Совети, искуства од мајки за бебиња од 0-6 месеци

Грешка сум, рота ја даваат и тука на 12та втора доза, MenB e на 16та недела, вајда исто и кај нас.

 

Ние отпосле разбравме дека бсж можело до година да се прими, не морало одма штом достигнат тежина и така ако направевме немаше да ја промашиме ротата, ама бидна веќе, нас од преглед каде што се пораѓав ни закажаа бсж и отидовме без сами да се информираме. Уф,не знам, случајно ако имаш некој близок тука, нека се јави или отиде во диспанзер да му објаснат убаво, затоа што некако и различни им се правилата од едни до други, тоа само тука е можно. Еве нас матичната ни е во железничар и ни рече таман ќе ви ја дадат и ротата, ама во диспанзерот, исто во Железничар ни кажаа никако, ни под разно и тоа е тоа.

 

Да сеа ми кажа другарка дека БСЖ може до година да се даде, така да би ја примиле покасно таа секако нема да ја испуштам, сега за овие 6валентната гледам во картон од мк истите вакцини се ама ги даваат на различна возраст, а и сигурно не се ист производител, ќе морам со докторот тука да се консултирам, ако не е проблем да се дадат недела порано пошто за толку го промашуваме терминот или евентуално 2м покасно кога ќе се вратиме. Фала ви за инфото на сите, ќе се снајдеме некако вајда.

 

Леле што чудо е ова на крај на четврти месец? Не знам дали е скок, предвремено се родени и некако не ми соодветствуваат апликациите со однесувањево. Таман се смирија двеве, и мерачки си ги чував сама, еве сега два три дена се убиваат од плачење, неутешно, бетер од кога беа помали. Ни бејбиџим, ни количка, ни музики, тропки, релаксатор ништо не ги смирува. Им се спие, ама како да одбиваат да заспијат, со сила седат будни и викаат. Претходно и гугаа, по 2 саати си игравме меѓу оброци и дремки на сите реквизити, сега не бре, само плачки. Ништо не сме смениле, ни млеко, ни капки, капсули, само односот им е различен, како да сакаат цело време да истражуваат, а немаат сила од што им се спие, па ќе задремат, се штрецнуваат и почнуваат страшни плачки.

 

2 дена по ред имаме дремки од по 10мин, ме убива. Што е најстрашно станува свеж ко марула. Сега инат ме фати лежам до него да се успие да уцврсти, да отспие. Иначе станува и гуга пее, а брат му сирот рано стана дека со тт и го будев да го преслечам, едвај заспа на пладне, нека поспие малку детето. Вештер мал.

За превртување од стомак на грб се сврте на 2м, 2ипол да беше, а сега од стомак на грб со помош се врти од 4м, ама кај и да е ќе се сврти веќе. Денес од подлога се извртел, се извртел и на паркет, лиже ли лиже паркет. И скока некако, мрда со газот, се соблака надоле, па земам сега бодито преку пантолони.

Да седи на мене потпрен се исправа со горниот дел од телото, ама во количка, во релаксатор, не врзан нагоре, не се исправа, во хранилка исто, од под 45 не сака да се крене. Се мислам порано да го извадам џамперот. Вие што сте користеле кога почнавте да ги ставате?

 

Од меше на грб се врти од 3ипол месеци, сега е 4+++. Обратно само со помош, сам не се пушта. На стомак мрази најмногу на свет, не да пишти туку влегуваше и во хистеричрн плач, ама почнав да лежам пред него да му пеам гласно, да изигравам кловн, му ги покажувам сите шушкави, светкави играчки...дури некогаш ја пуштам и твојата песна (од тик ток) сите можни тактики за да биде колку е можно подолго на стомак. Пробувај се и свашта, само на стомак ојачуваат. Мојов уште не се исправа ни кога е врз мене седнат ни под 45 степени седнат, ептен ме загрижува бидејќи не знам како ќе се храниме за месец од сега. А и на стомак кога е, не користи дланки да се исправи, само на лакти е

 

Во мојов град дива лига е. На 4+5 недели бсж, на 11 полни недели некаде бевме за прва доза рота. Така ни пиша доктор во календар. По 5 недели ни закажаа за втора доза рота, по многу советување одложивме неколку денови.

За на меше мрази многу и не ни ја оставаме, на мене или од перниче кога е на 45 степени се исправа.

Мора да форсираме на меше. Задега само кога е на грб , се врти лево/десно.

 

Значи дефинитивно секое дете е различно. Мојов абер нема од вртење од грб на стомак и обратно (освен ако стимулирам и помагам), ама затоа се крева од секоја можна позиција, и на мене кога е и во релаксатор и во количка. Вчера шетам низ маало и ми го загледуваат баби што се разминуваме. Ај си викам сигурно им се смешка како што знае. Кога што да видам не само што се кренал, се навалил на страна и ја глода количката господинот .

 

Што им е со глодањево, еве и моево, само да доцапа нешто. Прееска се свртел некако на стомак од подлога на паркет и фатил го лиже паркетот, пробува да го гризне... и му се кара бе.

 

Влегов во темава баш за ова да прашам. Уште од болница кога не испуштија дадоа препорака секој ден по малку да ја оставаме на стомак да вежба ама ич не сака претпоставувам како и повеќето деца.
Најубаво било да се стави на подлога кога не е тазе јадена, кога е расположена и соработува. Па во денот дали 2 пати ќе се погодат сите тие фактори да се усогласат и баш тогаш ми е жал да и расипувам филм а искрено и тој ни е најубавиот период на поврзување и гугање и не ми се расипува со плачки. Буквално мислам не мрази кога ќе ја ставиме на подлога да вежба.

Кога обично правите tummy time и по колку време во денот? Беба има месец и десетина дена и повеќе од 2-3 минути не сум ја оставила до сега. Ортопедот ни рече пополека да зголемуваме и да стигнеме до 30 минути. Мене тоа од оваа гледна точка ми изгледа како научна фантастика

 

И од сите играчки и глодалки, он секогаш се посега по една најголема. Едвај ја фаќа со две раце, ќе се тресне неколку пати по глава, ама штом ја доближи до уста се истура на неа, а таа поголема од неговата глава

 

30мин во првиот месец сметам дека е премногу време дневно. Има толку кратки прозори на будност што не знаеш што попрво да направиш. Мојот до 3 месеци 24 часа врескаше од грчеви, по 1-2мин ако успеав да го ставам беше славење дента. Јас дури сега правам 30 мин 4+++ е. Се зависи од бебето, ако гледаш дека многу плаче не ја форсирај толку мала. 2-3 мин се сосем доволни, ставај ја на подлога доле на под некое време после јадење. Или ако не е гладна после спиење на менување пелена само заврти ја на стомак кратко.

 

Моево има шест месеци и 30мин уште ни е научна фантастика. Од првиот месец до ден денеска на стомаче е две, три минути максимум и почнува да вика и плаче.
Не го форсирам воопшто, не го ни ставав на стомак секој ден, сега сам се врти од грб на стомаче па затоа.

 

Луѓе мене тука ми рекоа првот месец само кај нас на гради тамми тајм, јас на подлога ни еднаш го немам ставено ниту на под, ама кога е на гради проба да се крене. Сега се испаничив дека доцнам и дека грешам што не го ставав до сега, месец и 9 дена е.

 

Никаде не доцниш, ништо не грешиш. Бебе уште не знае кај се наоѓа, супер си правиш ем го гушкаш, ем си се крева на стомаче. Реално од 2, 2.5м треба да се ставаат на под, тогаш малку повеќе осознаваат свет околу нив. Се до тогаш може било каде и кратко.

 

@Secret-Angel7 @oblace1 фала ви.

Не мислеше ортопедот уште од одма 30 минути, туку дека се очекува таква прогресија за неколку месеци. Па си викам ваљда некогаш ќе престане да плаче кога ќе ја ставам. Времево ми лета, како вчера да беше кога се роди, мислам дека уште побрзо ќе летне до 3-4 месеци. Па викам да не грешам нешто од што ми е жал да плаче толку и не ја оставам многу долго и често пати во денот.

@1209 ние најдовме некоја златна средина со вежбање така кај нас на гради. И баш убаво го вежба вратчето, го држи сама и ја врти главата. Ама на подлогата дали дека ептен ја заринкува главата и не и е пријатно, па обавезно има тешки плачки. Мислам дека со волку мали бебиња како нашите за почеток вежбање од гради е поефективна опција. Можеби не сум во право ама па во спротивно се осеќам како да го тренирам детево за у војска, а тоа уште не е освестено каде се наоѓа.

 

За на меше може и по две три минутки по повеќе пати во денот, го ставав и колку издржи толку, па попосле пак, не мора одеднаш да се тие 30 мин (невозможна мисија е тоа).. исто и на наклон малце на почеток или кај мама на гради може, а и baby wearing многу помага и ги ојачува.
Инаку како мислите се исправаат? Мојот кога го држам во скут се витка некако на напред како кифла баш, си ги фаќа чорапите а и во раце кога го држам нанапред исправен или кенгур на пример толку се напиња некако се витка нанапред (а пазам да не го стискам на мешето) и ми повраќа, аман веќе има ли крај на тоа бљуцкање.. а за вртење негде од 3-3 ипол од меше на грб а од грб на меше пред 4 малку.

 

Баш на такво исправање како што прави твој бебуш. Мојот не сака да го подигне никако торзото, кога го држам на мене сите можни играчки што ги сака му ги држам да го стимулирам да се подигне, се одбива со нозе скока нагоре, а никако со торзо нанапред да се одбаци. Го држам и за раце да му помогнам цел се оптегнува и плаче како да го боли. Не знам веќе која вежба да му ја направам. Секој ден се обидувам по неколку пати се е безуспешно.

 

Оф мори мајко, секој ден е нешто ново со бебушиве.. а исто и во раце се важи како тами тајм онака кон тебе исправен и да си гледа лево десно.. ќе биде сѐ во свое време, нашите мајки (т.е. еве мојата) не не ни ставала на меше..
Денес инаку на систематски, качил 370 грама само (5 месеци направи), некако малку ми личи.. плус два пати поврати и многу жал ми падна и срам.. многу се надевам дека ќе сака да си јаде кашички, од утре почнуваме