Совети и искуства од мајки за деца од 2-3 години

Почнаме на зафрканција што се вика.
Нокширот секогаш и стои на видик онака да го 'запознае'.
Она истрча наеднаш и седна и вика 'мамо кака' и јас не ни сванав сериозно. Си стана и вика етее и стварно искакана.
За какање кажуваше одма, а за мочкање не. Ама од одма се стегаше да не се помоча и ќе плаче, трпи и ќе пушти. Па почнав често да ја прашувам, дали и се мочка и одговараше да/не.
И зедов поубав нокшир и престана и да кажува за какање, не го сакаше. Па пак го вратив стариот, обичен. И многу зборував, ајде да не ги валкаме гаќите кажи ми, не го мочкај мечето на гаќите.
Еве веќе 1н си кажува пред мочање и какање со мамо кака, ја ставам и или кака или мочка.
Во градинка одма си кажувала.
Мислам дека 3 недели траеше ова ама прилично лесно го поминавме.

 

Како сте жени?

Помина цел месец откако сум дома, почнав со работа од дома, па корона боледување, сега пак работам од дома.

Дете стана напаст, цело време плаче по мене, у ствари не плаче, мумла нешто ммм мм земи мама ммм
Не дава никој да ја чепне, само до мене е, а јас од следна недела 6ти месец, веќе ми е тешко да ја кревам..

Со јадењето сме за никаде, еден ден јаде, друг ден со молење 3 лажички Палента, само тоа ме спасува кога ќе се занаети, друго не иде во обзир.

Ја накитивме елката па по цел ден пееме новогодишни песни
Видоа баби и дедовци донесоа пакетчиња, па сега цел ден се бориме пошо дете се фрла на секој пола саат под елка да буричка во нив, бара благце

Од денес решена да ја одвикнувам од пелени, не ги сака веќе, плаче и ги турка, по цел ден ги одлепува.
Ќе ја пробам тактиката од @BabyT*, иако од секогаш ме нервирало кога ќе одев по гости кога ќе видев нокшир во дневна

 

Каде да најдам роденденски декорации со пепа прасе?

Роденденот ќе го прославиме сами со кумашините ама сакам да си го израдувам детето..

 

Тие во џамбото мора да ги има ако те носи пат.

Во вторник се Лаки и Хепи двајцата батковци во ист ден што се родија. По нив е Моник ако не се лажам, Даст, твоето девојче, Хелоукити, Спиди, БејбиТ, па јас отварам втора половина бебуши со ова малишаниве по мене

Слики од родендени може и од годинава да ставите не се срамете ако е корона морона тука, детето мора да се радува.

 

Ден пред нас е баткото на Мини.

Ние ќе имаме баш роденден како во старите времиња.
Руска, скара, кифлички и домашна торта од Тета
Дино парти е темата па ќе комбинирам нешто.
Малце ќе бидам гроги 16 саати ќе сум на работа па директ на роденденот
Прво ќе дојдат моите па после другите баба и дедо.

 

Здраво мајки
Ќе морам да го отпишам моето дете од градинка поради сериозни здравствени проблеми. Дали некоја знае колку се движат цените за чување на дете со 4 до 5 работни часа. Како да најдам најлесно жена /девојка за чување? Некој со препорака, искуство. Фала однапред

 

Го прославивме роденденот онлајн на 19ти ноември.Немаше никој освен ние домашните,ама се видовме со најблиските на тел. и заедно дувавме свеќички.Мораше така,бевме во краток контакт со болен од корона и не сакавме да ги ставаме во ризик другите.И така сите ни се на страна и треба да патуваат.
Си украсив со балончиња и порачавме торта Маша и Медо, за нас дома стандард кифлички и мезе.Не правев ништо посебно ,освен мафини, и пак им ја утнав декорацијата( увек ја утнувам за некоја пригода) .Типично карантински.Се јавивме на сите на Чет Рум и сите пеевме хепи брдеј,додека роденденката крадеше од смоките на масата и не ги рецкаше два посто.Ама кога дојде ред на свеќичката, пет пати ја дуваше.На тортата и балоните највише се радуваше.Душа дава за Маша и Медо.И така..

Spoiler: СликО

Не можам да се пожалам во последно време.Многу полесно комуницираме и се разбираме со малата.Од кога збори,постојано се изненадуваме на некој бисер нејзин.Само уште да ми пие вода повеќе и се ќе биде супер.

 

Среќен роденден на малецката, многу убава тортата

И мојов не пие вода, дали 500 мл пие, и тоа тешко, 300 мл претежно Ако знае некоја мајка финта да пијат повеќе вода нека каже
Две ипол години има, вода пие од некапечка чаша, од обична повеќе доле ќе истури него што ќе се напие. Јаде, не одбива јадење, ама јаде саат време. Устата како клунче ја отвара. Парчиња јаде ако е засебно сервирано, сам ги јаде, со рака. Ако јаде манџа, осети ли парче, го плука . Едно лажиче мало на три пати му го даваме, не отвара уста и готово. Ако му речеш, одма клоца, се лути. Дека јаде долго нема ужинки, туку три главни оброци, нема време за повеќе, кој што прави ние се раниме Ред никако да му фатам дека сум со мало бебе, пред тоа бремена. Касно си легнува, со молење, со плачење. Навечер се буди по неколку пати. За тантрумите да не зборам. Ако го опомениш нешто или не му дозволиш, одма доле се легнува, се клоца...по 10 пати на ден...тантруми или разгаленост...

 

Јас за гости уште се мислам, сакам да има 2, 3 дечиња барем, ама нз, спремам јас уште кифли, мезе, руска ќе има, моите и домашните па уште одмор ако ми дадат на работа, топ ќе биди
Синко за мене е приврзан во последно, само со мене заспива, ме бара насекаде, па и плачи некогаш, пред некој ден ми се јавија со видео душа ме заболе, пред тоа повеќе си беше по татко му, уште си е и по него ама прави вакви испади со мене, па ова заспивањево, дека в раце ме доискриви Со мама Со мама тска вели.
Полесно е од ко зборува каде каде, почна и бисери да реди пресмешен е некогаш, озбилен камен кажува нешто
Само поќе да спиеше ноќе

 

Среќен роденден! Малата е медена, пре убаво девојче.

 

Среќен нека е дасти преубаво е се на сликата заедно со славеничката. Машала висока за две години мине 90цм?

 

Фала ви најмногу @BabyT* @K7M10J @FreeMind

@FreeMind на столче е застаната,инаку немаше да се гледа од тортата.Инаку толку е 90 см со косата.

Водата ми е болна точка.По цел ден ја гонам по дома и одвај 500 до макс.800 мл пие во денот( вклучително и јогурт).Читав демек ладна ја сакале повеќе па сега пробувам поладна да и давам.А инаку со јадењето си е стандард.Тоа што и е вкусно си го јаде сама со лажица за 5 мин.А за грашоци,леќи и др.јас и давам.Е најмногу сака да гриза сама цело јаболко и тоа јаде обавезно секој ден.

 

Да ти ја дадам мојата со водата. Во градинка ме прашаа што се случува со детево нон стоп вода што пие.

И навечер.

И нон стоп лето зимо нема врска. Ама пак само вода пие. Чај не сака, сок нема пробано, смути од овошје ако изеде со лажиче, јогуртот овде е кисело млеко.

 

Среќен роденден се најдобро
Моето пие многу вода, 2л во денот сигурно, сок за растворање домашен 300мл скоро секој ден и толку од течност, др ништо ни јогурт ни млеко ни чај.
Мене ме нервира што пие вода меѓу јадење, јади 3 залчиња пие вода, пак 3, пак пие.... ако запри со јадење му давам вода и продолжува да јади.

 

@lackygirl јас пак и нудам цело време нешто за јадење за да и дадам после вода,оти така само неа не сака И пред јадење и со јадење и по јадење.А инаку само вода пие и јогурт или к.млеко.Чај од брусница и давам од време на време оти имаше уринарна инфекција два пати и сега нон стоп се плашам да не се повтори.Лекот е да пие повеќе течности ама врти - сучи пак исто си пие.

 

Толку и се пие ништо неможе со сила, а од шише пие? Пробај со чаша може интересно ќе и биде па повеќе ќе пие.

 

Така е,со сила не бива.Пие од шише со цевка и од чаша.Не е до тоа.Се е пробано ама такво е детето.Фала за советите.

@FreeMind дај ми ја малку на гмечење и гушкање ,пиењето вода гратис ќе ми е.

 

Да ти кажам или знаеш?

 

Нук нусе.

 

Ау мајки дајте совет што да му правам на нејадачов мој. Он да може ќе живее на помфрит и палачинки.
Ми се плаче верувајте. Што се не му спремам, ма нее уста не отвара.
Скоро 3 год е едвај 13 кг има Сега по педијатри ич не ми се носи.
Од мака да не заспие гладен му правам компири, што да правам жал ми е гладен да легне, му давам да јаде и ми се плаче истовремено.
Каде грешам, ве молам за совет??
Еве денес компир манџа му направив, си гризна неколку компири и толку.
Си вечера корнфлекс со млеко и заспа.
3 годишно дете