9 недели + 2 дена сме, втор скок најверојатно, ама па ни до сега немаше некој ред со спиењето. Од сабајле кога станавме беше будна 4ч, па имаше дремка од 2ч, па 2ч будна, па после ја земав зорле да цица и ја терав да спие и таман ќе задреме се буди, отвара очи, квичи и мрда со нозе. Така бевме 1час и на крај отвори очи и се разбуди со плачење и фаца како исплашена. Значи една дремка од 10мин, 2ч спиеше и 1ч со дремење на града. Нели е тоа малце? А пред да се разбуди маж ми ја покри со едно тенко кебенце и се смири со мрдањето. Си рековме ладно и било, веќе ред не можам да и фатам со топло/ладно, секогаш сум во дилема што да и облечам. Ако верувате денес цело време и менувам алишта. Затоа на крај си седнав и си се изнаплакав. Криво ми беше, дека нејзе ладно и било, а јас така ја држам и и се лутам и ја терам да спие. Ноќеска со средна дебелина ќебенце ја покрив и цело време ја мислев да не и е жешко, а во соба беше 23-24 степени и беше облечена во тенко боди на долги и тенки ѕиврички со ногавички. Што мислите за таа комбинација на таа температура? Не можев да се опуштам со спиењето. Утепана сум ми се спие му се плаче. Исто така кога легнувате навечер и кога станувате наутро?
Во Скопје живееш? Мајка премногу е облечено, за 30 степени. Мојата спие само по боди, не е ни покриена, не сака. Земи шпикозни по кратки и можеш со тетра да ја покриваш. Навечер 8-8и 30 легнуваме, станува 7-8 така тој период. Ние сме 7 месеци, полека воведи и рутина, не мора да се стресираш и паничиш, само опушти се, тежок е втор скок ама поминува, после тоа друго бебе ќе имаш. Викаш го тераш бебето да спие, нема терање, полека со рутина направи му атмосфера и само ќе му дојде, не го стимулирај, нека распознава ден и ноќ, и дневни дремки. Веќе полека ќе почне да ја прифаќа идеален момент ти е за рутина.
Ние сме 4ипол месеци, јас немам намера да давам вода туку си цица почесто. Сите препорак веќе се такви, дека вода се дава кога ќе се почне со цврста храна, во мајчиното млеко и во АДто има доволно вода Ама пак, една познаничка почна да му дава на бебето на 3 месеци (иста возраст се инаку) по една лажичка на неколку дена по препорака на педијатар, да се учело и да се хидрирало сега кога е жешко
Не живеам во Ск, надвор од Мк сум. Овде исто е топло овие денови 30-32 степени ама во собите е 23-24 и не е многу жешко. И ние спиеме по долги пижами плус тенко кебе. Инаку како да воведам рутина ако она не сака. На пр денес ја бањавме накај 7:30/08:00 и во спална и давам да цица и да спие, она отворила очи, 1ч цица и на крај се предаде. А тоа колку ќе спие прашање е? Де малце просветлете ме ептен сум во бунило, не можам некогаш да си поверувам дека ова сум јас. Да не знам да одлучам и да се справам во некои ситуации…
Ама затоа се вика рутина, затоа што се стекнува. Не може од еден ден, секој ден ја правиш истата, ќе и створиш навика. И кај мене не бидна од ден, си треба време, ама верувај делува. Тешко е, сите низ исто поминале, не си сама. Ќе пројде хаосов, само полека и смирено. Опушти се и препушти се на хаосот, ќе видиш како се ќе е поразлично.
И мене 2 педијатри ми рекоа дека можам вода да давам на 2 ипол месеци ама шубе ми е не сум дала гледам сите чекаат додека се почне со храна па тогаш
Па не испрецизираа а и јас не препрашав дека некако во глава си имав ставено дека е рано од сеа да и давам велат се оптеретувале бубрезите
Полека ќе навикне на рутината. Од еднаш, два пати не бидува. Плус мало е твоето ако не се лажам, нема ни медец ипол? Поправи ме ако грешам. Јас од прв ден, почнав рутина и негде еден месец теравме додека да ја ,,научи”. Нема ден да искочам од таа рутина. Трпение само.
9 недела тераме. Незнам што да кажам скроз сум збунета. Што и одговара, што сака, како да и правам ништо незнам. Преку ден ако врзе 2-3ч да спие среќна сум, мислам дека цел ден се обидуваме да заспие. Обично заспива навечер накај 11-12ч иако од 7/8ч веќе ја спремам, а на утро спие до 10ч и преку ден се бориме за спиење… Од толку насочени кон тоа спиење/ думкање заборавам на памперс и цицање. Кога читам дека вашите преку ден имаат 4-5 дремки по 1ч и ноќе пак ви спијат, ми се плачеее.
Мојот кога беше толку мал, спиеше по 30 минути. Жив мртовец бев, немав воопшто време да направам нешто или за себе. Некои бебиња се такви. Ама секој почеток е тежок нормално, сите сме поминале низ ова. Како расте, се се сменува. Само имај трпение, ќе си дојдете до некој ред.
Лејди јас сум на ад, и давам може од месец и недела како направи кога ика, кога чека млеко ќе цицне по два три пати и тргам цуцлата. Некогаш така кога има шлајм во грлото од млекото и се чисти јазичето. Може во денот 30мл и помалку. И чај некогаш правам со грчевите кога е поизразено а почнаа да се намалуваат. Прифаќа и ок е, незнам мајчиното е мн на вода, ова е густо и благо некако и сите доктори ми рекоа за вода да давам.
Давам чајче порано само 30 до 40 мл на ден за да му дадам еспумисан а сега почнав вкупно 100 мл и ги пие ...ако би барала помеѓу вода или чај би дала вода ама ми е страв...
Сите си кажуваат свое мислење и совети како успеале во справување со бебињата посебно тешките први неколку месеци. Јас бев како тебе НИШТО не знаев ама баш... се нешто ќе прочитам ќе научам ќе прашам, посебно за скоковоте абе никако да научам а овде читам цело време се рачуна ама еве совладувам се посигурна сум во тоа што правам во врска со бебето. Прво не се води според никој и ништо, ако прашувај читај ама знај дека секое дете е различно. Многу ти е мало бебето не разбира ништо од еднаш ,два па и пет пати нема да научи ама биди упорна,ако сакаш да воведуваш рутина. Пример мене тоа ми ствараше многу притисок оти не успевав ама си ставив во глава дека потреба сум 24часа на бебе и ќе правам како што сака тоа. Кога спие одмарај и ти со него, занимавај го дур е будно, зборувај, покажувај играчки, звуци, полека пробувај да створиш навика за тебе и него. Период е и ќе помине ќе фатите ред и ќе ти е криво што толку си очајувала, времето лета и уживај ги скроз деновите.
Кои сите доктори ти кажуваат да даваш вода, па и на прематурче? Мајчиното е 87% вода а АД е 85% вода. Како е мајчиното на вода, а АД не е кога го правиш со вода? Вода на бебе од месец апсолутно ниеден совесен педијатар не би препорачал. Икање се смирува со цуцла при хранење со АД и со града при доење. И е апсолутно нормална појава која никако не му причинува болка на бебето. Сите совети се за воведување вода кога ќе се почне со дохрана. Водата многу повеќе хидрира кога е врзана т.е. во случајов со млеката. Гледам со некаква медицинска позадина си ама советиве се поразителни.
