Совети, искуства од мајки за бебиња од 6-12 месеци

Околу устата и на телото не му избија брунчиња. Само на газето се вцрви. Од овие што ги наброи праска и малина јаде, јаготки немам дадено, чекам да излезат убави. Од цитруси јаде мандарини, а планирам да му дадам и портокал и цитрон.

 

Јас им давав јаболки, банани, праски, сливи и кајсии. Немаа проблем. На поголемиот му помагаа за да се искака. Со него имав проблем. Со другите овошки не ми се брзаше. Немаат алергија од овошје. Ама слабо го јадат. Јајце после година им давав, ама не го обожаваат. Малото од старт не ја сакаше жолчката.

За црвенилото пробај со масло од кантарион.

 

Моето 10 ипол месеци има. Така некако спонтано дојде порано да ги воведам алергените. Јаде скоро се, цело јајце, млечни производи, поголем дел од зеленчуците и овошјата, риба. Само со авокадо имаше проблем и реакција со повраќање и со млечните производи неколку пати имаше ситни брунченца околу усте, ама ја надмина и сега си јаде и тоа. Важно е да се има некој баланс и да каснуваат од се по нешто, ретко и кој од нас возрасните јадеме баш се.

 

Треба да се проба нешто. Јас се плашев од шумското овошје најмногу затоа што слушав негативни искуства. А и не се љубители. Освен јаготки ништо друго не сакаат. Сега се поголеми па тераат некој инает. Кога и да им дадев праска, слива или кајсија, за пола саат завршуваа работа.

Млечни производи не јадат. Големиот знае понекогаш кашкавал да касне. Како помали ги лажев, ама сега оди излажи ги.

Помалиот има црвенило од џемпери. Затоа не ги носи. Кога и да облечеше, обавезно црвенило на вратот. Па и ситни точки.

 

Во Белина го има. Па добар му се погоди и две години го купувам, од него нема алергија. Биосолис е многу убав крем, убаво се размачкува, но на моево алергија му се направи на сонце. Осетлива има кожа, бел е многу и терам со Левраната како проверен крем за него, не ми се ризикува со други да експериментирам.
И од Еко козметикс сум задоволна, многу добро се размачкува и не е големо пакувањето. Тој го користев и Веледа кога беше бебе, само Веледа доста е тешка за мачкање и тубата е доста голема. Oвој мислам дека беше, планирам и за малата да го земам. Во Логона на Рекорд го купив.

И на Алверде имаше еден го фалеа доста, но немам искуство. Нели, океј козметика е со пристојни цени.

 

Не е алергија Бела.
Поради киселоста на кивите е.
Често може да се направи и од мандарини, портокал и др. цитрусни.

 

Кивите се прилично зезнати, мене знае да ме пецка на јазик, а да не зборам кога е блендирано колку не ми е пријатно да го пијам во смути.

 

Да и јас мислам дека не е алергија, реакција е од што се киселки. И мене исто во смути ми пречи зошто се сомелуваат и семките и го менуваат цел вкус. Одамна не ставам.

 

Исто. Само сецкани ги јадам.
Почекај некое време, не му давај, па понатаму пробај пак да му дадеш.

 

Дали бебето може да се бања еден ден после вакцина?

 

Јас сум го бањала

 

И во ист ден сум барала..шо има врска. Секако одма се затвара местото кај што е боцнато. Ако се осеќа бебе ок зошто да не.

 

И истиот ден го бањав

 

@Bella_Stella На муабетот за мавање со нозе, еве ја почна сега и мојата. Лежи на грб, држи играчка во раце и треска со сета сила на под, писка и се смее

 

Исто и мојата веќе некое време прави така
А од сношти почна и да шлапка со рачињата Јас често и правам така за Браво ама нормално таа без поента прави Само не сум сигурна дали мавта за Чао, ќе видам деновиве. Гледам тие milestones во исто време се случуваат обично.

 

Мене ми е најинтересно мавтањето чао во сон или полузаспан
Се вежба дечкото во три сабајле чао да прави.

 

Бебковциве како растат се пофасцинантни се.
Многу ми е интересен развојот, па кога сфаќаш дека разбира зборови, команди.

Прв пат кога реков - не, или - дојди и ме послуша мислев којзнае какво достигнување ми се случи
Да е жива и здрава, многу е темпераментна, на крај на ден ем сум ко издишана од умор, ем душава ми е полна.
Феноменот на бидување мајка

 

Поима немам. Првиот пат кога прашав ме изигнорира, па не се правело на толку мали деца. Да видам што ќе каже утре кожен.
Денска се јавив на педијатар да кажам дека и после два месеци и после 10 различни креми и кортикокрема, одма се вратија, не ми ни беше понудена опција да ја види туку директно ми рече да барам кожен и да кажам дека е итно. А предходно два пати преку слика лечеше. Значи не стигнав ни да продискутирам за тоа. На систематски рече само пробајте и јогурт да и дадете.
Искрено и подобро да идеме на кожен, оти викенд фаќа што ќе и правам ако избие.
Јас сумјам дека е од наследен фактор нешто, оти сум со чуствителна кожа, а и нешто сега имунитет од заби што вади. Ама и сомнеж ми останува млечниот протеин што не се дијагностицира.
Да пркнат малку, се ќе нараснат, само трпение ни треба.

 

Абе убаво е да знаеш, верувај во се има млеко во некоја форма. И купечки кашички скоро 80% со млеко/кашкавал/павлака.
Кажи дека си дала јогурт и почнал со пролив и повраќање, не знам за кај вас ама кај нас треба некогаш да се претера со симптом за да те викнат на преглед. И нас не ни даваа тест до 6 месеци, после 6 беше тестирањето.

За егземата немам искуство, кај нас сите симптоми беа на дигестивен тракт, пролив, повраќање, тегоби.

 

Исто треба малку да подрамиш за да ти обрнат внимание. Она не била на преглед до сега освен на итна што завршивме еднаш. Освен систематски нормално. Ама не секој месец туку еднаш на два -три. Се е преку телефон и слики. Тоа и подобро оти сега нели сезоната на вируси, а со намален имунитет е. Ама генерално првиот пат кога ми поврати во млаз и со крвави конци, ми се јави и рече само штом не е ќечап црвено, не страшно. Тоа меше издувано, издувано, сега кога гледам слики, уште ми се плаче. Па какање по два пати по јадење. Нормално било.
Повраќање нормално било, желудник отворен им бил.
Конкретно за млекото, па и за егземите, да се држи под контрола оти и онака се огромни шанси да се надрасне. И толку.

Уште ова само ќе те замолам да ми кажеш. Правете општ тест за алергија или конкретен за млечен? Може и на приватно ќе си платиме во некоја лабораторија, ако се нафатат.