Совети, искуства од мајки за бебиња од 0-6 месеци

Ние почесто ја користиме
Моментално цуцлата ни за авент шишенце 0+, сега ќе полниме скоро 3 месеци што значи да и сменам цуцлата во 3+ со три отвори ?
Или иста да земам

 

И јас вака знам дека до 6 месеци треба да се дуплира родилната тежина.
Мојата е родена 2870, на точно 4 месеци имаше 5600, и бев загрижена да не заостанува, но во диспанзер кајшто ја мереа рекоа се' е океј.

 

Da ne ima nekoja kontakt od sluzbeniot na Dr Tanja Jovanova od sistina. Bev na pregled kaj nea i mi dade vizit kar ama ne mozam nikade da ja najdam.

 

Не со 3+, наеднаш огромен проток ќе му дојде. 1+ е доволно.

 

На 1м, и лажачките и од шише, мада веќе шишиња не му се потребни.

 

Девојки здраво, прв пат сум во темава. Бебе има 3++ и сме на доење од почеток, но бидејќи цица мн често, на саат ипол два, од завчера решив да пробам пред спиење да му дадам едно шишенце АД место цицање да го држи повеќев време сит, за да можам да сврзам барем 3 саати сон, бидејќи не можам да издржам сама го чувам поголем дел од времето и почнав да колабирам... Е сега проблемот е што му се појавија грчеви од само два пати давање од тоа млеко и не може да се искака, денес мн ми плачеше после првата дремка. Дали да сменам млеко или да се откажам да не давам воопшто... Да напоменам дека и претходно му имам дадено 3,4 пати кога немав баш млекце ама немаше ваков проблем. Доколку некој се соочил со иста ситуација да ми даде некој совет...

 

Консултирај си педијатар. Не мора да значи дека е од млекото тоа што имало грчеви и што не може да се искака, може е период. Консултирај педијатар дали има потреба да смениш друго млекце. Те разбирам како ти е, јас од истите причини давав АД навечер, морав да поспијам затоа што мм до 17ч работи и дотогаш сум скроз сама.

 

Мислам дека е од млекото бидејќи од вчера го приметив дека го заболува мешето, пред тоа немал таква мака си какаше супер и не плачел никогаш толку како денес. Ќе видам и со педијатар што ќе каже. Инаку чувствувам и грижа на совест што го правам ова ама некогаш до 17ч некогаш до 22 вечер сум сама бидејќи сопругот оди и теренски после работа и ств не се издржува...

 

Нема зошто да чувствуваш грижа на совест, на бебето му требаш одморена и во форма.

 

Не мора да значи дека е од млекото. Мојот е на доење и какаше по 3-4 пати на ден, а сега 4 дена се немаше искакно. Сега се искака ама откако ја регулирав јас и мојата исхрана - супи, овес, јогурт, ленено семе, суви сливи.
Консултирај педијатар, ама пробај и преку твојата исхрана да смениш.

 

Фала ви на советите ќе пробам и со моја исхрана па ќе видиме што ќе биде. ❤️

 

А зошто не пробаш да се измолзиш и молзено да дадеш? Комбинацијата мајчино/ад му е тешка мислам, башка сега одеднаш се случува.

Јас приметив некои промени, повеќе се смее а помалку гуга, сега цика, се радува, се смее некако а гугањето ко да намали ептен. Исто приметив подолго може да е буден без да стане нервозен и да не може да заспие од умор. Навечер полесно заспива. На смеење одговара со смеење.

 

Со молзено исто ќе и станува.

Нема врска дека му е тешка комбинацијата, башка едно шишенце во денот е. Моето ко беше само на доење ја имаше најголемата мака со какањето, какаше еднаш на 7 дена и тоа траеше еден период, па само од себе се среди.

 

Ама секое си е различно. Мислев на доење плус шишенце пред спиење и уште едно во текот на ноќта да даде таткото место да стане мама нели. Јас давав на почетокот молзено во шишенце за да поспијам, ќе го испиеше, ќе заспиеме и двајцата и раат, зошто јас на почетокот не можев да дојам лежејќи, немав навикнато и морав седејќи а цица долго, цел саат...

 

Ама кај неа проблем е што се буди на саат и пол, два. Значи тоа се доста станувања во текот на ноќта, а таа бара начин да сврзе бар 3 часа сон.

 

Абе како викаат, сит на гладен не верува, па така и јас, сум немала мака досега од станување и затоа не знам дали ад би помогнало. Можеби со тек на време да се навикне организмот на вештачкото нема да има мака.

 

Работата е што цица често и немам мн простор да му измолзам едно или две шишенца од моето, а и вештачкото повеќе време ги држи сити затоа се решив за него.. Ќе пробам уште вечерва и ако продолжи маката со мешето ќе паузирам да видам дали е до тоа па ако треба ќе сменам млекце..

 

Прочитав погоре дека порано си му дала АД, и сега пак, а сега е 3++... Колку време е отворена формулата? Јас имав купено хипп комбиотик и пишеше 3 недели да се користи од ко ќе се отвори.

 

Сите се користат толку, после ги губат хранливите вредности. Убаво ти текнало, мене ич не ми текна дека кутијата може да и е отворена подолго време.

 

Јас со првото користев АД и по повеќе од 3 недели, мислам дека не е до тоа. А мислам и дека не е до хранливоста на млекото.

Спие до тебе или во креветче? Да пробаш да го ставиш до тебе една две вечери да видиш? Јас сум многу против тоа бебе да спие на ист кревет со родители ама има ситуации кога е едноставно потребно. Пробај, што знам. Или обратно, ако спие со тебе пробај да спие сам, стави го во вреќичка, затопли/олади, нешто мора да му смета. Од 2 деца досега тоа сум приметила, и двајцата се будат ако им е топло, сакаат да спијат на ладно и во вреќичка, не на целосен мрак и сами во кревет односно да им е удобно и широко, не сакаат на тесно. Едниот топ не го буди, другиот сака тишина, ама да има некој тивок позадински шум, бели звуци или нешто слично. Големиот нема шанси да спие со чорапи, малото спие само ако му се нозете убаво утоплени, ако му се студени не спие. Ова се некои работи кои сум ги забележала јас, пробај и ти може ќе најдеш нешто што го буди, не секогаш е за цице но тоа го теши, му дава некоја сигурност кратко и пак заспива ама зошто не му е се погодено се буди за кратко.