Совети, искуства од мајки за бебиња од 0-6 месеци

А колку килограми беше?

Што да кажам, секој пункт своја политика. Или може дека мојот веќе беше 6кг па сметаа дека има помал ризик од нуспојави.

 

Кај мене нешто над 4 кг беше плус прематурче. Никој ни за вакцини, ни за капки не ни направи проблем.

 

Реално и мојот е порано роден (36+4). Останува сепак дека е различна пракса од пункт до пункт. Некаде не бараат ни кс, кај нас бараат и го вакцинираа, ама ми рекоа за наредна пак задолжително со кс веројатно ако немаше подобрување немаше да го боцкаат. Фала богу он веќе има подобри резултати и наредна недела сме за втори вакцини. Претпоставувам и превенар ќе му стават прва доза тогаш.

 

Дали сте имале искуство со вакво нешто? Бебе е неполни три месеци, му се појавуваат и губат, не можам да сфатам од што, претежно на ноџиња, рачиња, а денес едно и на чело. Сува му е кожата, користам мустела стелатопија по препорака од педијатар, ама досега не сум и покажала слика од овие. Или да си барам одма дерматолог?

 

Бебе спие повеќе на десна страна со главчето, ноќе ја наоѓам и налево свртена, ама дење никако не сака на лево ниту кога е будна, кога ја држам во раце ја чува главата навалена на десно исто. И ја исправувам и така ја држам со мојата глава, ја врти што значи нема ограничување, ама кога самостојно ја држи ја навалува кон десно. Многу се нервирам, наредна недела сме на ортопед. 12та недела сме.
Некој слично искуство, совет?

 

И моето имаше омилена страна па ништо страшно. Главчето правилно си се формира, сега си се врти на двете страни. Мало е, дај му време

 

Повеќе ме загрижува тоа што ја држи навалена главата на таа страна кога е исправена.
Во 7ма недела педијатар ми рече да ја легнувам и на другата страна, ама одбива, плаче, само сама кога сака, ноќно време претежно.
Инаку, сега е третиот скок како што читав, се штрека кога спие, па ако ја нишкам призаспива, ако не се буди. Повеќе плаче, како вознемирена е. До скокот ќе да е?

 

До скокот е.

И моето ја држеше поднавалена, се плашев да не го искриви вратот ама машала супер си е, ништо не се случи.

 

Девојки капките за грчеви ги давате со лажичка или во млеко растворени? На доење сме и попрактично ми е со лажичка наместо да молзам и спремам шише. Исто така колку често давате?

Уште нема некои изразени грчеви, ама го осеќам дека се мачи да испушти гасови, се мршти и витка и кенкав е. По природа не е плачлив, глас не пушта освен кога е гладен и сега од грчевите ако не му дадам цуцла да се смири си кенка.

Го ставам да си лежи кај мене на стомак на стомак и гледам дека му годи, изгледа се загрева неговото стомаче па му доаѓа убаво. Дајте некои други совети како да му олеснувам, што упалило кај вас? Цел ден е некако залепен за мене, сака често да цица, да се гушка, па бљуцка од што не е гладен а јаде..

 

Пробај со лажиче. Мојата на АД во млеко и ги ставав, другарка се одмолзуваше по малку па така ги даваше. Ама ако прифати од лажиче, најлесно. Јас саб симплекс давав по потреба, немаше многу грчеви повеќе гасови имаше.
Термофорче да му ставиш на меше

 

I mojata ja drzi glavata podnavalena nadolu koga ja drzime vo race. Ubavo sto te procitav zasto so mm veke pocnavme da panic ime da ne ostane taka.

 

И јас премногу паничев, мислев така ќе му остане.

 

И ние сме на доење, се одмолзувам малку во лажиче и така и ги давам.
Кај нас освен држење во раце, со едната рака на стомаче за да ја топли ништо не помогна. И по некое време пробавме со мм нишање во ќебе. Ниту во нишалка, релаксатор, креветче не сакаше, во ќебе одма заспиваше.
Кај нас од 7ма недела многу се намалија, ама сменив од Еспумисан на Колактаза.

 

Исто сме и ние.. и првото исто вака ми беше и на ортопед кога ја однесов ми рекоа да и вртам играчки лево десно и кога и зборам да биде на другата страна и дека не е ништо страшно, ама првото ми спиеше на грб и цело време на една страна, а сега ова спие на меше, си врти главата лево и десно ама кога ја држи сам на десно му е навалена малце нанапред исто како што кажуваш.. и јас мислев на ортопед да го носам па ќе видам.. дека со термини знам дека е тешко може ќе се јавам некаде чисто за консултација само.. утре 3 месеци прави…


И додека сме кај неделиве има некој скок сега? По др. Гуднајт треба веќе да сме излезени ама бебо не спие повеќе од 15мин преку ден.. наврчер е добар ама преку ден леле мајко.. не сака да седи сам мора да е некој до него и да му зборува или ќе кенка додека не го ставам на цице.. и цело време дремни цицни кенкај, ќе се мрднам

 

Зависи кои, еспумисанот со лажиче се даваат, колиеф се раствараат. Ставај термофорче, масирај меше во кружни движења.

 

Ако се водам по оваа табела и оваа табела важи од денот на раѓање кај да е ќе не здрма 4рт скок.

 

Буби на мајка има бактерија во нос. Цефалексин не му помогна, сега Алмацин ни дадоа. Душа ме боли што пие антибиотик, 2 по ред и тоа, ама за 15 дена има вакцина, ако не го оправиме нема да може да ја прими, а нели ротата е со термин... Не сум паметна. И најверојатно и јас и мм, бато со сигурност ни ја донесе од школо. Ми се плаче ама тоа е, во ѕвонче не можам да го ставам, бато во школо мора да оди и тоа е.

Зема и мама да пие Оспен, среќа имав останато, иначе ко што нема никаде ќе беше невидена мака за мене. Му препишаа и на мм а ќе го пратам утре со татко му и нему да му дадат антибиотик, никогаш не сум била за ако нема симптоми ама џабе ќе биде да пиеме ние ако бато уште ја има.

 

@AngelOfArh , @Ano , за која недела ви ја закажаа втората рота или до кога најдоцна може да се прими?

Кај нас некако брзо ни пишаа после првата, па да знам ако има потреба до кога може да одлагаме.

 

Честитки мила, посебно се радувам за тебе. Живи и здрави да сте

За грчеви кај нас најмногу помогнаа масажите и топло на меше. Саат-два пред да почнат масирав меше кружно, па вежби со нозе и на крај топла тетра или термофор. Вака по некое време драстично се намалија. Исто и подригнување обавезно после јадење

 

Паѓање на коса ама драматично? Ми најавија уште во бременост дека се случува ова, ама веќе станува екстремно. Буквално прамени паѓаат, на тилот се разретчи најмногу, а и почна да ме боли главата на допир како да ми била стегната во репче, а не ми е. Има шанси трајно да ја изгубам?