Совети, искуства од мајки за бебиња од 6-12 месеци

Лаки, и мене секакви филмови ме маваат. На моменти ми е преку глава од се, и сакам да се вратам на работа, после па се чувствувам лошо демек "го оставам". Моето е со мене 100% од времето, со мене и мм де

Знам дека не сум ни прва ни последна, ама некако стресно ми е ова враќање на работа.

 

Многу стресно ама мора, а и се е навика, ќе се тешиме овде

 

Примате нови? Утре беба ми прави 6 месеци и таман сум.
Инаку јас од сега се туфкам за на работа. Од една страна едвај чекам, од друга страна не ми се остава. Треба да почнам средина на ноември, а беба ќе има 8 месеци само. Поднесовме документи за градинка, се надевам ќе ја примат па да почне од март. Се организиравме со маж ми, мајка ми и свекрва ми со одмори и мислам дека ќе истераме некако.
Цело време мислам на тоа враќање на работа, а како што не ми јаде детево дополнително се нервирам.
Од една страна смените ми се по 6 часа, ама па сменски се работи, и две саботи во месецот сум по 10.
Забегувам, па си викам остави, има време. Ама нема.

 

Мене не ми се остава јас решив да не се враќам на работа.
Се надевам со тек на време одлуката ќе ми се покаже како добра

 

И јас не мислев многу на темава има време има време, ама летнаа 9 месеци како 9 дена јас сум секоја 2ра сабота на работа, забавно ќе биди.

 

Ај кога веќе се расприкажавте за работата,да се пријавам и јас како тебе,решив да не се враќам. Да требаше само мајка ми да го чува или да оди во градинка,можеби ќе се вратев,ама излезе дека треба само свекрва да го чува,пошто била цело време дома ( читај само таа ТРЕБА да е баба),е мало морген!!!!! Затоа решив дека е најдобро да останам да го чувам јас,па понатаму ќе го запишам во градинка,и се надевам ќе ми излезе некоја подобра работа. Реално породилното многу малку трае,барем до 1 год да е,вака требаше да се вратам на работа веднаш штом ќе наполни 8 мес.
Не е толку проблем приврзаноста со бебето,колку што е проблем недовербата и нетрпеливоста кон свекрва ми. Имам и оправдани причини за тоа.
Не изгубив голема работа,продавачка во бутик,каде плата ми беше 12/13000,не потценувам и тоа се пари,раб.време во 2 смени од по 7 часа,ама сепак многу ми беше тешко да пресечам. Се надевам ќе си најдам работа според факултет, велат секое лошо за добро. Па се надевам дека тоа што морав да ја напуштам оваа работа,ќе ми донесе нова-поубава.
И сеуште ми е жал за работата,ама сепак бебе ми е најважно.

 

Искрено можеби 3 се многу ама барем една година да беше.Тука го збореа законот па го заборавија ама барем јас ја имам таа среќа да појдам кога малиот ќе наполни девет месеци па после ќе ја трескаме главата од ѕид кој да го чува до март додека да почне со градинка а и мајка ми е почината да беше онА ќе ми беше полесно вака не знаеме што ќе се прави некако страв ме фаќа

 

@lackygirl и @happygirl многу брзо ќе се навикнете на работа...
И убаво е. 7-8саати различно малце од секојдневието.
Без гомца. Без Плачки.
А малите уште побрзо растат кога идете на работа. Секој ден поголема ми се чини дека е дека не ја гледам до 17ч.

 

Јас одев на работа буквално до пораѓање (си излегов во 9 од работа, во 11 ми пукна водењакот ), плус некој ден лански одмор, па нов одмор, ќе почнам кога малата ќе има полни 10 месеца. Не дека се брзам да почнам со работа, ама не ми паѓа тешко. Одев по некој саат летово, кога им требаше помош, добредојдена ми беше промената. Малку нормален муабет настрана од гугање дома. Исполнета се осеќам така, со уште поголема желба си играм со бебето. Особено што ќе почне зима, па повеќе дома него надвор. Доста ми се тие 10 месеца.
За многу работи викав дека треба мајката да биде лично за себе одморена, исполнета, среќна, за да може да биде најдобрата мајка за своето дете. И ова е едно од тие. Ако идеш на работа и мислата ти е да не му е нешто на детето и си доагаш дома нервозна, воопшто не е добро. Ама мене работата ме исполнува, и бебе знам дека ќе биде во добри раце.
Јас лично сум среќна и за овие 9 месеца што ги имаме. Во многу земји немаат повеќе од 6 недели породилно.

 

Македонија е една од ретките каде породилното е 100% платено 9 месеци. Би било убаво ако дополнат со 70% некој месец плус. Али ќе мора тие 100% платено да ги скратат и пак бунење. Плус е една од водечките на дното каде секоја втора е на патолошка бременост. Овде да те пишат патолошка е нешто најтешка ствар, значи си одиш на работа до крај.

Мила ги средува градинките се работи активно на тоа поле и тоа е за поздрав.

Пробај со жена да ти го чува како хепи.

Патем и јас сум од оние на кои им фали муабет со возрасни. И радо би се вратила помеѓу моите колеги и осум саати тишина. Од секогаш сум била на став дека дете е за во градинка. Не од шест месеци вели реалноста али од девет е сосем во ред. Мојата ќе има година и еден месец и ќе биде уште поидеална за градинка. Таман да ја буткаат другите дечиња во група до 3 години, а она тукушто проодена или ќе проодува. Али мама е тука да ги подсети воспитувачките пред да се случи нешто, зошто после ќе ги врзам во блиската шума.

Јас не знам како ќе биде после работа со готвење и чистење по дома и пеглање. Мене тој дел домаќинскиот ме плаши јас како супер домачица тешко дека ќе се снајдам со се. Жени за чистење овде со боринче да ги бараш нема да ги најдеш. Али не е проблем сендвич ќе има секогаш за нас, а за малата за три апки ќе се снајдам.

И така сега сум поделена сакам да оди во градинка али ми е страв да не и се деси нешто. Како тоа го надмина @TeddyGrey ?

 

Во Македонија е тешко и за во градинка. Се чека со години ако немаш врски. Ние еве чекаме пола година и ни рекоа кај сме брзале преку ред имало и по повеќе од година што чекаат. Здравје кога ќе тргнам по 8 часа ќе ја пуштам
Крајно во приватна градинка. Жена не ми е опција. Ем не сакам некој непознат да ми се плетка низ дома, ем тешко дека ќе најдам некоја која ќе посвети внимание на психофизичкиот развој како шо сакам. Вака во градинка ќе се социјализира и ќе гради имунитет. Малку ми е страв дека ќе е само болна, ама мора и тоа да помини.

 

Добро утро... Рано по сабајлечки јас со прашање.. Дали некоја мајка замрзнувала м.млеко во нешто друго освен во кесички што се за тоа? Читам по странски сајтови во стерилни чаши ама дали некој применува нешто друго и дали е Ок млекото потоа

 

По форумов прочитав дека замрзнувале во стерилни чашки за урина. А за тоа какво е млекото јас не можам да кажам, нека каже некоја членка што замрзнувала.

 

Мислиш за настинките? Вирусите, бактериите?
Па нема што да надминеш. Тоа е.
Со луѓе се меша секако, секаде може да фати.
Ете фати вирус на море, каде што само за спиење влегувавме во затворена просторија.
Мислам и вие исто бевте сега.

Или на друго мислеше да и се деси?

 

@FreeMind @Milaаа991 јас сакам барем до пролет да биди дома, да ја поминиме зимава, а на пролет таман ќе има година и 3,4 месеци кога ќе оди в градинка, сакам да оди таму со дечиња ќе си игра, малку рает и ние
Едит: пак 2 ноќи плачи станува со плачење, си велам забите се "криви"

 

Лаки и ние два дена сме со плачки, сакав сега да се жалам. Незнам од што е, ни цицка ја теши ни ништо.

 

Секаде е тешко за градинка. И овде кога ќе се отвори место ќе може да оди детето. Но, Но во случај да сака мајката порано да се врати градот е должен да најде интервентно место во некоја градинка.
Има и како жени со сертификат кои чуваат по дома дечиња како мини градинки. И во македонија би функционирал совршено моделот. Оние кои немаат работа, а се образовани за тоа можат и да се распрашаат во труд и социјала како би работеле по дома јас сум сигурна дека тимот ќе ви излезе во пресрет и законски.

Колку се приватните градинки во Битола? Во Скопје негде видов 200 евра. Си велам 200 евра на стандард од 300 е навистина неверојатно. И 500 да земаат пак е многу.


Со болестите во градинка ќе си плачеме. Устври вака заедно ќе си плачеме до матура па ќе се фалиме за факултети и така натаму. Ќе пораснат.

Немам чувано али имам пластични садови на авент на нив пишува дека може млеко да си замрзнеш. Еве овие:
https://www.amazon.de/Philips-Avent...t=&hvlocphy=9068393&hvtargid=pla-381674096147

Не, не мислам на настинки тоа е нормален процес на градење на имунитет колку и да ни изгледа лошо. Ми е страв од паѓање, повреди на глава и такви ствари бидејќи тукушто проодена ќе биде или ќе лази, а во групата се дечиња до 3 години и ако ја бутнат ќе падне многу лошо. И сега само тоа го мислам како ќе биде.

 

Не знам ова со спиењево кај секој различно.Читам овде скоро 10 месечно на хепи цела ноќ спие.Кај нас се полошо и полошо.Еве полни 10 сме и од 2 пати станување навечер , веќе месец станува по 4-5 пати.Гладна не е,ама ноќеска цица активно.До скоков ли е, ама овие два скока крај немаат.А, не сме ни до громчето.Жива ненаспана сум.

 

Абе и паѓање е дел од растење.
Старите викаат "децата кога паѓаат, ангелите им ставаат перниче". Така се тешеле.
Страшно е. Да.

 

Која цена се приватните градинки кај нас?
Јас требаше да почнам на 9ти септември сега на работа ама среќа некако продолжив уште еден месец..Јас сакам да одам на работа ќе одам по 7 саати,после лошите дешавки по дома сакам да сменам..ќе ми фали бебка многу ама ќе биде во сигурни раце ќе ја чува мајка ми,во градинка планирам за 1 год да ја праќам и демек уште сега ќе треба да поднесам документи за другата година?
Ова со работава не го сваќам толку трагично,сите се навикнале мора и ние,и плус мора малку и жената да прави нешто друго не сама СЕ во куќата и со бебе
Многу ќе ми фали Дора,ама и 7 саати олабавување нема да е мнг лошо..