Совети, искуства од мајки за бебиња од 6-12 месеци

Педијатарката ме советуваше да не давам кравјо млеко како замена за АД до 2 години. После 1 година, може да се понуди кравјо млеко но не како замена за АД, туку како оброк, а до 1 година може да се понуди кравјо млеко но само ако е дел од некој оброк (пр. овесна каша, сутлијаш, итн.).

Читав баш на темава баш заради пристапот до органско млеко кој и јас го имам, но причината поради која не се препорачува не е пред се поради адитивите во млекото од продавница туку затоа што кравјото млеко може да предизвика анемија (ги нема потребните количини железо со кои е збогатено АД). Има едно чудо студии, но еве линк до една: https://pubmed.ncbi.nlm.nih.gov/17664905/

 

Здраво женски,
Дали некој подарува облека за новороденче? Се работи за семејство кое згрижува женско бебе од 15 дена.

 

Од кога може во количка на 60 степени?

 

Јас ја ставив од 6 месеци но на кратки релации.

Мајки да ве прашам. Правев крвна слика на бебе и хемоглобин испадна 103. По препорака од педијатар земав фероглобин но читам дека се дава од година па на горе. Дали некоја има слично искуство ?

 

За фероглобин немам искуство нас ни помогна сидерал со 3 дози и се качи хемоглобинот, супер е сега. Прашај за него или за малтофер капкии тие ги фалат ама ако имаш од бугарија некој да ти ги зема, тука кај нас ги нема. И обавезно витамин ц да даваш.

 

Сакаме да одиме на еден ден на снег до Маврово. Како да изведам за денската дремка да не ѝ се изремети? Научена си е дома во креветчето, одамна не спиела во количка зошто откако премина на 1 дремка веќе знаеме отприлика кога заспива и тоа време темпираме да сме дома..

 

На направите да спие во кола додека одите кон Маврово на пример?

 

Спие од 12:30-13 до 15ч ,пред тоа ако одиме многу рано ќе треба да тргнеме, а после ќе е касно за одење и тоа е проблемот. А во кола не спие Незнам и јас како да изведам поинаку освен во количка да пробам..А има ли таму доле кај стазите некаде кај што ќе можам да возам количка? Одамна не сум била имам заборавено и како изгледа..

 

Поима немам како е не сум била од дете.Едино ви останува ептен рано да тргнете и малку да и одложите спиење па да се вратите накај 15ч накај дома, од премора сигурно ќе заспие.Така е со бебе одеш кратко и на штрек .Или едино никаде да не се оди. Ама воздухот планински и те како ќе и годи и ќе биде кома во колата или количката.Така да уживајте и не му ја многу мисли.

Туку има тема кај дете совети од 12 до 24месеци.

 

Сега гледам дека сум пишала во 6-12 месеци Заглавена сум уште во бебешкиве теми не ми е уште верно дека не е веќе бебе

 

Кога почнуваат да ја кратат втората дремка? Односно да остане на едно спиење? До сега секогаш кога пробував да има едно спиење, ќе станеше во 9 и седеше до 11 ноќе, а ако имаше две пак касно стануваше од втората дремка и исто пред 10 неможе да се успиеме.

Вчера прв пат со едно спиење беше, и во 8 ипол си заспа до 7 ипол сабајле и тоа едно од подобрите ноќи. 11 месеци има точно.

 

Колку што имам читано околу годината веќе преминуваат на една дремка.

 

Помеѓу 12-18 месеци ја кратат едната дремка.Ама секое своја приказна.

 

Моево е чудо на природата....на 1 година ја скрати третата дремка

 

како бе мајка,третата накај 3-4 години може да ја скратат.Зарем не е хиперактивно, раздразливо, да плаче, уморно?

 

не не..3 имаше до годинка, сега има две и тоа јас му ја скратив зошто после навечер не ми спиеше..да беше до него уште три пати ќе спиеше..неубаво можеби се изразив

 

Оууии мама супер така
Моево два месеци скоро има што спие по два пати , и тоа се со зорт заспива незнам што ке се прави
Дури не исплаче еднаш не заспива

 

ах има и плачки и кај нас, ама јас одам на работа и всушност само за викенд и навечер го заспивам...сношти пример го легнувам во 9 тогаш секогаш легнува, џабе...него му се играше...и си се вртевме по кревет до 15 за 10, кога конечно се предаде...други вечери морам да го нишка...трети рика плачи па одвај се заспиваме...зависи од денот...вчера два пати поручекта никако не сакаше да спие, сакаше да се пентери по спалната..одвај со тупкање по газе после пола сат заспавме, едноставно не сака да спие...а ти умираш од нервоза

 

Околу роденденот ја скрати едната дремка, тогаш и проодуваше, ич не спиеше, одвај по 1 саат во денот. Некогаш имаше една некогаш две, не можев ред да ѝ фатам тој период. После 8от скок пак си се врати на две дремки. Сега е 15 месеци и веќе 2 недели како има една долга дремка.

 

@Ava.84 @kostovaivana @Lovebug01 Мислам дека ќе потрае кратењето на дремкава, не очекувам со еден ден вчера да почне по еднаш да спие. Но ќе биде журка, баш ред неможе да и се фати, кога еднаш кога два пати. Верувам дека кога ќе се стабилизира и само еднаш спие на ден, многу полесно ќе ни биде. И она сега се пушта оди сама, 300 на саат е. И пак тешко се успива некогаш. Ама вчерашниот ден и ноќ убаво ме почастила со мирно спиење, да го запамтам, којзнае кога пак ќе се повтори.