на докторот ќе го дохрануваш, на советниците ќе им кажеш дека се што правиш е под надзор и одобрение од докторот и точка. мене исто ми се мешаше свекрвица и ме полуде првите денови, знам дека сите тие совети се добронамерни, ете од страв да не е гладно бебето, кај мене беше спротивно -" да не се здебелело бебето многу сум го доела " ама јас почнав да викам да да а да си правам по свое, еднаш убаво се искарав и тоа со маж ми пошто он е тој кој треба да воспостави мир во куќата а ние да го одржуваме тој мир за доброто на сите, затоа гледај колку може повеќе да искачаш со бебето и маж ти, да ја луфтираш главата и прави си по свое, во консултација на докторот, никој не знае подобро од докторот кој не следи
се разбира дека може козјо млеко да се дава дури и пред 6 месеци како замена на ад млеко разредено со вода, не како замена за мајчино млеко.има на интернет многу многу истражувања за ова.инаку ад млекото се прави од крава и претставува нјчест причинител за појава на егзема и дерматит кај бебињата. не значи дека ќе се подобри крвната слика на бебето точно, меѓутоа сте пробале ли да дадете вие на бебе ферум лек, што најчесто го препишуваат педијатрите и витамин Ц? желудникот и цревцата на тоа кревко бебе одма се расипуваат и бебето престанува со јадење на било што бидејќи има болки и затоа реков моја препорака е да ако мора да се пие нешто тоа мајката да го прави.а со пиење на ад млеко кое е збогатено со железо, а скоро сите се и тоа како се покачува железото, само коклу ќе трае е прашање бидејќи е вештачки покачено.
Значи не сакам да се докажувам, ама НИТУ еден квалификуван др.што се разбира од доење нема да рече мајката да пие лек за железо за да се поправи крвта на бебето.....а за козјото млеко.....ајде баш прати ми студии да ги прочитам. Не го оспорувам квалитетот на млекото ама не до една година а па пред 6 месеци ич. На крај кој како мисли така нека прави. Поздрав.
Железо и калциум не оди, па така железото на бебе кое цица неможе да се поправи освен ако тоа не прима соодветна терапија. Затоа кога се пие лекови за железо советуваат да се пие со сок од портокал бидејќи има витамин ц или со вода. Витаминот ц помага побрзо да се разреди железото низ крвта, додека пак калциумот доведува да се исфрли преку мокрача. Затоа кога се пие железо два часа не е препорачливо да се конзумира млечни производи. Инаку мажот ми е пораснат со чисто домашно кравјо млеко разредено со вода. Свекрва ми не го доела.фала на Бога здрав и прав е, ништо не му фали.
не можев а да не се замешам. какво козјо млеко бебето на јагода е 3 месеци ако не се лажам.што цревна флора има тоа за да му се дава непроверено млеко....ако веке треба да пие друго освен мајчино најсоодветно е ад млекото...макар што од она што го прочитав нема никаква потреба само потпаднала под влијание на околината. јагода прави си како ти и мм мислите дека е најдобро за бебето...мое бебе -мои правила...свекрва ти или било кој друг родиле ,израснале како мислеле и умееле најдобро.ти си господар на твоето дете и ти ги одредуваш условите и околноститите во кои ке живее.
Нашиот педијатар токму ова ми го кажа! Јас да пијам нешто за да се подобри крвната слика на бебето. Кога отидов матичниот да ми препише било што за железо и кога и кажав која е причината се чудеше и рече дека не е возможна таа алтернатива и не и е јасно што сака педијатарот да постигне. Искрено не знам што да мислам.. Пијам капсули, јадам аронија, сок од цвекло и еден куп други продукти кои би требало да ми ја подобрат крвната слика па ќе видиме во понеделник каква ќе биде крвната слика на бебушко, а планирам и јас уште еднаш да си ја испитам мојата, да видам дали има подобрување.. И ако биде подобра на синко, пак нема да знам дали е поради мене или поради адаптираното млеко.. Инаку дека нормално е кај доени бебиња хемоглобинот да е намален - нормално е, ама не можам да го објаснам и докажам тоа.. Во очите на другите ќе бидам лоша мајка која дозволува бебето да и е анемично и оди упорно со главата во ѕид. Таков е нашиот менталитет! Ви благодарам на сите за убавите совети, во право сте. Морам уште сега да поставам граница кога можат и кога не можат да ми се мешаат во грижата на МОЕТО дете. Најверојатно и немам потреба се да споделувам со секого до најмал детал.. Доволно е јас и мм да ги знаеме здравствената состојба и напредокот на нашето дете. Изгледа тоа ми е најголемата грешка! Од сега краток и јасен извештај за тоа како сме поминале на лекар, мислам дека така нема да ме боли главата.
Само напред мајка, другите нека мислат дека ти лоша мајка. Ти го правиш најдоброто и најздраото за своето чедо. Дојте се, дојте се и само дојте се.
Sakam da ve prasam dali e mozno 1 mesecno bebe da ja cuvstvuva nervozata kaj majkata? Ja dojam ama indirekno- se izmolzuvam sekoj 2-3 saata i ovie denovi imav nekoi nervozi i malata sekogas place koga ce ja zemam. I plus koga cica od sise od mene ne saka a od drugive ne pravi problem. Se trudam da sum smirens koga sum so nea, no tesko mi odi. Od mob pisuvam
Јагода, и јас си имав проблеми со железото и тоа само што се породив. До толку ми беше паднат хемоглобинот, што морав да примам 2 единици крв и потоа да бидам уште два месеца на терапија. Терапијата е пред се да се подобри крвната слика на мајката, не мора да значи дека со тоа ќе се подобри и крвната слика на детето! Кај секоја доилка во различен процент се лачат лекови во млекото. НИ ПОД ТОЧКА РАЗНО НЕ ДАВАЈ АДАПТИРАНО! само ќе си направиш поголеми проблеми со грчеви, па детето да се витка од болка, што во твојов случај дополнително ќе ти ги зголеми проблемите. Јас на моето морав еднаш да му дадам АД кога беше на возраст колку твоето и цел час не можеше да се смири од што АД млекото му создаде страшни грчеви. За промените во столицата и да не зборувам. За мајка што има млеко, најголем благослов е доењето. Доколку даваш адаптирано може само да ти се намали лактација, па тогаш дотичните да се дуваат дека биле во право. Најдобро нешто што може да направиш е да си ја подобриш крвната слика со природни продукти. Цвекло, грозје, капини... Мене сето тоа многу ми помогна, па наместо да ја пијам терапијата два месеци, ја пиев еден Ти посакувам многу убави моменти со бебушот!
Биди смирена и повеке време со бебето,нормално дека чуствува и тоа како. Остави се деуго и ти биди до малата гушкај,милуваја земија на гради и ти хранија а не другите,можеби повеке ја хранат па се навикнала на нив,затоа биди ти тука повеке време со неја и не се нервирај се чуствува.
2дена го мачкам со обична бекутан ама денес гледам црвено е оди кон зацрвенување газето, да купувам одма нова витаминска бекутан или не е до обичната бекутан?
