Совети, искуства од мајки за бебиња од 0-6 месеци

Два дена како ја сменивме Био гајата со Диа Стоп и никаква промена нема. Пак се мачи да се искака. Како навиен е во 9 и 15 сабајле почнува да се витка и да стенка. Дури не морам да погледнам на саат, знам колку е. Ретко се буди, обично во сон се мачи и многу ми е жал. Ставам термофорче, масирам ама џабе. Сабајле не беше ни искакан после мачењето, само влажни гасови испуштил. Во текот на ноќта пред еден подој дадов Колипрев, после следниот Еспумисан, ама слабо фајде. Не знам каква шема да му направам на давање на капките. Знам само дека со душа чекам да му поминат маките.

 

Веќе имав пишано на една членка и помогна ај пробај и ти вака. Прво правиш вежби со нозете имаш видеа на јутуб како, па веднаш масираш меше со масло и одма тогаш ставаш топло на меше да држи неколку минути. Сето ова да го направиш споено, кај нас многу помагаше ова на почетокот, сега веќе не

 

Ќе пробам и вака. Со какво масленце се масирате?

 

Од старт даваш Еспумисан? Јас имам многу лошо искуство со него, од бебе што какаше 5-6 пати на ден почна да не кака со денови. И од други имам слушано дека прави запек.

 

Да, најпрво со него почнав. Го давав до пред недела дена па го прекинав зошто сакав да видам дали прави некоја разлика, ама исто е.. Синоќа дадов пак од очај и може згрешив. Он обично си кака бар два три пати дневно па и повеќе, ама и два три пати се мачи и само испушта влажни гасови. Кога ќе се искака обично е одеднаш и без напор. Не знам, стварно сум неискусна и очигледно грешам негде…

 

Не е тоа проблем, нормално е тоа до кај 3 месеци додека се развие убаво дигестивниот систем. Знам дека ти е жал зашто си е твое бебенце и сакаш да му помогнеш ама реално може да биде многу полошо со неутешно плачење, грчење, запек со денови. Јас би го исфрлила еспумисанот и се што содржи симетикон, би продолжила со колиеф/колипрев зашто нема штета и постепено ќе се среди.
Инаку како пробиотик мене ми се покажале најдобри Ваја и Рекол бимбо.

 

Исто е и кај нас бела, од 5 се буди така и се витка со саати, ете дури сеа се смири и заспа му дадов од капките, ама не е какан уште, секој ден како навиен тоа време почнува. Јас затоа го зедов овие капки да пробам и со тоа, ќе ставам на секое јадење прво и ќе видам. Прва реакција добро е. Стварно се жални, обично моето кака додека јаде, како јадењето да го подбутнува, голта лакомо и прднува и кака. Инаку не грешиш никаде, читав дека уствари така си го развиваат дигестивниот систем и иако изгледа дека има запек уствари нема и дека така се развиваат тие мускулите за контрола на столицата, гледав и видеа од тикток на таа тема, мора да помине, ќе издржиме.

 

@Skyler @1209 да јасно ми е сѐ, дека е период кој што мора да се издржи итн. Ќе го тргнам Еспумисанот, а пробиотик не знам кој да го давам сега, дали Био Гајата или Диа Стоп или некој сосема трет. Знам дека може да биде многу потрагично и благодарна сум што не е, ама сепак е тешко.. Инаку да, и моето често знае да кака дур јаде. Ете од сабајле немаме какана пелена, само мочка. Не се грчи веќе, буден беше па дремеше сега јаде па се надевам ќе се олесни после.

 

Не е утеха дека може да биде потешко, знам, само сакав да кажам колку и да ти се чини мачно бебиња се, ќе си плачат од се, ќе помине. Јас си плачев заедно со него, на итна сум го носела од грчеви зашто мислев дека од друго плаче, второ дете не сакав да имам од страв од тие грчеви. Еве второво се среди со какањето откако почна да пие вода и да јаде овошје. Ќе дојде и тој момент

 

Мајки… Фала за советите, секогаш е бар малку полесно со нив.

 

Сеа читав за вит Д капките на официјалната страна од здравството тука, пишува да не се даваат ако бебето пие повеќе од 500мл формула дневно како имало доволно вит Д во толку формула. Моето пие повеќе од тоа, а сигурно и вашите, па се замислив искрено дали да давам. Што мислите?

 

Каков Д2 или Д3? Не си играј со тој витамин, прашај ортопед.

 

Провен пробиотик најдобро ми се покажа, почнав со диастоп, биогаја, и сега Провен. Е сега незнам до кога да ги користиме, со царски сум породена пред 6 месеци, знам дека е задолжително до 6 мес.

 

Д3, знам дека може да биде опасен ако се пие повеќе, проблем е тука што педијатар го гледа децата само по потреба, јас успеав термин да добијам дури на 9ти јуни, 8 недели откако е роден, пред тоа само еднаш бабица го виде и тоа беше тоа. Дури терминот ми е со матичен доктор обичен, не е ни педијатар. Нема човек со кој да се консултира тука…како и да штом пошува така на нивната официјална страна не му давам веќе, он пие 120мл 6 пати на ден, така да повеќе од доволно би требало да има витамин. Фала ти.

Сеа прочитаб и за пробиотици на страната, и тоа не се препорачува освен во случај бебето да предвреме родено. Стварно сите различно препорачуваат, да не знае човек што е правилно.

 

За пробиотикот се согласувам, чист бизнис ама давав додека се разработат цревата ете за секој случај. А за Д витаминот јас не би слушала универзални правила зашто секое дете е различно ама па те разбирам дека е тешко за термин. Кога и да идете на ортопед прашај секако мада сигурно истото ќе ти го кажат да не даваш повеќе од 400ие. Следи му ги ребрата дали му омекнуваат, по тоа ќе можеш сама да препознаеш дали му фали.

 

Имаме пријатели во Англија и срга за Велигден баш беа Мк и се видовме и разговаравме и другарката вика јас нe давам Д3.Викам како така, и она баш ми го спомна тој момент дека ако дете е на АД таму не давале д3 капки бидејќи во млекото имало доволно.Они се на Аптамил.И никаков птобиотик не даваат. И навистина незнам што да кажам сркаде различни препораки

 

Знам, јасно ми е. Еве моето е на Аптамил, во 800мл млеко има некои 400ие витамин Д (не пишува Д3 туку само витамин Д) што според многу доктори не е доволно. Ама за да не се почне пак дебата колку пишува на упатството или колку треба, ќе речам само давајте колку мислите.

 

Да и јас сум во Англија, кога излеговме од болница не ни дадоа никаква препорака буквално, бабицата кога ја прашав рече како сакате, не е задолжително. Така да не знам, инаку овие што ги имам се толку 400ие, @Skyler ти даваш? И моето е на истата формула.

 

Мислам дека сите во мкд даваме Д3

 

Со маслото од невен на веледа масирав јас, ама има и специјално за стомак. Можеш било кое, не верувам да има некоја разлика со тие за стомак