Совети, искуства од мајки за бебиња од 6-12 месеци

И јас сум од тие што едвај чекаат проодување од проста причина што надвор во паркче или на лулашки со непроодено дете имам мал избор на работи за правење. 14м има ќерка ми и по дома си се движи по мебел, па ќе полази па пак ќе се крене ќе оди со држење и секако сака истото и надвор да го прави а не можам да ја оставам да лази во паркчињана со секакви ѓубриња, стакла и слично. И не сака никакво паткање и држење за раче така да ограничени сме само да се лула, да постелам нешто и да седиме доле или да се возиме со количка а искрено сакам да ја оставам повеќе да истражува. Дали ќе ми е потешко или полесно не знам ама си викам барем повеќе опции ќе имаме

 

Годинка правиме неделава, исти принцип. Надвор очекува да лази или да оди со држење по објекти како дома. Во раце веќе скоро и да нејќе. Моментално ни е хит да ја однесам на игралиште и да ги гледа децата како играат и се лулаат. Премногуууу им се радува. Одвај чекам да трчка со нив. Откако почна да стои и да движи по мебел и мене ми е полесно дома … претходно беше тешко ептен. Е сега кога ќе се пушти сама ќе видиме ќе биде брканица

 

Исти сме еве неколку месеци и мене ми е далеку полесно откако почна да се крева и да оди по мебел иако сите викаа ќе мора по неа да одам да ја пазам. Многу е стабилна од сам старт и си пази каде оди, ептен некоја беља да не направи да ми буричка во земјата од цвеќињата или да го кубе кучето за тоа ја пазам а за другото ја оставам сама низ дома си тера си се заигрува само да сум јас во близина да ме гледа

 

Шала на страна, јас едвај чекам да почне да се крева бебево, барем од аспект на тоа што доле све ми собира ми фаќа, пика во уста, главата ја мава полесно ќе биде. Кога ќе прооди исто е од една страна полесно, барем поголемиот син ми беше многу стабилен од старт и немав мака со одење по него, пазење и паѓање. Сега ќе видиме овој како ќе биде, он сите мајлстоуни до сега пред брат му ги прави, ама блесав е, не пази. Смешно е бебе да пази да очекувам, ама не мора да е толку смотан . Како и да е, сите овие фази се многу кратки, па не се нешто посебно впечатливи. Е после кога ќе заоди значи имаме на пат тодлерче и тука веќе почнуваат други "проблеми", не ги боли ништо физички мајките, нервите треба да си ги наоружаме .

 

Ме фати смеа за ова со кучето. Ние имаме маче. Мојава е мала 6 месеци ама многу му се радува а тој ја закача и се врти тука околу неа цело време и и седнува пред нос. Пред некој ден како го фати за опашка, па не го пушта го оскуба цел, едвај рацете од влакна и ги измив. Еве го Маци сега од подалеку ја гледа

 

Сакав да ве замолам дали ќе може да ми пишете мала чек листа што ми треба за на одмор за бебка.
Вчера прв пат прочитав за облека за бањање со спф фактор и си реков стварно сум многу неинформирана.
Отприлика што би ми требало најмногу.

 

Хаха се навикна веќе кучево мое со месеци е тормозена Знае да си се тргне на страна ако многу и досаѓа малава ама и тоа и е џабе некогаш одма оди по неа и се радува

 

Во ред тогаш чекам да ослабам барем дај шта даш

 

Јас може сум старомодна ама тие комплетите со долги ракави со спф срце не ми дава на жештинана во грчка да ја изнаоблечам. Еве сега во Грчка мачкам уријаж бејби 50спф во нормални купачи е, супер и е кожичката. Хидрирам со лосион за тело секоја вечер по туширање. Од 12ипол до 5 е во апартман другото време е цело време надвор и на плажа. Го гледам мн мајки ги користат не викам не треба ама жешко бре во тоа како седат, моето е склет. Под дебел чадор и во ок време мислам дека ќе тераме со нормални купачи… премногу е топло со долги ракави на сонце и доле и горе во Грчка бар за мој стандард и ја сум склет ептен

 

И мојава нема да сака во тие гарант. Ми се поти скоро гола само на боди по кратки ја држам цело време и тоа сега уште не е ни толку топло не па во август.

 

Сакам да прашам, како се одвикнувавте од ноќно млеко? Вчера баш на Инста кај Dr. Goodnight прочитав нешто во смисла дека ако на секое будење презаспиваме бебе со хранење, тоа учи дека тоа е единствениот начин да презаспие. И малце ме замисли, дека уствари ноќе ние баш тоа го правиме... Читав денес дека после 6ти месец бебињата би требало да се спремни да исфрлат ноќно хранење, нели пак тоа зависи и од бебе и бебе. Ама почнувам да мислам дека повеќе ко од навика се буди. Пробав еве сега место да дадам млеко, да го нишкам, да му шушкам и да понудам цуцле, ама неуспешно беше. Валјда не може наеднаш, треба да почнам да намалувам полека количина на млеко што ја давам за презаспивање, за да почне дење да јаде повеќе? Ама што па ако почне уште почесто да се буди? Или да почекам кога ќе почне да јаде повеќе немлечна храма сам да си 'каже' кога ќе е спремен да врзува повеќе сон?
Научен е и кроз ден пие по помала количина ама поначесто си бара. И да му дадам повеќе, го турка шишето со рачето, не сака...
Инаку е на мајчино, измолзено, ако тоа прави некоја разлика. Се буди 3-4 пати секоја ноќ (под ноќ рачунам од 8 навечер до 8 наутро, зависи кога ќе заспие) ама 3-4 будења има секоја ноќ, некогаш и повеќе. Некогаш ептен малце ќе испие од млекото и ќе презаспие. А некогаш 80-100мл си пие. Досега ич не помислив дека треба да почнам да намалувам ноќно млеко, а не е мал, 7 месеци е...

 

Јас веќе не читам апсолутно ништо затоа што децата не се исти и не прават се во исто време. Читајќи што се треба бебе да прави крос месеците, таква анксиозност си добив што почнаа и панични напади да ме фаќаат. Не се замарај што треба. Вика прати прозори на будност гледај да не ги надминеш, успивај дете на 2, 2 ипол саати, важи нема проблем. Неа кога и се спие почнува да кенка ја земам во раце и во секундата заспива, а кога е расположена, ма каков прозор на будност, она решила дека нема да спие 4 саати и нема шанси да ја заспиеш. Легни ја плаче, земи ја во раце гуга, легни ја на подлога си игра. Еве мојата е 6 месеци. Има ноќи не бара да јаде и со мм сме под стрес дека дете не јадело многу саати, а има и ноќи претпоставувам кога е во некој скок (ни тие не ги пратам веќе) бара да јаде на 2 саати. Кога ќе почне да плаче навечер нишкај, шушкај колку сакаш додека не добие млекце плаче до заоѓање.
Нас и педијатар ни вика не и давајте ноќе да јаде требало да научи дека ноќ е за спиење. Епа не сака да спие, сака да јаде и плаче до моментот кога ќе добие шише. Ќе го испие цело и заспива за секунда.
Така да прати си го детето, давај му што бара, каков доктор Гуднајт. Добри пари прават само со тоа програмите, а верувај дека не одговараат кај сите деца.

 

Па не спие иначе 4 саати зашто е преморено и престимулирано. Кога се во скокови често се престимулираат, иначе е премногу за бебе да не спие на таа возраст по толку саати. Твоето е 6 месеци, и до 6 месеци има потреба од млеко навечер. После 6 месеци немаат потреба, повеќе се будат од навика.
@Eho се што си прочитала кај др.Гуднајт е точно, јас на мојата после 6 месеци и ги скратив ноќните подои, со цуцла се презаспивавме. После прекина и да се буди навечер. Почнува и до цврста храна веќе после 6 месеци и полека и нема потреба да пие млеко ноќе. И да, лоша навика е да ги учиме да презаспиваат со цице или млеко, зашто тешко се искоренува. Но ако тебе ти е лесно така, прави така.

 

Извини ама не се согласувам. Доволно време пратев прозори на будност и едноставно кога не сака, не сака да заспие. Не мислам дека треба да тресам дете со сила само затоа што некој кажал дека треба да спие на 2, 2 ипол или колку и да се саати за возраста, па дури и да станува збор за доктор. Децата не се шишиња. Не се сите исти и сите нема да го прават истото само затоа што некој кажал дека така треба.

 

Точно е дека секое дете не е исто, ама сакала или не сакала да прифатиш, детето е престимулирано, од тоа не спие. Не зашто сака да седи будно на 4 месеци по 4 саати.

 

Не, не. Моето бебе додека да наполни 6 месеци спиеше на саатипол како по книга. Како направи 6 едноставно се сменија многу работи. На пример заспиваше во 7 сега сама си премести спиење и заспива во 9. Престимулирано бебе плаче, мојата е едноставно расположена и сака да си игра, не плаче. Плаче кога ќе ја земам во раце и ќе почнам да ја нишкам. Моментот кога почнува да и се спие почнува да кенка ја земам во раце и заспива за секунда. Затоа викам не се сите исти. Некогаш не сака да презаспие уште еднаш пред ноќно спиење, расположена е и не можам да ја успијам никако. Излегуваме ја шетаме со надеж да заспие и нејќе. Кога ќе и дојде моментот заспива одма.
Ова ми се случува само со последната дремка пред спиење. Преку ден спие на 2, 2ипол саати.

 

Па на 6 месеци е нормално да е поголем прозорот на будност. И обично последниот е најголем. Од 6-8 месеци обично и префрлаат од 3 на две дремки, со тоа и автоматски зголемуваат прозор на будност. Иначе престимулирано не значи дека ќе плаче, некогаш и вака ќе си игра до бесвест.

 

Годинка е за некој ден, секое презаспивање е со цице… пробував плаче се нервира и тоа е. Јас решив дека нема да и правам стреови дека тоа и треба во моментот и тоа е тоа. Дали е гладна, апсолутно не е … ама со сигурност тврдам дека и треба близината и цицето за комфорт да презаспие навечер. Се буди на 2ипол-3часа и тоа е се помирив - ниедна вечер немам преспиено ни она ни јас цела година. До 10месеци и се нишкавме при секое станување … тоа е тоа. Јас цврсто решив дека нема да и правам тенинзи за спиење и да и пореметувам природни барања, бебе е .. ете годинка за некој ден, уште колку ќе биде ова? Ете нека биде уште 3-6-9месеци - нема да е вечно. Јас решив дека трњба да сум тука за неа кога и треба утеха, ни гуднајт ни св гуднајт не ми се репер - нека си тера гуднајт со методите дома или тој што сака не викам не, јас мое дете решив да го гушкам и да му бидам утеха секогаш кога ќе се разбуди со плачење

 

Јас и земав со раквчиња до под лакти дводелно, само горното и го облекував, непрактично скрос, па и цело го измачка со храна од кашика, не излегува со ништо дамката. Цело време по памперс беше, носев и од гаќичките за во вода, па и тие толку непрактични, ако се искака оди соблечи ги. Иначе премногу брзо ги фаќа сонце, премногу внимававме и цело време мачкавме заштитен фактор, во мај бевме, можам да замислам како е јуни, јули, август.

 

7ми скок. Ова е некое друго бебе не е моетоМногууу многу немирна и не знае што сака. Не дека била којзнсе колку мирно бебе ама ова е страшно. Се осеќам пак ко да е во втор скок