Совети, искуства од мајки за бебиња од 6-12 месеци

Овој скок во комбинација со регресијава ми ја е*аа мајката.
Детето понерасположено, поненаспиено и ненајадено не било до сега никогаш.
Да не беше ваков и предходните денови ќе речев од падот е, ама ете цела недела, ма и повеќе ниту спие, ниту јаде , ни пак нешто му е погодено.
Кој и да го земе оно се бута во мене, ќе земам пелена да сменам ќе ме тегне по блуза ќе се качува, успивање со саати…и пред ова успивањето беше тешко, ама барем ќе цицаше и ќе запиеше, сега…аууу. Само штом ќе завлече, ќе скокне и ќе почне да игра, за 10мин пак ќе му текне дека многу му се спие и пак успивање 1 саат и пак ќе завлече и пак штрекнување и така едно 3-4 саата.
ПРЕКАПАНИ сме со мм. А ќе го однесам кај свекори и кога не ме гледа многу е весел, ми велат оти викаш дека плаче,види го што е арен

Маж ми сега буквално на пижами замотан во ќебе го изнесе на улица оти стварно веќе не знаевме што да му правиме.

Него кажете ми вашите се будат некогаш тресеејќи се од сон како преплашени? Моево ете има 2 недели сигурно, ќе спие цврсто и наеднаш ќе срипа со липање и зајдување, се тресе целиот и не можам да го смирам, исплашен е се гледа, кошмари се?

 

У исто време сме пишалемиста работа,ж и мојов е 8++. Исто.

 

И мојот е 8 месеци исто се случува,во 6ти скок на развој се ,а и кај нас му излегуваат 3 двојки забчиња.Да пробаш да спие до вас,да ве осеќа близу ,мојот спиеше до кај 4ти месец во креветче,кога почна да се буди мн често го ставам да спие со мене на спална.

 

Од 8 и 30 е на цицка се успиваме,тек дури сега заспа стршно нешто,втор пат во една недела ми прави вака,мислам дека вади двојки долни ја мачат.
Со тресење не,ама да стане и да плаче да не можеме да ја смириме да.
Незнам до што е,ама веќе при крај сум со да припаднам,не можам повеќе.

 

Зошто одма антибиотик и инекции?

 

И ние исто со будењето…таква паника има на лице кога ќе се разбуди, језа да те фати. Прееска една дремка истера на мене легнат, се разбуди и веднаш почна да вришти, најверојатно се кошмари ама луѓе какви кошмари може да има бебе бе, за толку многу да се плашат.

 

6 ти скок мама. До збор исто поминавме може и полошо, ни се погоди 4 заби да извади за една недела баш во скокот. Да те утешам, како помина скокот, бебе се смени стана бајче, успивањето ни се нормализира и навечер си спие со будења само за цицање, без тие акробации.

 

Многу омалакса мораа да превземат нешто

 

Ама тоа не се решава со антибиотик... Башка вирус е, зошто антибиотик? Можеле со обична инфузија да го кренат.

 

Какви инјекции, дали се нормални? Така ли се решава болест. Страшно какви лекари има.
Мајка, не паничи за температура толку, назад ти е зимата извини вака.

 

Не сум доктор ама лаички мислам дека денес џабе крвна слика ќе правите ако веќе е на инекции и антибиотик. Ова чисто како инфо да го имаш. Бебка беше така со температура и малаксана 3 дена. Освен ефералган кога ќе качеше над 38.5 и витамин ц капки ништо не давав. Крвна слика направивме одма и покажа вирус. Јас сум паничар генерално кога е настината, болна или со температура, мислам веројатно сите сме. Ама верувај сега градат имунитет. Не сум против антибиотик кога мора и треба, ама ако сега за температура даваме антибиотик и инекции, не дај боже понатака што ќе правиме. Зошто допрва не чека тешкото со вируси и разболувања. Не ме сфаќај погрешно ова најдобронамерно го пишувам.

 

Омалакса и моето кога качи. Кој не омалаксува од температура? Ти си одлучуваш, ама вирус не се лечи со инекции и антибиотици. Ако на секој вирус во иднина одма тоа се дава како ќе се избори организмот и како ќе створи имунитет?

 

Кај нас речиси секој дава. Јас асален лекар не можам да најдам, изгледа им е најлесно така. За антибиотик може да се побара друго мислење, но инјекции што шибаат веднаш немам коментар.

 

Не сум доктор. Ниту знам што последици има ако не се превземе нешто. Омалаксува секој ама не се губи поглед. И ради состојбата што ја има на главчето,знаеш ти за тоа, мораа така да реагираат. И оставив да дадат зошто тие знаат подобро од мене. И плус почна да кашла

 

Точно, ама треба и сами да се информираме.

Знам мама, сигурно се плашиш. Ама пробај да си поопуштена. Така реагираат сите деца кога не им е добро. Омалаксани се и отсутни, тоа не значи дека одма мора инекции и антибиотик. Најлесно е да се дадат, ама не секогаш има реална потреба. Барај си второ па и трето мислење ако треба. Мора организмот и сам да се бори. Никој од нас не е доктор, ама информациите што е ок, а што не е барем на денешно време ни се достапни.

 

Можеби во страв постапувам погрешно, стварно не знам. Ама тешко е да се опушти човек. Битно оди на подобро, не ми крена температура цела ноќ, ама се будеше на секој саат и бараше да ми спие на гради и да ми беше пикнат во врат со главчето. Прв пат видов кај мало дете подочници оваа утро. За следен пат се надевам нема да е во брзо време ќе гледам да не биде одма инекции. Не беше нашиот педијатар, а кога се работи за не твој пациент се по притресни од што не му ја знае целокупната историја. Како и да е да не се повтори во брзо

 

Да помине побрзо.

 

Ве читам ве има доста што ви се разболеле децата и бидете среќни што температурата траела ден-два.
Некое подмукло вирусиште е актуелно, моево не може да се опорави, три дена со висока температура над 39, по температурата кашлица што од ден за ден се влошува. Една мрвка месо кашла толку лошо и толку силно што стасавме и до инекции, после денови и денови маки.
Апетит никаков, цицање 24/7, да не е цицањево јас не знам што ќе го држеше бебево.
Нешто ми кажува дека ќе чекам нова година на детско, ама само нека помине веќе еднаш, се преполови детето, а и онака не беше завидно со килажа.
Да заврши ова, да се преродиме и бебе и јас и маж.

@Ceneva со помин нека и со лесно да минете.

 

Со лесно Дејзи. И ја се тресев ептен. Крвна слика викаше вирус, 3 дена температура имаше, мерев со бесконтактен баш и тука пишував не ни знам веќе колку точно имаше ама одеше и до 39. На 4ти ден прекина температура и се расположи ама исто почна да кашла суво. Среќа 2 дена траеше тоа и сега добра е. Утре сме на контрола ќе видиме што ќе кажат, ама апетитот исто намален, исто давење од храна и исто и со килажата. Ум немам веќе недела и кусур. Нека му поминува побргу само

 

Со помин и на вас мила. Моето добро реагираше на инекциите. Крвната слика покажа дека не направивме грешка што се даде таква терапија. Малку кашла ама утре сме на контрола кај неговата докторка па ќе видиме дали ќе даде некое сирупче за тоа. Кај нас излезе комбинација со овој луд вирус што одма на грло удара и запче излегување. И комбото е лудило.