Совети, искуства од мајки за бебиња од 6-12 месеци

Не викам дека е невозможно, ама ептен ретко се случува. И не е добро да никнат пред четворките, ќе се искриват забите ако не никнуваат по правилен редослед. Генерално кога првпат се појавуваат врвот им е високо, па со тек на време се спуштаат во висина на соседните заби.
Секако на бебиња ништо не може да се направи и да никнат со неправилен ред или се искриват. Идеално е да никнат со редослед 1,2,4,3,5, да бидат прави (да не се ротирани во место) и со милиметар простор помеѓу забите. Секое дете со поинаков забен низ би требало да посети ортодонт откако ќе никнат сите заби. Кај вас секако морате на стоматолог, ако има проблем ќе ве препратат.
И на мојава и се познаваат во вилицата, како набабрено внатре. Нормално е тоа. Ама не ги очекувај пред 4ките.

 

Е знам, и моето е 9 кг но си имам долги нозе па се снаоѓам некако иако преферирам да го легнам во креветче и ја да дремам до него а исто така заспива и на цицка денски така да гледам во сите погледи да си заштитам кичма . Навечер му давам да цица пола саат пред спиење и тогаш правец во креветче. Одкако е роден заспива во 19.30 точно до минутка и ретко бара нушкање тогаш.

И навечер ти спие во релаксатор ?!? Немој мајче ако е така, сепак треба да спијат на рамна и тврда подлога заради кичмата, бар навечер ако преку ден еве на пр. заспива во релаксатор. За месец дена цел релаксатор има да ти го преврти а не пак да спие во него

 

Што може да му е на бебе,овие денови многу му крцкаат колената и раменцата чат пат?
Нешто поврзано со д витаминот или нешто друго?
Има ли некоја мајка вакво искуство?
Ептен језиво ми крцка,за некој ден сме на ортопед.

 

@lackygirl ја презаспав прв пат во живот без цицка. Како се заврте накај мене тропајќи со раце и нозе ја земав и ја превртев на другата страна на стомак. Збунка систем! И си продолжи да спие не ми се верува еј.

 

Сега ќе те тагнував да те прашам како поминавте сношти

 

Mojava denes napolni 10 meseci i jas i vikamm neee taja daaa ja pak neee tajaaa da i mi se smeee

 

@BabyT* стигна вреќата, не е многу дебела, доаѓа како памучно ќебе. Таман да биде облечена во пижами и ставена внатре. На сред зимо ќе треба или плишани пижами или плус да ја покривам со уште едно ќебе/јорганче. Но многу е комотна и пријатна на допир.

 

Исто како првата вечер реприза.

Од вечерва спијам до неа и ќе ја презаспивам колку можам без цицка. И ламба земавме со ѕвезди што се вртат има атмосфера само за спиење. Може и до тоа да е што презаспа. Се бива.

 

Да претпоставив дека е таква, скапа е за таа дебелина ама може и квалитетна.
Но ако одржаваш во спална до некоја температура 24 степени немаш потреба за плус. Со здравје да си ја користе бебе

 

Не бе каков релаксатор цела ноќ
Само за заспивање ни служи тој, потоа во креветче си спие.

 

Сега те прочитав, јас ко ќе го кренам цел крцка во 'рбетот језиво е скроз

 

Мајкиии ај ве молам за искуства за тоа како ги облекувате и покривате бебки 6+ за спиење и на која температура..?
Преку ден гледам да е облечена како што сум јас со плус бодито на долги под незе а навечер те мислам да не и жежи, те да не и студи.. Покривам, откривам. Темп. во спална ми е 20степени

 

Да си запишам уште некои работи за прв пат месецов:

25.10.2019 прв пат кажа мама.
29.10.2019 седна сама од лежачка позиција на два дена до 9ти месец без да се фати за ништо.
29.10.2019 научи дека ако го пикне прстот во уста може да ја извади храната од неа полесно. Фактички ако не сака да јаде се ти е џабе.

 

20 степени ти е скроз таман температура за бебе. Ќебенце доста ти е.
Јас облекувам боди по долги, долни пижамчиња и чорапи, и го покривам со ќебенце ни дебело ни тенко. Ако мислам дека му е ладничко го превиткувам на две ќебенцето или уште едно потенко одозгора.

 

Ајде како тргнала месецов има време до 31.10 да заспие без цицката.

 

Туку дали има искуство некоја од вас, бебево мое ако не му се "повиени" рачињата не спие мирно. Се копа по глава(како да се чеша нервозно) си ја вади цуцлата па се нервира и морам да му ги потфатам со ќебенцето да не ги вади надвор.
Веќе 6 месеци ова трае и незнам чаре секако имам пробано. До кога ќе е вака незнам, сакам слободно да си спие ама ете несака

 

Растат... затоа крцкаат. Кога ќе се родат, коските и зглобовите се меки и еластични, краевите на коските не се окостени туку се мека и еластична 'рскавица која се тегне како што растат. Не се секирај.

 

Пробав и утринава да ја успијам без цицка. Последно цицаше во 6.15. Ма не со правосмукалка минам, аспиратор пуштив, цртаните најомилени, нејќе бебе без цицка и нејќе. Најадена, напиена вода и се спие и паѓа глава. До десет се бореше со себе и почна да плаче до 10.30. Си викам не липа ќе поплаче и ќе заспие. Не бре не. Легнав до неа ја нишкам, ја вртам, ја галам уште толку ја налутив почна да липа.
И пак цицката.

Не знам кај грешам навистина не знам каде грешам

 

Мора малку време, неможи наеднаш да се одвикни, ти сега само и намалуваш подои, ќе свати сама дека се најадува и нема да бара толку често, еве и сношти исто кај нас, 11ч заспа, стана во 2ч пробав без цицка пак нејќеше му дадов да цица па следно во 5ч стана и до мене го зедов пак цицаше и вп 7 и пол станавме 2цата јас сум на раб прва денес. Ова засега ако е вака супер е само 2 станувања, ама и вчера ти пишав ако станува пак 100 пати пак ќе спија в дневна со татко му.
Пак пробајте ти да спиеш во др соба

 

Што правите кога не сакаат да пијат вода? Со се пробав, обично шише, со клунче, лажичка, чашка ракијска, џабе. Едвај 5-10мл. @happygirl мислам ти имаше ваков проблем. Како е откако тргна на работа? Јас за 3 недели тргам и страв ми е. И тоа јако вториот ден сум 10 саати на работа.
Баш почна да цица во 7, па појадок во 9 и тек накај 12:30-1 цицаше. Сега пак бара накај 11,а знае да изеде и 200 гр за појадок.