Мајки здраво Моето бебче е старо 3 недели, почна да има минимални грчеви навечер, додека денски си спие мирно. Имам друга мака, на колку дена какаат вашите малечки? Од четврток вечер немала столица, почнав да се загрижувам. Педијатарот ми рече се додека бебе качува на килажа, нека кака кога сака и колку сака Пиеме аптамил, од пред некој ден почнав и од моето млеко да и давам(претходно заради антибиотици ми беше забрането да ја доам). Би ви била благодарна за секој совет
Да ти е живо и здраво мајка 7-10 дена е нормално да не кака. Освен ако не гледаш дека се мачи, дека ја боли мешето или и е тврдо.
Не е така за бебиња на формула. Доено бебе може да не кака и до 14 дена. Бебе на формула може да не кака ден-два, ама после тоа ако има гасови, кенка и не може да се искака, се препорачува да се смени формулата зошто може да не му одговара. Не важат истите правила.
Мајки да ве прашам дали ги повивате/вте вашите бебиња со широк повој (тетра и шведски) и мислење за тоа, зошто да зошто не? Мене во болница не ми рекоа такво нешто само да ставам две пелени едно нормално друго од опаку. А мајка ми не може да замисли без широк повој, па дебатираме. Исто, не го мотам бебето дур спие, си сака рачиња надвор и не го стегам, да не е штетно тоа?
Нема потреба од широк повој зошто самата пелена е доволна. Ако е направено ехо на колкчиња и се е во ред нема потреба од ништо. Доколку не дај боже има некој проблем, постојат медицински помагала соодветни за тоа, нема широк повој тоа да го реши. Консултирајте ортопед доколку имате некои прашања. Во однос на повивање, јас не ја повивав, ама знаев за заспивање да и ги држам рачињата, или за да ја заспијам, лесно да ја замотам во тетра (за навечер дур заспие), зошто мојата имаше доста изразен моро рефлекс. Кратко траеше тоа, после 2 месеци прекинав.
Широк повој не решава проблем доколку го има. Само памперс и ништо друго, освен ортопед ако не каже поинаку. Тоа што не го повиваш е супер, бебињата треба да спијат со раширени рачиња и ноџиња, а не стегнати. Штрекањето е рефлекс со кој се раѓат сите бебиња и до кај 6 месеци ќе го снема. Ги штити и од сидс и според мене не треба да се спречува и треба слободно да си спијат.
мајки му дадов капки за грчеви пред оброк и среде оброк бљуцна убаво, голема количина како цел оброк ми се виде. дали да му дадам пак капки или да чекам до следно доење? се плашам да не ги поврати
Интересно ова со повивањето. Наидов на различни мислења. Пошто и јас не сакав да ја повивам, ама на крај испадна дека со фатени рачиња она може да спие. Слободни се штрека и не може да сверзе ни 10 мин дермка. А имам стварно мрдлесто дете. И ова почна од први скок или после први скок. Предходно ја оставав слободна. Овде кај што сум, бабиците и докторите препорачуваат доколку бебето не се смирува да се проба со повивање. Кај мене одговорот беше дека бебињата кои во бременоста или при пораѓањето имале малку стрес, имаат по изразен моро рефлекс и со повивање се смируваат. Јас имав долг и стесен за неа пораѓај. На крај со вакуум мораа да ја потеглат. Не знам дали навистина има некаква врска, ама ете понекогаш, не секогаш, и помага подобро да спие. Зборувам за мало потфаќање, каде бебето е потоа во состојба само да си ги извади рацете надвор и не класично повивање на бебињата со нозе и стегнати. @Shaya јас не давам. И мојата знае да блуцне малку, па и повеќе некој пат. Ама не давам пак капки. Чекам до нареден пат.
Ако си дала пред оброк, тешко дека ги повратил. Имај предвид дека кога ќе бљуцнат количината секогаш изгледа поголема отколку што реално е
И мене ми кажаа исто, оти мојата и на мајчино млеко кога беше и на АД исти и беа столиците на 5-7 дена. Матичната ми кажа ако не и е тврдо мешето да не превземам ништо.
Иста сум и јас, се што пиша го преживувам и јас... Кај мене е плус фрустрација што бебево ни цуцла ни шише не фаќа, готова сум значи не знам што да направам веќе...
Девојки да ве прашам ни излезе прво запче,дали одма излегува и другото по него или индивидуално е?Прашувам сеуште е нервозна,сака само во раце ќенка по цел ден.
Кога сме кај запчињата, тие што веќе ви извадиле кои ви беа најизразени симптоми? Од пред два три дена почна на сред цицање да ми ја стиска брадавицата со непцата, рацете стегнати во боксови и прави една љута фаца демек сега ќе видиш ти. Бута се живо во уста и многу се лигави. Некогаш цица нервозно, квичи дур цица дури и ако го прекинам и почнам да го чешкам со глодалка се смирува. Плунката не можам да приметам дали е врела, а непцата не ми изгледаат набабрени.
Многу нервозна,се ставаше во уста,лиги премногу и будење на секој два сати со плачење,има и денови кога не сакаше да презаспие одма по два часа седеше будна со плачење.Не и беа набабрени воопшто ниту побелени горе,туку напрет непцата.Имаше 3 дена температура,само незнам дали е од тоа или од вирус,бидејки дома сите бевме болни со температура.
Дали некоја сменила исхрана со ад Хип комбиотик во Аптамил? И како изгледаат грчеви кај бебче? Бебето ми цица и после го дохранувам со Хипп, си кака секој ден, некогаш по два, три пати. Ама некогаш пред да кака се мачи кенка, имаше два, три дена кога плачеше не заспиваше, а кога заспиваше конечно кенкаше и немирно спиеше, се будеше често. Варира некој ден е добар некогаш се мачи кенка особено преку ден. Дали поради грчеви или можеби не му одговара храната? Како да знам… Му давам Биогаја капки инаку.
Мамасити, безбеден е тој Носко за правосмукалка? Со обичен аспиратор за носе ништо не можам да извадам, а ми кркља бебе на едната ноздрава посебно, физиолошки ставам ама нема подобрување, нормално кога не можам да му го извадам секретот. Можеби јас недоволно влечам, ама таква језа ме фаќа кога тоа го правам тоа е чудо.
