Совети, искуства од мајки за бебиња од 0-6 месеци

Ве читам со спиењево кај моево место поретко да станува тој почна на саат два ноќе да се буди. Кога беше помал не стануваше јас го будев сега ептен често а е и на цицање и на ад. И не престанува да плаче ни со цуцла ни со шетање се додека не јаде. Толку ли брзо да огладнува? Пробав и да му зголемам доза ама почна да не сака да цица. Читам на 3м ви спијат по цели ноќи. каде грешам? Преку ден е активен играме со играчки го шетаме, надвор излегуваме...

Кога не можам да го смирам вака кога плаче и одбива да цица имам грдо чувство дека детето воопшто не е поврзано со мене и срце ми се кине. Може било кој да го чува ќе му даде ад и толку, ни ќе ме побара ни ќе заплаче по мене

 

Јаготче и мојата е 5месеци па во скокови вришти на града нејке да цица па сите овие 5месеци мора да имам залихи во фрижидер за одма да одмрзнам и од шише си пие најнормално. Исто се осеќав и ја првите месеци, ќе се искараме со мм дека само он ќе дпјдеше ќе ја земеше во раце и заспиваше кај него јас како да не и бев мајка - ох колку сум плачела сма постепено сфатив дека е цел ден со мене и се презаситува од истата енергија вероватно а одбивањето на цицање ми го прави константно кога ќе влеземе во нов скок веќе се навикнав еве од вчера 5ти скок, ноќеска пак направи скандали нејќеше да цица а гладна па одмрзнав 140мл и со шише испи се и заспа гушкајте се играјте не е само твоето немој да си правиш дополнителни грижи

 

Ретко бебе преспива ноќ на 3 месеци за тоа не си прави стресови воопшто. Уште е мало бебе и си бараат за цицање. Ми се нема случено во 3ипол месеци да ми преспие ноќ. Ако првото заспивање го врзе 4-5 саати после станува на 2 за да цица и си продолжува. А за тоа дека не е поврзано со тебе само самата јадови си правиш. И јас го оставам да го почуваат, го имам оставено и со измолзено млекце оти сме на цицање најадено средено па пак кога ќе ме види мрда со раце и нозе и почнува да кенка па кога ќе го земам се смирува. Мајкаа си никој не може да те замени. Ничија љубов и топлина не е како твојата без разлика кој ќе му даде да јаде.

 

Кое бебе спие на 3 месеци . Не очекувај дека ќе спие асално пред година, помало ќе ти биде разочарувањето. Ако спие, супер, тоа е бонус. Инаку и моето е на доење и ад, јас па само навечер уште му давам ад затоа што ми протестира за цицање од старт и немам нерви за врескања, а се молзам зошто имам млеко.. Бонус е тоа да може било кој да му даде за јадење, ти да олабавиш или да завршиш некоја обврска. Јас со првото бев така посесивна, затоа до 2 години не мрднав. Ни шише ни бутур не фаќаше. Сега со друго дете кое ми бара внимание, се би дала некој да го успие и да го нахрани ова прцлево, ама 95% сме сами по цели денови и немаааа. Инаку за јадењево, моето е лакомо доста и се смирува со цице или шише, ама не е секогаш гладен. И од грчеви и ако му се спие знае да шмука млеко па после да повраќа до следно хранење. Твоево ваљда ги надраснало грчевите, ама може си бара утеха и близина. А на колку време бара јадење?

 

ако ви е некоја утеха, ние имаме проблем со слабо јадење, многу малце качува пишував и во друга тема, навечер се буди по сто пати цицнува малце и заспива, ем не спиеме секоја ноќ, ем нервози со килажата. секоја недела одиме на мерење и цело време по 100 грама, ни помалце, ни повеќе јас убедена дека имам млеко, пробувам да молзам без проблем вадам 100 и нешто од града, ама се натегаме со педијатаров и почнав еве од оваа недела со ад, да нудам после цицање нејќе ни да проба, ако не и дадам да цица го пие, а она ми рече да нудам после цицање, така нема шанси не погледнува шише, пробав да не и давам да цица само ад, така пие ама по 60 мл не сака повеќе, плука, пишти, клоца, а не сакам да не и давам да цица ми е страв да не сменам млеко па скроз, оваа манекенка ќе биде мојава изгледа, 5.150 беше на последно мерење, три месеци точно, 3.060 се роди