Совети, искуства од мајки за бебиња од 6-12 месеци

Исто, цело време објаснувам и зборувам и упорно таму оди дека не треба и се смее. И ако го кренам или поместам па тоа е плачење, лутење ауу. И само демне ко некој мачор и а види шанса и одма таму дека не смее.

 

Се надевам дека е период и дека нема да ми е такво детето. На секое мое не или со потсмев го прави тоа пак или плаче, многу ме иритира ова

 

Jaс големото го оставав да направи нешто што не е до толку опасно, пример да се штипне или да се боцне на нешто, да допре, да се полие со вода, да се чукне некаде кај што е безбедно нормално, во граници на нормала се. Не сеа да е опасно по живот, ама да допре давав. Еве малово не разбира од не сеуште, 8ипол месеци е и исто, го оставам. Сака да стои, стои, ќе падне, само пазам на главата, да не ја акне од нешто, сака да чепка штекер, ги затворив сите и нека чепка, колку поише го сопирам толку поише он чепка, така да нека му пројде меракот дома на затворено. Имам кренато опасни работи, тв наназад однесен да не го преврти, масата ќе летне кај и да е, ќе му направам безбедна зона и толку. Не сакам воопшто да му бидам роб на домот, ако скрши, ако растури, ако исфлека, оставам. Не му давам сега ножеви да си игра, стакло да се сече, ама безбедни работи фаќа. Така со телефонот, дека со сестра ми се гледаа на Вибер и сакаше да го држи и да се гледа, да го бацува екранот дека така правеа со сестра ми и сега сака, му го давам 3мин му пуштам камера, ќе се види и ќе му помине меракот ќе го џитне на страна, извадив старо даљинско, го поминав со алкохол и му го дадов (во Италија имало некоја онлајн шопинг страна имало глодалки даљинска), 1 ден иму помина меракот, на брат му џенга коцките, му дадовме 2 му пројде меракот бато продолжи да си игра... Со се така правам. Големото сакаше да ги допре кактусите, му дадов, се боцна и поише ниедно цвеќе не допре.

 

Епа тоа е проблемот он ги глеа другите врсници негови и само се збори колкави се они колкав е нашиот, на ништо не личел 7 кила на 8 ипол месеци, кај 4 доктори отидовме и сите кажаа дека такво е детето ама он е упорен дека нее океј. Го разбирам од една страна се секира премногу се грижи ама и преку глава ми е се едно истиот муабет секој ден, што е со детево, што да се праи со детево и само се вртиме у круг...

Иначе @AngelOfArh тоа за имунитет ни го дадоа пошо два месеци не можеме да се опраиме од шлајм и нонстоп сме со инхалации, сега па бактерија у грло искочи пиеме антибиотик и реши докторката малку да го поткрепи за да се средиме веќе еднаш...

Фала мајки на утеха и на советите, ќе пробувам упорно нема откажување се надевам ќе почне да јаде кога тогаш...

 

И маж ми преговара, дај му шише па дај му шише, што вака... Му даваме сега по малку мајчино кога не сум дома, цица нон стоп, ама што фајде од тоа, пак не јаде.

 

Давам и јас многу. Опасните работи ми се заштитени најголем дел. Ете пример кога ја полнам машината за садови сака и тој, му ставам канчиња пластични чинии напред се занимава, се пласка во водата на вратичката што е па со мокри раце на кујна лом ја прави, не бранам тоа. Во перална стално се брка кога делам алишта за перење. Ама ете на пример наголем проблем ми е дрвото. Стално е таму, го кине и се брка во земјата, значи буквално пола земја ја вади надвор. Ова многу ме нервира и се трудам да го одвикнам. Нема каде да го тргнам изгледа ќе морам да го фрлам, нема друго, уште се надевам дека ќе му помине меракот. Конкретно за овој проблем ми беше прашањето, друго и реално нема што опасно да прави се ми е заштитено или тргнато на страна од него. За стоење го оставам оди по маса кревети, досега само еднаш се удри најчесто знае внимателно сам да си седне и не паѓа. Ова се додека не научи да ги отвара заштитниците на вратичките, е тогаш ќе има циркузи
Пример и за кога сме на гости сакам да сфати кога е не е не. Воопшто не сакам деца кој без осет отвараат се живо и прават лом, а мајки си кулират. Сакам да поставам граници и да знае што смее што не смее. Мислам ова од дома се почнува, шо знам.

 

Јас сум дома уште месец дена па и тоа ми е утеха, имам уште малку време да пробувам, после не знам како ќе биде.. Шише не сака и не сака, само у спиење ако му подметнам и вода чат пат..

 

Не гледам толку мало дете како ќе научиш на не, јас одам по него и ме караат, остај го што ќе направи, ама пак одам. Синко голем не правеше ништо ова, он на старост што се вика почна да бара сам и да фаќа, оди разбери.

 

Кажи му врсниците се напредни, нашето е таман
Реално, мажите знаат да бидат бетер од нас. Со паниките мојов не можам да го поднесам веќе. Надвор од темата, ме буди пред некој ден "ДЕТЕВО ГОРИ". Јас цела паника, не знам кај се наоѓам. Детево 37.5° имаше.

Назад на темата, пак ќе кажам. Најбитно е да е здраво, енергично. Да има добра кс. Не можат сите да јадат и да бидат дебели. Генетика, исто.
Јас сум 45кг, маж ми е околу 60. И да очекувам дека детево 15 ќе биде на година? Епа нема да биде. Мене ребрата ми се броеле од раѓање.

За вода, нуди од чаша директно. Мала за ракија. Ако не сака шише, не мора. Ќе се научи од друго

 

И јас сум за тоа да го оставаш. Гледам кога не сум до него сам се снаоѓа и е многу повнимателен да не се удри, а ме види до него знае ќе го фатам и буквално се фрла со глава. Мм е пак таков се по него. И внук ми не правеше ништо од ова. Кога го гледам мојот се мислам што чудо ќе беше се нешто да изведува. Ама некако се му е игра, може со дрвена лажица пола саат да се заигра, среќа и не ме бара кога е заигран

 

И мене ми се свиѓа твојот став, и штекери се заштитени и цвеќиња се тргнати ама креативни се бебушите и ќе најдат нешто што не треба да чепкаат и јас пробувам да го научам што значи не

 

Пробај од обична чашка за вода или оние што се некапечки, може интересно ќе му биде сам да си ја држи и ќе пие вода

 

Да да, му давам де од шишенце де од чашка, пробувам да поднетнам на секој начин кога како ќе сака

 

Шише со цевка пробај, тие и се омилени на бебе и со нив почна да пие вода, инаку ич не пиеше. Јас имам од бејбилав и од авент, бејбилав се подобри, не капат воопшто, може да го шета низ дома слободно

 

Тоа ми е следно за купување никако да тркнам до дм, се надевам викендот ќе земам па ќе пробаме и со такво

 

Мојата е 8кг скоро 11 месеци.
Немаме проблем со јадењето.кс добра. Бевме и ние на лекар. Едноставно такво е детето.

 

Мајки може помош? На одмор сме прв ден а на бебе му се растече нос, се затна. Кажете што може да користам и како да чистам нос? Што да купам од грција, бидејќи носко за на правосмукалка не го носам. Што да прскам во нос? Како би можела да спречам да не се разболе? Да напоменам не ја бањавме, ова може да има прифатено од некој..

 

Добро утро мајки.
Малата ми почнува во градинка и ќе биде 9 месеци. Може ли нешто да и дадам, некој витамин или пробиотик као превентива од настинки? Всушност да ја ојачам, знам дека сигурно ќе дојде време да закачи нешто .
Во Скопје сум, дојдовме на одмор па можам да најдам низ нашиве аптеки.

 

Побарај синомарин. За разлика од сите други спрејчиња на база на морска вода, синомаринот одзатнува, не е само за промивање. Ако има вирус, не можеш за жал да спречиш, се надевам на затнато носе ќе остане. Ако немаш, набави и нешто за температура и електролити за секој случај.

Јас давам Бебивит капки, педијатар ми потврди дека се добар избор. Ми рече и да прскам спрејче солена вода во носе за прочистување, пред градинка и после градинка.

 

Ништо. Остави го организмот сам да гради имунитет. За жал не можеш да спречиш да се разболе. Ние идеме 7 месеци во градинка, 3 пати фати стрептокока, уште неколку пати некој вирус, цело време сме затнати и кашламе па матичната ми рече ништо да не давам, никакви сирупи или суплементи со бетаглукани или витамин ц. Јас му прскам само спрејче со диво оригано во носето, ама мали сте за тоа, од годинка се дава. Само Омега 3 ( јас давам Молерс) и Д3 капки. Толку. Со лесно