Совети, искуства од мајки за бебиња од 0-6 месеци

Од кога почнаа да ви се вртат бебињата на страна? Мојов лежи и се тегне и кога гледам се свртел на страна,многу чудно ми дојде месец и пол имаме само

 

Дали зелена столица може да е резултат на тоа што почнавме со вкусови?

 

Околу вториот месец почна така да се врти пред спиење, и од тогаш ден денес спие на страна. Прво се вртеше само на десна, по 2-3 недели почна и на лева

 

Така почна кон 2м, ама не знаеше назад или го мрзеше. Сега денес па научи нова тактика, се фаќа за нозе и се клацка лево десно, па откако научи сам на стомаче да се сврти поинтересно му е тоа и тоа прави. Има 4ипол.

Инаку да прашам дур сме на темава, има друго бебе на 4ипол што крева газот и лази? Не лази баш баш, поише се тегне, ама прашање на време е кога ќе уконта. И без мака се крева од лежење во седење ако се држи за нешто. Многу ми е мал некако за ова... Ја кренав страницата од креветчето одамна, не ми е безбедно веќе да лежи без неа.

 

И кај мене само што ќе легнам одма се дига, а ако e под агол легната она веќе седнала такаречено
Раце ако и подадеш се исправа скроз мислиш само што не станала, а немаме ни четири месеци

Туку спрејче за носе користиме нисита, ко золен раствор ги пишува
Е сега дали смеам секој ден да прскам и да чистам носе или не знам само по потреба? Да не не е безбедно секојден да и го влажнам носето

 

Не е мал, вежбаат мускули, и моето не се влече ама се врти на лево на десно и така "лази"

 

Јас дојдов само да поплачам од свекрва. Демек помош требаше да ми биде, ама полесно се справував со двеве бебиња отколку со неа. 20 000 пати и кажав дека икаат кога ќе потповратат малку и им останува млекце во грло, она пак по нејзино, ладно им било, ги тутка во ќебиња на 25 степени. Малиов, 3 и пол месеци ме фаќа за раце и пробува да се дигне со рамена, она ме отече дека сум го форсирала. Да не сум ги земала во раце, да си лежеле во количка или на кревет, и на секое нивно кенкање пробува да ги успие. Ако заплачат, или им се јаде или им се спие според неа. Ни можам ред да им воведам, ни да ги облечам како што треба. Ако земам да ги пресоблечам и дотерам, сум ги гњавела, ако земам да ги поиграм или на меше, сум ги малтретирала. Значи ќе умрам од нервоза, а на антидепресиви сум, ме полуде. Колку пати и да и кажувам, никако не сфаќа женава, ѕидовиве разбраа, таа не. А следниве неколку месеци ќе треба да седиме врата до врата со неа, јас не знам како ќе се справам, неспособна ме прави, ми брои што колку сум им купила, аман веќе.

 

Не сум паметна и не знам дали добро постапувам, ми треба помош.
Бебе е на доење, напредува супер, родилна тежина веќе надмина. Не знам дали е лаком, ама последни два дена цица на 2 часа, со тоа што еден подој трае 45 мин. Врзана сум за кревет, не сум ни спиена како шо треба. Тој ќе се најаде, уствари се ми се чини се прејадува, и после мака мачиме со грчеви и повраќање.
Дали да ги кратам подоите да не се 45 мин? Не сум пробала капки за грчеви, патронажна треба да дојде утре па ќе се консултирам и со неа. Иначе 10 дена е бебе.

 

Мораш да пресечеш и јасно да и дадеш до знаење дека ти си мајка и ти најдобро знаеш како со бебињата. Буквално кажи и дека ако ти треба помош за нив ќе и побараш, во друг случај да се тргне и да ти помогне во миење садови спремање ручек и чистење ако толку сака. Дека со нив можеш ти сама да се справиш. Мораш да застанеш цврсто на твојот став, вака само ќе ја научиш во се да одлучува она. Кога ќе земе да го успива, земи и го од раце и кажи и не му се спие сега итн…. Постави цврсти граници уште од сега, зашто се потешко ќе ти е да се справиш
И не се објаснувај многу како за икањето и сл. Ако го покрие откриј го и кажи и нареден пат прашај ме пред да направиш нешто

 

Првите месец дена мислам дека постојано цицаше моето или ми спиеше врз стомак/во раце.. гледај да не ти спие на цице, буди го за да се нацица убаво, ама докај месец-месец ипол ќе биде посилно и побрзо ќе се најадува.
Мене ме спаси baby wearing, после 3-4 недели негде почнав да го носам, ем он дремнат, ем јас ќе прошетав или ќе си направев нешто за јадење.

 

Ама тој активно цица сите 45 минути, не знам од кај наоѓа сила. Еве сега сме измеѓу подои, откако заврши последниот подој тој поврати, наполна пелени, и седи со очите ококорени и кај и да е ќе бара нова тура.

 

Што правите со бебињата што не ви спијат денски? Како го поминавте 4ти скок?
Не можам да мрднам. Фала Богу ноќе спие да речам, иако често станува за цицање, ама брзо призаспива и не цица долго. На утро станува, се смее, гуга, вадам памперс полетува од среќа, мава со нозе со раце, ја оставам така за да си ставам кафе, ја облекувам и после веќе почнува со кенкање, протестира со цицање, почна да цица само кога стојам и нишам или фен да пуштам. Заспива со плачење, со нишање, спие пола час, станува истото пак, расположена кратко и додека е без памперс и пак истото, во раце. Ако заспие во раце и така преспива, ја допрев ли на перница плачки.
Плус не е покакана вчера и денес и цревата и кркорат.
Времево капак на се.
Вчера го "прекршивме" денот надвор.
Што уште да очекувам или со олку ќе поминиме, колку трае? 15 недела тараме.
Се надевам и регресијата е вклучена во ова, нема да се јави дополнително.

Се пожалив јас, ама барем скинав килца, помалку од пред да забременам сум.

 

Нормално е и моето така правеше до месец ипол, два. Бараше да цица на сат време дури и цицаше по пола сат минимум.Таман завршил еден подој, дошол друг. Не му ги крати никако подоите, кога му е доста сам ке се тргне.
Не може да има грчеви од прејадување од мајчино млеко. Ке си го бљуцне вишокот, а грчеви секако ке има.

Како расне така ке си фати ред со цицањето, нема да е вечно така. За месец ипол ке се среди. И јас бев иста ненаспиена, гроги ама и тоа ке помине.

 

Исто и кај нас беше, треба да се издржи да помине скокот,но мене потешок ми беше 5ти,со неспиење и држење во раце цел ден

 

Фала на совет. Гроги е мал збор, не знам кај се наоѓам моментално, не сум спиена воопшто.

 

Сами сте?Ако не, да се молзиш па маж ти да го храни ноќта да поспиеш малце? Моето ноќно време на шише е и маж ми го храни и јас многу често преспивам ноќе и стварно многу е од корист, мене тоа прв совет ми беше и да го дојам да го научам на шише за да не е врзано за мене.
Моето почна да цица дури сега ама неколку пати цица, ама шише сака повеќе и може себично ама многу ми е полесно вака.
И моето е во скок, само во раце сака к плачи за јадење на 2 саата, ама не можам формула на толку па му давам измеѓу да цица и не знам веќе и јас каков ред иам фатено и колку јаде, ама битно не е гладен и не повраќа веќе па мислам дека му одговара вака.
Едино ваков совет можам да ти дадам, а ако е само на цицање ќе биде така месец до месец ипол сите буквално што ги прашав што дојат ми го кажаа ова да бидам спремна, додека се воспостави лактација така ќе е, после наеднаш ќе ти омекнат градите, нема веќе да тече неконтролирано и ќе имаш млеко колку што бара детето. Јас дури и пто не дојам редовно се воспостави некаква лактација и веќе не шетам со лочки и градите не ми се камен.

 

Не се нервирај сите се исти. Го облака цело време над шпихозни му става чорапи. Мојов свири клавир со нозе, сум го уморувала многу. Од што се смее лапа воздух па ика, греота бил да сум направела нешто. Јас само викам аха да и се смешкам, сакам културна да бидам. Користи ја да ги занимава ти среди нешто по дома или одмори во другата соба, исто добра работа е хитно да одиш да купиш нешто оставија малку сама со нив, главата тупан да и ја направат ќе ја нема неколку дена.

 

Сами сме да. Од една страна никој не ми дава коментари и барем главата ми е мирна, од друга страна двајцата сме веќе на последни сили. Следна недела доаѓа мајка ми, едвај чекам искрено, хаос е станот, и барем навечер да фати една смена таа да врзиме сон од 2 часа.

Не знам дали да се молзам, да не почнам ептен да стимулирам млеко? Јас и вака нешо тргам настрана, кога јаде од едната ми тече од другата и тоа го собирам, ама не знам дали е доволно. Од прилика колку мл молзено млеко се дава од шише?

 

Пожали си се и јас се жалев и мислев 4ти скок е најтежок ама 5ти е далеку потежок, така да освен да издржиш немам што друго да ти кажам, за жал.

 

Дан тмуран, ја мамурна, бебе дабетер! Не знам кај се наоѓам. Ќенка, цика, вика, квичи, остај го вика, земи го ми се смее, звуци Зоо Скопје не ни е рамно. Земав да смукам ми се изнасмеа, му наместив на земја да игра, не сака. Се нацица сега и еве го ми гуга, ми збори, ми бучи, ми цика...