Совети, искуства од мајки за бебиња од 0-6 месеци

Ти се буди кон 12 и пол, пие и призаспива, па кун 2 и пол пак се буди така? Добро сфатив? А потоа што бидна?
Фала ти на утеха, друшка, не да ми е потребна, не можам да опишам.
Со првото исто имав период до кај 40 дена ме дрмаше хормонско поремечење. Сега истото ама не секој ден.
Си велам како сакаш елено, па мало е, ќе грчка, ќе стенка, сѐ тоа е очекувано. Проблемот ми е што нетрпеливо сакам да помине време, едно 4 5 недели и да затопли, па да добијам посвежа енергија. Ептен сум сега омлитавена и уморна.
Па ваљда ќе имаме и убави моменти и спиење, нели?

Еве вчера вака беше. Заспа кон 21 и 30. Со цицање па малку го подржав со мешето кон мене. Го ставив во креветче и стана во 12.
Јас плитко спиев
Цицаше и до кај 1 и 30 призаспа. Па наредно во 3 и пол стана за цицање. Е после потешко дур фати сон, тек сабајлево.
Оти накај 4 сабајле е толку тешко да се успие?

Многу работи не јадам и не пијам, ради превентива.
Вака не можам да познаам дали се класични грчеви, бидејќи нема таква згрченост ниту плач, засега, за среќа.
Да, се труди да кака, кака и често, жолто убава боја, ама секако гасови си има, кога повеќе кога помалку, ги испушта.
Е со краставицата мождс му предизвикав тегоби, бидејќи ноќта беше доста буден, ама пак, немаше некој плач многу, онака кемливост. Можда и поиздржлив е.
Ама еве и јас имам доста гасови и потешко одам во вц, а инаку имам брз метаболизам. Значи и кај мене а и кај него ќе треба уште некое време да помине, да се среди работата.
Само на доење е, немам план засега да давам дохрана ад.
Пијам веќе од чајот на Бекутан.
Ама дефинитивно ќе земам од тој од Билна и плус ким.
Дали да му дадам лажиче две на бебе? Има штета по бубрежињата?

Веќе од колку храна се лишив, што вели Ангел само тост со кашкавал јадам и пак имам гасови и едвај во вц одам.
@AngelOfArh ох ајде да видиме што ќе биде, ако е така, те честам!
Не му се замарам ниту јас со станов, иако иста сум, сакам цакум пакум ко кутивче наредено сѐ по аптекарски ама сега нема. Гледам да се средам психофизички и јас и бебе, па да имаме подобри денови.
Со првото некаде по вториот месец бев веќе подобра и се навикнав на редот. Е сега со две дома подруго ми е, напни се за едното напни се за другото.

Сега твоето колку цица навечер? Цица побрзо? И како спие, колку се буди?
И за гугањето што велиш, кога почна Марио да гуга, подруг ли е сега, знам дека веќе има полни 2 месеци.

П.с и јас си велам, да уживам со бебе, било што и да врвиме сега, можеби ќе ми е последно бебе, ама сепак некогаш ми доаѓа в планина да заминам. Тоа е, од хормони не се бега.

 

Ќе биде потешко пред да биде полесно. Јас бев иста како тебе. Гасови моево до 4ипол месеци, во комбинација со 4ти скок, неспиење, вриштење, хаос. Кога цицаше на почетокот од цицка не стануваше, не можев до вц да одам.
Сега е нешто полесно. Барем се смее, пушта смешни звуци, прави некои глупости, почнуваш веќе да го осознаваш како нешто најдобро што ти се случило. Има моменти кога ќе ме извади од такт, ама не е ништо како што беше. Издржи, ќе биде подобро, ти ветувам. Кај мене лудилото траеше некаде 5 месеци.

 

А како сте сега со спиењето?

 

Млекото прави ужасни грчеви. Затоа и препорачуваат може се од млечни производи, ама млеко не.

 

за која купка на хип станува збор? може слика?

 

Добро е да не урочам. Спие преку ден два пати по пола саат, саат и еднаш по 2-3 саати. Навечер легнува во 9-10 до сабајле до 8, ама се буди во 3 да цица и да спие врз мене во поза како да е опседнато. Ако ми даде да го преместам супер, ако не и 5 саати е џокер да поспијам, па гледам reels на фејсбук до сабајле. Фенот најбитно, ако ми се расипе, тешко мене ќе биде. Без него теорија нема да го успијам. Само ќе го пуштам и затвара очи. Најбитно ново бебе имам. Премило е.
И не плаче пред спиење. Од декември го цицам во раце станата. Прв пат тек сега почна да цица додека седам.
Е уште во количка да седеше.
Многу ми е криво.

 

Опушти се, ама стварно опушти се. Иначе Марио почна да гуга нешто пред да наполни 2м, сега веќе со полни 2 муабет ни праи со гугање. Инаку супер е со цицањето и со спиењето, мада и он има моменти кога дури да откријам што му е праи галама, ама не е страшно како што беше. Сега цица пократко и почесто, ама па знае на пладне и 3 саата да врзе, особено ако сме надвор. Прилично ни олесни да ти кажам искрено. Само мораш да искулираш, многу си напната. Раскрсти си во главата дека тоа е тоа, нема да спиеш уште некое време, јас сум тешка спанка, што и да е без 8ч сон не сум функционална, ама уште од бременоста навака немам отспиено 3 саата во еден интервал и тоа е тоа, морам да се навикнам.

И пошто постов го пишувам од сабајле, еве и моево имаше епизода ја дерење сега, викање на цел глад, плачење за да го земам да го успијам иако претходно 3 пати го успивав и стануваше, ама не заспа а јас немав уште ни доручек напраено и како се фатив со месење така он отвори пештерата и во таков случај никој освен мене не може да го заспие. Сакам да ти кажам никаде не е идеално

Да и јас тоа мислам, млеко у аут извесен период.

Море да не е Слип Бејби апликацијата тешко мене ќе биде, имам играче еж со бели звуци ама попуштаат батериите веќе а немам нови па со ова се дополнуваме.

Иииии да, куќата не ми е веќе кандидат за чистење кај Аури Катарина, конечно ја исчистивме иако не целосно и не детално, ама бар во дневна нема трошки, флеките од млеко што прска на сите страни кога се молзам се избришаа и мириса на чистичко. До вечер и спалните и купатилото ќе се средат. И торта дур пиев кафе напраив. Смеам ли да се пожалам?

 

Јас да споредам со првото бебе, тогаш ми беше можеби потешко на почетокот. Беше и карантин и никаде не одевме, сем до болница.
Плачеше повеќе од сегашново бебе, јас до кај 6 недели бев вон редот, плачев чекав да помине, да излеземе итн
А и син ми имаше повеќе плачки, можеби и повеќе тегоби со мешето. Потоа како направи 2 3 месеци, се навикнав и подруго беше.
А пак 4ти месец, беше јули, шетавме крај езеро, 5ти месец одевме на плажа, баш бевме турбо со маж ми, ама уживавме, а и бебе престана да плаче ко на почетокот. Баш убав период нѝ беше. Ехее 5ти месец најлесен беше за заспивање, за 5 минути. Веќе 6ти малку потешко, ама веќе си навикната на редот и си тераш. Ајде вие веќе пола година сте поминале.

Е сега со ова ќе видиме како ќе биде. Нека осознае малку, да може и со играчки да се заигрува, да фаќа.
Тешкото е дури чекаш да помине време, тоа е маката. Нема уживање, туку исчекување.
Секој месец го пребројувам.

 

@elenaklasik , премногу размислуваш и си напната. Немам искуство колку вас и со повеќе деца, претпоставувам е многу потешко отколку со едно сепак постави си помали очекувања за почеток. Нека кажат другите дали барем магнезиум смее да се пие, можеби ќе ти помогне малку од малку да се опуштиш?

Еве јас лично од личност што секојдневно брише прашина по цел спрат, брише подови и мети, сега гледам само стаклата од масите секој ден да се чисти. И работната површина каде што спремаме храна за бебе и за нас. Остатокот два-три пати неделно и тоа почесто сопругот брише. Е подови гледам да чистам секој ден или секој втор и тоа само со џогер колку прашина да се собери. Метење намаливме на еднаш неделно.

За храна од секој ден готвено, сега поминуваме и со лиснато печено или готова пица. И со готови порции од чаршија. Или во недела ќе направам 2-3 јадења, па цела недела јадеме од тоа. Опција ми е или така, или да молам свекрва да готви или да оставам бебе со неа, па јас да готвам секој ден.

За спиење имаме и ноќи каде што бебе спие од полноќ, до 5 часот наутро на пример, па јади и повторно за пола час презаспива. Спијам и јас колку толку. Ми фали непрекинат сон од 7-8 часа ама се помирив дека барем цела година нема да го имам тоа, ако не и повеќе.

Алишта пуштам машини. Кој стаса (јас или сопругот тоа) ги ставаме за сушење. Кој стаса собира. Пеглање само од бебе. За нашите по потреба пред носење само.

Е сега кај мене бебево ептен сака да седи во транспортер така да кога сум на тараса со алиштата и таа е до мене. Кога правам јадење ако не спие исто транспортерот во моја близина.

Пак ќе пишам, кога мора да се подели времето на две деца е потешко сигурно. Ама дали можеш поголемкото да го вклучуваш во активности од типот на пример ако ти ставаш алишта за сушење, тоа да ти подава штипки, или заедно да спремате нешто за храната, да ја наполните машината за перење итн.

 

Мајки дали има друго бебе како моево?
Од 9 откако е станато нема легнато асално да преспие освен додека е во раце. Ноќта спиеше од кај 12 до 9 со станување на 1 час, кога цицнуваше кога со нишкање призаспиваше.
Мене ми се спие ми се плаче. Се плашам дека не е наспано.

 

Majki, dali bebinjata vasi koga gi klavate vo kolicka ili koga se preslekuvate so ocinjata saraat vo tavanot? Dali e normalno toa? 3 ipol meseci sme

 

Има нешто до денот денес, еве го и моето, дремни стани. Мора да има. Од сабајле од 3ипол ми виси на цицка и спие само дур сум до него, ме снема ли крај е. Ќе помине, тоа е. Еве сега на рака ми спие цврсто та прецврсто и пак ќе го оставам и ќе стане, осеќам. Очите бумбар му се црвени за спиење. Јас знам на моето што му е, сака надвор, се научи секој ден ова време да е надвор, ама денес не ми е за шетање, некако ми студи.

 

Јас до почеток на 3ти ги давав, матичната рече доволно е.

 

Ким има во тој од Билна. Ти даваат 6 големки кеси со чај (мајчина душица, сладок корен од анасон, грчко семе, маточина, ким и не се сеќавам уште една која состојка беше) го мешаш во голем сад сите билки и ќе си ги складираш (јас го складирав во 3 тегли големи). Во литар зовриена вода се ставаат 5 лажици чај, го процедуваш по пола час и си пиеш цел ден.

На бебе можеш да му дадеш малце чајче само од ким, неколку лажички.

 

Сладок корен и анасон е едно исто, најчесто на амбалажите го пишуваат како сладок корен од анасон.

Инаку и овој од билна не е скап, огромна количина излегува кога ќе ги смешаш чаевите и многу долго време се користи. Не се сеќавам дали 3 или 4 тегли ми излегоа кога го складирав и уште го немам дотрошено.

 

Веќе неколку дена сме вака. Од грчевите мислам дека е кај моево. Се грчи, плаче, а кога ќе заспие се штреца и се буди со рацете.

 

Купив од Лакта микс, истиот состав.
А сега да му дадам чај од ким или вечер пред спиење?
Во 100 мл 2 3 зрнциња се ставаа?
И да ве прашам, дали ви се добри пробиотик капките Нормиа, ги имате користено?
Вчера му дадов три капки, се искака добро во 4 ноќта, не знам дали да продолжам да давам или не. Ама и секако во денот успева да кака.
А земам и јас пробиотик.

 

Јас искрено ставав по 15-20 зрна. 2-3 зрнца мислам ќе немаат никаков ефект, секако ќе дадеш малце од чајов.

 

Jas davav 3 - 5 lazicki od tie silikonskite, a ednas so vodata zovriena so kim napraviv mleko i taka dadov ama nemase nekoj efekt i od togas nemam dadeno. Sabajle i vecer davam Espumisan po 25 kapki, sekoe preslekuvanje masiram so gelot od frezyderm i vezbi pravime, i toa e zasega za grcevite. Se nadevam ke pomineme vaka. Do koga traat inace?

 

Кај секој различно... Кај нас до 2 месеци, @Alexandrite мислам имаше пишано дека подолго се мачеа.
Обично до 4 месеци максимум траат. Ќе поминат, само живци требаат.