Совети, искуства од мајки за бебиња од 6-12 месеци

Мајки од кога почнавте да им давате на малите вода од чешма непровриена

 

Јас уште немам дадено, а не ми е во план скоро да дадам.

 

Колку месеци сте вие и јас не планирМ да дадам но ме интересираше само

 

За некој ден 11 месеци.

 

И ние за три дена правиме 11 месеци

 

Од 4 месеци кога почнав со дохрана и давам и вода од чешма. Не дека пие поише од неколку капки, само си игра со цуцлата, ама ја нудам. Проблеми немала.

 

Моево мече уште не се превртува скроз, неможи уште газето му тежи ако е легнат на грб врти во круг и само странично се врти, се поткрева со газето и нагоре оди, на меше не сака ич да лежи плачи и не го форсирам, иначе сам седи стабилно, се навалува напред и се исправа, малку и во дубак го ставам по 5 мин, па почнува да се движи сега и многу му е интересно, ќефој е му се чини дека сам оди, тоа за сега. Денес ставивме вакцина и така си поплакуваше напати, нема ТТ фала Богу
За јадење јади се, повеќе сака зеленчук од овошје и си цица, тоа за сега, одвај сум го заспала вечерва, од 9 до сега се заспивавме

 

Мислев да почнам да собирам млеко за кога ќе тргнам на работа, ама не можам да измолзам. Не е прв пат, и претходно така беше кога сакав да оставам млеко за бебо додека сум била излезена. Имам рачна пумпа на Медела. Првиот месец додека не ми беше средена лактацијата,измолзував и по 150мл, а сега ни 20мл нема. Не знам како ќе биде со доењето кога ќе тргнам на работа. Имам 1 саат да излезам за доење, ама што ако и тогаш бебо не пие вода, и единствена течност е млекото? Како да го оставам со еден подој само од 8ипол до 17:30? Ептен сум загрижена.
Или да почнам тогаш да давам АД, т.е. да му дава дадилката која ќе го чува?
Некоја да сподели искуство?

 

Колкави сте сега?
Мојата баш пред да тргнам на работа пропи вода.
АД не прифати да пие.
Како ужинка и даваат обично кисело млекце без ништо, и ја освежува плус.
Јас сега кога одам на работа, цица само еднаш навечер пред спиење, ретко два пати.

 

Јатрва ми само што почна на работа, малиот е 8 месеца и сега му даваат АД додека мајка му е на работа. Јас планирам едноставно да не цица додека сум на работа (освен ако од лекар не добијам препорака дека треба млеко па да давам АД) ама мојава ќе биде преку 10 месеца кога ќе се вратам на работа.
За пумпањето, до 4тиот месец бебе цицаше од една града, со рачна пумпа од Медела вадев и до 180мл од другата града. Сега цел ден собирам помеѓу подои за 1 шише. Нормално е да има помалце млеко, ама ако секој ден постојано стимулираш (да пумпаш на празно) би требало да се зголеми со тек на време. Секако и електрична пумпа би била појака од рачна, ако си за тоа да продолжиш со мајчино па да ти се исплати сега да ја купиш.

 

За една недела ќе има 7м. Кога ќе тргнам на работа ќе биде точно 9м. Цело време нудам вода, ама никако да пропие. Шише не ни знае да фати, од чашка не знае да пие, од лажичка плука цело време.
Не сака ниту чај.

 

Прво, и клучно е да го научиш да пие од шише (млеко, вода, што и да е, но најдобро според мене е со измолзено твое млеко, зошто тоа му е веќе познато). Нема да го прифати одма шишето, ќе треба некое време, но штом пропие, ќе немаш проблем за пиење додека не си дома. Дали твое млеко, дали ад, дали кисело млеко, јогурт, вода, нешто ќе пие додека те нема, нема да дехидрира. Ќе го нацицаш сабајле пред да одиш и следен подој ќе ви биде кога ќе се вратиш. Нема да му е ништо преку ден ако не цица, течности може да внесува и на друг начин, само ако не е навикнат да пие од шише (штом цица, претпоставувам не е), почни да го навикнуваш. По некое време кога ќе го прифати шишето, пробај и ад дај му, со тек на време можеби ќе го прифати. И да не е така, не е страшно, како што реков, има избор што да пие додека те нема.
Не се секирај, ќе се снајдете и ќе си фатите ред

 

Па тоа е и проблемот досега, никако да се научи да фати од шише
А цуцла лажалка цуца од прв ден.
Го нудам секој ден шишето, само ја префрла цуцлата во уста или ја џвака. Нудам вода и чај од шише, ај ќе пробам и со мое млеко (ако успеам да измолзам нешто).

 

Знам, тешко е, ама ќе се навикне, само биди упорна и не се откажувај. Јас практикував повремено така од шише да и давам мое млеко, колку да се учи, и го пиеше без проблем, јас жива среќна дека ќе немам мака. Е арно ама, кога од нигде никаде ми се одби самата на 6 месеци, нејќеше одеднаш ни шише да види, ни ад, ни мое, ни никакво млеко. Се изнамачив цел месец, она вриштеше, јас вриштев ама упорно нудев, за на крај да прифати и да почне да пие ад. Кај нас ептен се искомплицира со одбивањето, многу порано ми се одби од што мислев, и тоа самата, ама ете успеав со тешки маки. Во тој еден месец капка млеко се немаше напиено, косава ми побеле од нервози.

 

Дај од чаша, не малтретирај дете со шише. Моиве од пет месеци пијат од обична чаша.

 

Давам и од чаша Ана, како што пишав погоре. Од ништо не знае да пие. Нудам свашта во текот на денот. Ај белки ќе почне да пие, има уште 2 месеци.

 

Па ќе го научиш. Ќе земеш обична ракиска чашка, ќе ставиш вода колку за голтка-две и ќе му дадеш. Не може тоа одма да знае како треба. Само упорност.

 

И јас како Ана од шест месеци почнав со чашка за ракија, само така ми пие вода. 13 месеци е уште не прифаќа шише и чашка со клунче.

 

Баш ќе прашував за ова.И мое бебе не знае да пие од шише.Пробав 3 шишиња и една чашка со клунче.Резултатот е од сите ист- ги користи како глодалки од кои клунчето дека најтврдо, највише го гризе.
Со лажичка пие и сака да пие ама се засркнува оти вдишува воздух баш кога и ја ставам во уста.( вака прави само на водата,друго од лажичка голта без проблем).
Е сега прочитав како да пробам со чаша.Малку ми е страв ама ќе пробам.

 

Ако сакаш да молзиш мора неколку дена по ред во исто време да молзиш на празно за стимулација, на 4ти-5ти ден треба да ти дојде.