Совети и искуства од мајки за деца од 2-3 години

Едното е секогаш покротко, во наш случај второто ептен лесно за чување иако поборбено пошо има некој што од старт го стопира ама ептен е разбрана и трперлива.

 

Мојата исто така отфрли дремка на 2 години и 2 месеца и без загрижена како ќе функционира, ја контактирав и Др. Гуднајт и ме советуваше дека ако сврзува 12+ сон навечер без чести будења, не е вознемирена и не плаче во текот на ден од премор, да тераме така.

Ќерка ми спие по 12-13 часа ноќе и издржува без проблем цел ден. Исто имаме саат време одмор во денот со лежење без активности и супер ни е. За ништо не би вратила повторно дремка, така да ти си го знаеш детето најдобро и ако функционирало многу подобро без дремка, настојувај така да остане.

 

Да и јас мислам исто.
Деновиве разговарав со учителките ми рекоа дека секако си леже он, некогаш дремнува некогаш не, обично си раскажуваат приказни.
За нијанса е подобро ноќното ама заспива покасно, претпоставувам зошто му е доста така со пладневната дремка кога ја има.

Иначе да се пофалам дека веќе свикнува на градинката, пак плаче наутро и се убедува да не одиме, ама плачењето е сведено на кенкање. Вчера прв пат отиде без плачење, денес пак плачеше ама ништо страшно, додека го оставам.

Учителките постојано му велат дека таму е супер, многу послушен, слободен. Велат секогаш си муабетиме нешто со него многу ни е интересно откако дојде во градинка и дечињата вели го сакаат, си игра нема мака откако ќе го оставиш.
Се осетив горда малце така, мада знаев дека нема да прави проблеми оти е многу социјален и мирен по природа.
Се надевам дека за брзо време ќе сака и да оди, олеснување ми е големо.

Викендов треба некаде во 4 ноќта да го оставам со баба му до следен ден попладне. Многу ми е мака и не знам како ќе помине, дали сте ги оставале на 2.5г така преку ноќ (не е цела ноќ, ама сепак)на баба? Имам итна обврска и морам да патувам, немам избор, со мене не можам да го носам.

 

@1209 , од мала сум ја оставала заспана пример за да одам на работа и да си стане т.е и остане комплет со баба во текот на денот.

Исто ради патување и така да заминам на пола ноќ, да се вратам пред следно вечерно заспивање, па и преку ноќ.

Навикната е мојава со баби (двете) и не и менува нешто. Може ќе праша кај е мама ама и кажуваат на работа и толку.
Веќе по автоматизам кој не го гледа низ дома си кажува тој и тој е на работа и толку.

 

@1209

Некои деца рано ја исфрлаат дневната дремка.
Син ми брзо по вториот роденден, откако времето залади и не беше доволно изморен, почна да спие само ноќе, од 8 до 8-9.
Денски ке преспиеше 45-60 мин и навечер пред 11 нема спиење. Тоа не беше добро за него, а ни за нас како родители. Тука пресеков и супер помина.
Свеж беше и немаше кризи околу 5, што е зезнато.
Инаки деца и на 5 спијат денски.

Во врска со оставање, мој совет е бабата да дојде кај вас и да не го будиш и преместуваш воопшто. За еден ден ке се снајдат.

 

Да дома се во куќата кај нас.
Нема никаде да го местам. До сега остануваше со татко му така, ама татко му не е тука, ме бараше ноќта ама не е стршно, вајда и сега ќе биде така.

 

Уживај, ке биде се во ред. Наутро нека си ја задржат рутината, нека го забавува бабата и ке помине денот.
Секако е еден ден во прашање.

 

Ве молам за совет каде да се обратам во која институција/лекар…имам синче од 2,5 години. Развојот на говор му е одличен – зборува, составува реченици и има богат речник. Проблемот повеќе се јавува во социјалниот дел: не сака да се дружи со деца, избегнува контакт и бега од нив, а не покажува интерес за интеракција. Во градинка оди но летово правеше пауза, пак ќе го пратам за две недели

Има помал брат со кого има воспоставено некаква врска, но често кога ќе му се доближи, почнува да се трга, па дури и ги трга играчките за да не му ги земе. Синчето е темпераментно и немирно, а во последно време сè почесто не соработува и не слуша. Знае да фрли играчки, да го удри брат му, да се инаети и да плаче речиси за сè. Нема трпение и е многу вознемирен.