Совети, искуства од мајки за бебиња од 0-6 месеци

Јас возам, ама до 4 сум без кола и секојдневно сме со автобус. Да ти кажам искрено и полесно ми е. Влеваш со количката, излеваш после, толку. А со кола стави го во транспортер, па да го врзеш, па количка да собереш а тој си кенка во мегувреме, по хаотично ми е. Тука нема многу гужва во автобусите и секогаш има празно столче таму дека што влеваш со количка. Ќе си седнам пред него, муабет му правам, ужива бебе

 

Па вака би ми било идеално како што опишуваш, ама во глава паники. Морам да пробам значи

 

Не знам како е во Скопје. Пробај прво во период кога нема мн гужва. Мислам дека ќе се опуштиш и сега во лето стално ќе си се возите
И да не заборавам веројатно има такви каиши во бус да ги закачиш на количка? Ако нема мораш многу цврсто да ја држеш и обавезно закочи ја

 

Исто сме а 18 недела сме ние.
До кога трае лудилот незнам јас стварно. Кај мене толку вришти цела ден ми е во раце и пак непогодено е. Некогаш ја мотам во ќебе ако дува ветер и надвор да се смири малку.
И многу тешко заспива денски и навечер спие ама немирно кревок сон има.

 

Како да ме слушна бебе дека се жалам па вечерва не почасти со 4 часа врзан сон! Обично го будиме за да цица на 3 часа, ама и мм како што е уморен ги исклучил алармите во сон, јас случајно се разбудив кај 4 и викам чекај малце, детево спие од 12. Па паника кренав пошо спиеше ептен мирно. Ама еве го си цица, а и овие 4 саати баш ми дојдоа супер.
И јас се разбудив околу 2 часот, станав од спиење и си мислев дека сум го цицала, па тргнав да го кревам за да ждригне. После си викам чекај малце, детево не јадеше, легни си. Страшни халуцинации се дешаваат, добро што поспа вечерва па малце се соземавме. Мада мало е сеуште, мене ми е страв да го оставам навечер да преспива, се некакви филмови си правам дека нешто ќе му се случи.

 

Оф кој ја нема поминато таа фаза нека се јави. Месец дена е малиот мој, на почеток мораше да цица на два саати, станал не станал морав да го будам. Првите две недели ако ми се собраа 30 саати вкупно сон добро е. И јас како него не знаев што е ноќ, што е ден. Огромна помош од маж ми имав, он стануваше со мене на секој подој иначе немаше шанси сама да се справам од умор, болки од епизиотомија итн. Период кој мора да помине е и верувај на првите 4 саати што ги сврза навечер се радував како мало дете. Уште се буди неколку пати за цицање и ќе се буди уште некое време. Многу мачен ми е тој дел ама мора да се издржи. Срце ми спие дур он цица навечер, не знам ни сама како издржувам ама ете.. мајка може сѐ.

 

Не сум во Скопје ама бидејќи дел од денот немам кола секаде одиме со количка.
Опремена ко за преселба

Освен ако не сме во парк што е тука во близина. Бебка сеуште ја собира во транспортер и така тој ставен на рамката, на мене ранец со се и сешто. Во автобус не сме се качиле. А за таму си замислив кенгур дека ми е пофунционален. Ама само си замислив, пракса немам. Инаку земам транспортер за доколку се преморам јас од пешачење или бебе стани кемкаво и плачливо многу, да фаќаме такси и веднаш дома.
Е сега ние ни трговски имаме, ни ништо од тоа. Се мислам за периодов дали летна количка би ми била пофунционална за со бебе ама немаме земено сеуште.

Кај мене пак е проблем и лоши улици, немање тротоари насекаде. Буквално мислам дека потрес добива детево на секое излегување. Тргнуваме на тротоар, па тесен простор еден куп паркирани коли, слегувам со количката на улица, покрај раб, да ги одминам колите. Па се враќаме на тротоар и така едно 377282 пати додека да поминеме 3-4 км. Во центар е друга приказна. Ако сум со некој, тој/таа што надвор со количката јас со брзина на светлината влегувам и земам што ми треба. Ако сум сама веќе на Фб имам одбрано што треба да земам и од врата ми подаваат. Голем дел од продавниците се со скали надвор или внатре на самиот влез така да ептен е тешко пазарењето со бебе бар кај мене. Веднаш поглед настрана, па ако ми треба помош за количката уште толку.

 

@Lavender13
Ќе се буди мила уште добар голем дел хах.. јас со првото бев жива не наспана, нит дење спиење,нит ноќе. На саат и пол се будеше за цицање, траше 2 саати додека заспие. Таман наницај го, поврати многу праеше и жива вода пижамите, таман преслечи го искакај се, паа наново бараше цице, паа грчеви крај немаше до кај втор месец, тогаш почна да сврзува 3 саати се будеше се до 2 роденден. А еве со ова, морам да го будам на вечер за подој оти може да тера и над 4 саати ама уште е тазе, не ми е закажвано.

@gothchick секогаш гледај да се све спремно, па да го нараниш и да излезиш кога ќе е време за спиење, тогаш ќе ти седи во количка и ќе спие, иначе може да се деси да не ти заспива и да урла. Зависи од бебето. Иначе за мене марамата беше спрас, јас само што ќе ја ставев за 1мин беше заспана 2 саати тераше во неа и секаде одев и се праев на раат. Плус оти сум бо во голем град и превоз ми е за се морален, сум поминала и драми и мирни возења

 

Ние шетаме во околните паркчиња и седам на клупа со телефонот. Превоз не сум употребувала,а за другарките за кафе ги договарам во кафич во радиус каде можам пешки да дојдам.
@Miss_S на почетокот и јас носев цели торби но сватив дека нема потреба нема да го пресоблекувам по улици. Носам мало ташниче со влажни, палома, цуце и ако сме подолго млеко во шише и термосот.

 

ја сум се чудела шо све ставаат во толкави торби? Носам едни за пресоблекување, 2-3 памперси, влажни крем и мушама за пресоблекување. Колку се мали алиштата во џеб ги бери, плус сега за две истото го носам и пак мало ранче е таман. Е сега ако се на ад ваљда треба повеќе зарад кутиии.. ама пак.


А шо ми е мене најсмешно сега, темпиравме за да се роди април/мај да биде времето супер за да од старт да шетаме со количка ама времево како сред јануар.

 

Зависи на колку време сме излезени. Не буквално куфер со мене ама имам 3-4 памперси, влажни, неколку мали крпчиња за бришење. Еден комплет за пресоблекување, макар што не сме искористиле никогаш. Термос, едно или две шишиња за млеко, дозер за млеко,некои ситни глодалки. Мои новчаник, кутија со наочари за сонце, телефон.

За кратко и во близина само со шишето и малку чајче во него, што повеќе од времето не го употребуваме, едни влажни, новчаник и телефон.

Првото ако сме над 3-4 часа надвор.

 

Не се мачи со млекото. Во самото шишенце од дома ќе си измериш млеко и водата во термос. За да не си играш хемичар надвор

 

Син ми уште малку ќе направи 10 месеци и уште излегувам со све и свашта и 80% не користам ништо од тоа Ете не можам, морам да носам од се по 2 работи за “не дај боже”
Кога беше помал мноогу бљуцкаше, носев дури по 3-4 комплети за пресоблекување, пелени минимум 5, влажни, 10тина лигавки, дозерки за млеко, шишиња… единствено никогашш со мене не носев подлога за пресоблекување и неколку пати и те како тоа ми беше најпотребно

Сега кога порасна се лигави многу и пак исто ми е.. плус носам 3-4 шишиња, кое вода кое млеко кое чај.. кога ќе видам околу мене само јас излегувам со “куфер” ама вистина ми се сите работи многу потребни

 

Јас живеам во населба подалеку од центар, користам често јавен превоз уште од мало кога беше големото. Не возам, морам да се движам. Одбирам период кога нема гужва, околу 11-12 и тогаш ако има гужва го пропуштам бусот со гужва фаќам следен. Нигде не брзаме, немаме некоја којзнае каква работа, ако заспие спие во количка, веќе го користиме спортското седиште, големичок е за да спие во транспортер, а корпата му е мала веќе. Во ранец стално имам 1 до 2 преслеки комплет, 3 до 4 пелени, влажни, лигавче, чорапчиња, капче, тетра, подлога за преслакање и евентуални некое играче. Исто не носам и дополнително моја ташна туку се во оваа, новчаник, очила, клучеви, се ми е тука. Планирам веќе да го заменам овој, да земам помал, згрешив со овој, огромен е. Мислам функционален е скроз, го користам и тој делот како корпа, ама ретко, а многу ми е голем за секој ден.

Бејби лази, да да, се влече ама лази. Кога ќе успее да се сврти на стомак од грб, е тоа е фешта. Цел е црвен по главчето од што се мава од играчки, ама среќен е. Вчера беше тежок ден, ќенкаше многу, беше страшно, ама отидовме на роденден и се препородивме. Детево сакало гласна музика и песнички, љуби га деда, и овој се погоди музикален. Му гугаше на магионичарот, викаше, цикаше, 2 саата не побара цице воопшто, а дома да е од досада на саат се пика во мене. Од сабајле е весел, и јас би била да бев цела вечер во мајка ми пукната да ме гушка, цице да имав на изволте... од денес кај нас ДИСКО!

 

Е, да. На тема автобуси. Претпоставувам не е исто низ Македонија и во странство. Па макар и низ различни градови. Пред бебе користев градски автобус почесто, ај што кај мене не се со термини многу точни. Плус и се постари. Е сега мислам кога ќе се појавеше мајка со количка, шоферите менуваа лик.

Влегување со количката на заден влез, да го спуштат автобусот нели за полесно качување мисловна именка е тоа. Па додека да се качи мајка, да закочи количка, да трча на предна врата за да плати или стави картичка шоферот веќе стасал на следна станица. Ретко кој бил доволно љубезен барем да не тргнува додека мајката не се врати кај количката.

За симнување иста приказна, па викање оти бавно одело и сл. Секоја чест на исклучоците. Бидејќи и меѓу шоферите има такви

 

Дали кога доиме можеме да јадеме јагоди? Бидејќи ги сметаат за алерген

 

Јас јадам, нема реакција.

 

И јас јадам, немало досега проблем.

 

Јас јадам, од алергени исто внесувам и путер од кикирики и други јатки, никаков проблем немало.

Кај мене излегоа проблематични млечните производи што ги конзумирав, па кај бебево се манифестираа како рефлукс, киселини, грчеви и плачки. Како ги исфрлив детево се прероди, а богами и ние со неа. Баш сакав да споделам искуство во темата за доење ама цел ден сум натаму - наваму, никако да најдам време.

 

Кај првата грчеви и правеа салата, посебно зелен зеленчук, јагоди ( и ми напомена Марина дека оно прават многу грчеви) и млечни производи, чоколада посебно. 4-5 месеци бев на ориз, супи.. а алергија и се направи од риба.