Совети, искуства од мајки за бебиња од 0-6 месеци

И мојата почна да си го држи така околку 3ипол месеци, сега повеќе го држи но понекогаш само така и падне напред можеби е нормално од умор но секако ќе прашам педијатар

 

Еве вака некој пример ми требаше. Моево бебе заспива на спална со цуце и го тапкам по газе, си стануваше по 2-3 пати за цицање и си презаспиваше ама сега со скоков ме ремети со станувањево. Пробував со цуцла ама не бива или ќе ми се расони или ќе се залаже некој пола саат и пак ќе се разбуди и сега го правам истово што и ти, заспивам и он на цицка си е.

 

Се тоа супер ама не функционира тоа во пракса, нудам цуцла и јас го галам го тапкам некогаш ќе презаспие ама ако е решен за цице ништо не помага џабе. Да беше така лесно мажот ми ќе превземеше заспивање, не, мене ме бара, имаме сто пати пробано, некогаш се успива со него ама некогаш. А и мене ми е полесно, со цице презаспива во секунда.

 

Исто е и кај нас, дури почна да одбива да заспие кај мм, само со мене со цице. Пробував и јас нешто со тапкање, нишкање, шшкање и се беше претешко, траеше предолго и јас и малава нервозни и се откажав. Да бидам искрена може не бев ни доволно упорна. Ама вака па заспива за 10 минути и на дремки и навечер, презаспива исто за макс 10 минути и јас не се расонувам па лесно презаспивам и решив да терам вака. Ноќе порано се будеше повеќе пати (3-4 некогаш 5) во претходните скокови, периодов се буди најчесто 2 пати(иако вади ново запче) и мене ми е тоа ок да функционирам вака, 7.5м сме. Ќе видиме понатака како ќе тераме. Никое дете не заспива вечно со цице, кога тогаш ќе смениме, можеби кога ќе разбира и ќе и читам приказни, нема вечно да е бебе.

 

Не е зацврстен тонусот добро, ставај на стомаче колку може додека не почне да плаче. Занимавај, пеј песнички, црно-бели слики итн.

 

Почна ли да се врти од грбче на меше? Тоа е показател дека веќе е цврсто и држи главче. Ако не е прави вежбички да поттикнеш движење. Откако ќе се сврти само на меше ќе сака цел ден така да си игра

 

На мојов прво вртење му беше од меше на грб и тоа ако не го мрзи, а главата веќе во глобала стабилно си ја држи и разгледува, од време на време веќе кога ќе го фати мрза или ќе се измори па си легнува со главата на мене

 

Хаха ох браво, обичное тоа движење покасно иде како второ. Твојот подранил мојта од грб на меше е цел ден а назад не знае уште

 

Ако ми веруваш по цел ден сме на подлога додека не му се здосади оти господинот сака во раце и да си разгледува и по цел ден само го вежбам да се сврти од грб на меше. Ама инатче мајкино нема јас што сакам, туку он. Ама не му се секирам кога ќе биде спремен ќе си се врти он како сака и кога сака

 

Да бе има време до 6месеци читам е тој milestone

 

Бебето ми е 3 месеци. Второ дете ми е. Значи немам 100% време да се посветам на него. Од кога се роди не го држев толку многу. Си спие во креветче за разлика од првото дете. Сега за сега е ок барем тоа. Ама луѓе кога е буден сака да е постојано во раце. И тоа да го шеташ и да го држиш свртен напред да гледа. Во моментот кога го легнувам абе вика се дере одвај пелена мењам. Не сака ни во релаксатор ни на подлога. Неможам до вц да отидам од него. Првото дете не беше такво , си ја легнував на подлога и давам играчки и пијам кафе на раат. Ова ништо не го занима ни играчки,тропалки ни бејби Џим. Се Љути се тегне одма во секунда штом го спуштам. Последниов месец е така. Си викам ајде може скок ќе се оправи ама неее. Не се издржува више почнаа зглобовите на раце да ме болат.
На меше исто не сака. Одма плаче. Чаре незнам дали има ама морам да се пожалам.
И ќе кажат така сум го научила. Напротив баш немав толку време да го држам како дојде до ова незнам. А неможе да не го земеш коа плаче зошто ја крева цела куќа у вис.

 

Ќе си го држиш и мојата си е така на мајка главна да биде само она во центар пажња. Сега на 5месеци се заигрува со тропалки, играчки на подлога до пред еден месец иста беше како твоето

 

Кај мене цуцла воопшто не сака, и кога беше новороденче не фаќаше, сега па ич
Значи морам цице. Само што приметив последниве неколку дена ако не е гладен само го вртам на стеана и ќе го потапкам по газе и ќе си презаспие.
Ако решил да цица ништо не помага освен цице.
Така да што сака тоа. Не форсирам ништо сеуште се малечки за да им диктираме како треба.
Ако не овој скок, следниот пак ќе поремети нешто така да се водам според неговите потреби
Ние спиење после година две

 

Тоа е, све правам со него у раце. Сабајле мачкав палачинка со крем си ја брцна раката у кремот
Уште на шоља што не сум седнала со него.

 

И мојата е иста. Почна некаде од 2ипол месеци да сака нон стоп во раце и свртена напред да разгледува Сега сме 5 месеци уште е иста само некогаш успева да се заигре 15 мин на подлога или во релаксатор. Останато време во раце или цело време ќе кенка. Рацете и грбот ми се за ремонт, 8,5кг е. Се надевам нема да е уште многу време вака

 

Тоа и јас викам уште лесен е ама како расте бетер ќе биде. Се надевам ќе почне да разбира повише па да се занимава малку. Го шетам секој ден надвор по 2,3 саати барем да одморам раце да изморам нозе
Ама сега зимо иде на вакви врнежливи денови што ќе правиме

 

Моево месец ипол е, таков е исто. Земав марама за да го врзам и да го тегнам со мене, ручек нема шанса да направам а имам дете гладно од школо што доаѓа. Вчера ја пробав марамата, накај мене завртен се нечка, а напред завртен сакаше. Барем рацете да ми се слободни.. Тој муабет ти си го научила е дебилен извини вака, толку мало бебе не можеш да го научиш ништо, ни па да го спречиш нешто ако му се прави. Еве го спие 3 саати без престан, ќе ми рече некој разбуди го нема да спие вечер. Аха, тој вришти додека не го презаспијам и не отспие колку му се спие и тоа е. Вчера со мм се расправав за тоа, бебето плачело сакало само кај мене во раце така сум го научила. Па земи ти чувај го одучи го. Свашта

 

Ќе се помириш со тоа дека детето си е такво и ќе тераш. Исто е и моето, дури сега почна да поседува во креветче, релаксатор колку да одам до тоалет и да јадам.

 

Здраво мајки ве молам за помош
Бебето ми е 40 дена сакам да прашам кои актовности ги правите преку ден.
И покажувам црно бели картички и пуштам детски песни да и пејам, ја шетам така низ стан и зборам и ги кажувам самогласките ама уштр слабо испушта звуци само ии некогаш, ја ставам на меше ама слабо не сака мнпгу само така врз мене
И многу ми е проблем шо спие само врз мене не сака ни кревет ни гнездо

 

Се што треба правиш, уште е мало за било што друго. За спиењето на тебе пробај да легнеш бебка до тебе или на рака да ти спие, барем ти одмарај и моето првите 2м само во раце преспиваше ретко на кревет, сега денски дремки на кревет си ги спие. Кратки ама на кревет се.