Совети и искуства од мајки за деца од 2-3 години

И јас така мислам. Греота е да не се користи можноста што барем за вакви прилики имам кој да улета за чување. Они се во друг град и поретко го гледаат и воедно ова ќе им биде можност дополнително да се зближат со него. За доверба никој во никого не е нормално да верува 100%. Сите имаме некои различни замисли и навики за нештата. Ама мораат да го почитуваат зборот и насоките дадени од родителите. Мајка ми пример оди во крајности, од некни ми бара листа со оброци за 4 дена, да знаела што да му готви. Знам дека сака да погоди, ама од друга страна он е ретко прибирлив и генерално знае и самата што јаде, ама ете да не згреши. Може и јас сум виновна за тоа зошто сум малце построга, лани имав направено цело мени со три оброци и ужини, па рецепти и чуда. Не сум контрол фрик, ама за него сакав се да е под конец. Годинава сум полабава и кажав отприлика што му е омилено и дека слободно може и да повтори во тие 4 дена некое јадење. Битно ми е да е најаден, а како ќе го храни она си знае. Кога сум до неа ја корегирам и неа и свекрва ми зошто и двете му носат залак до уста дур он уште џвака, а јаде сам од бебе и не сака да го храниш. Многу ретко дозволува јас да му дадам, ако е манџа или нешто што не е толку вешт со него. Ама 4 дена се, како и да го хранат за толку време не може да смени навика.

Точно е ова. Маж ми неколку пати откако е роден син ми оди на Тим Билдинг и никој не се нашол да рече леле го остави, како ќе спие без татко му. Ама менталитет, не знам. И дали дека поврзаноста на мајка-дете е поразлична, ама и плус е наметнато ова од околината, почнуваме и ние самите да се однесуваме така. Некни во неделата бевме двајцата сами кај моите, во понеделникот имав термин на лекар таму и немаше како да го носам во градинка, а јас морав да се вратам на работа. Го оставив кај моите со договор да ми го донесат поручек. Кога му кажав на маж ми како планираме ми вика, а што не го донесат во вторник, нека остане уште еден ден, него му е демек да си поуживаме сами. И реков ќе видам, а знаев дека нема да направам така и нормално им кажав на моите да ми го донесат во понеделникот.

 

Ве читав пред некое време дека давате некој сируп за апетит ама не можам да најдам.
@AngelOfArh тебе те читав или грешка сум? И тие гумените мечиња беа пробиотици? Во Зегин ги има?

Морам да почнам нешто за апетит да видам дали би имало ефект. Ги врти некои 5-6 работи што ги јаде само, нови работи одбива да проба ама на крајот сигурно останува гладна и мислам дека дури и тоа ја прави дополнително нервозна.

 

И јас и ангел ги даваме на провен витамините. Како бомбончиња за ѕвакање се. Кај ангел имаат ефект и многу ми е мило. Ама кај моево не. Давам цел месец веќе и ништо се нема променето, пак се борби за јадење. Има денови јаде супер чак сам бара. Ама повеќето е со молби и борби. Пробај, може и кај вас како кај ангел ќе имаат ефект. Јас не планирам да ги преќинам, давам со надеж дека ќе почнат да си ја работат работата

 

Не сум го оставала зошто не сум гледала потреба да го оставам, дома сум била ама секогаш нешто излегува нели, а и најискрено не сум го оставала зошто работат двајцата се капнати кога ке дојдат и уште да трчаат по него а нив мерак им е знам. Досега 3 пати спиел кај моите, на свадба два пати бевме, минатиот месец и сега викендов а во вторникот сам изрази желба да спиел кај баба му и дедо му, мајка ми втора смена остави го вели. И сега договорен е ке спиел со баба му секој втор викенд (тогаш мајка ми паѓа прва смена сабота и недела дома). На свекрва ми не го оставам и не би го оставила повеќе од 4-5 часа односно да знам дека ке си дојдам дома дента зошо она на кров ке му дозволи да се качи само да не плаче. И мајка ми делумно му попушта ама татко ми не, повеќе знам он дека му го тера редот многу е среќен дека е кај нив, секогаш насмеан го наоѓам, мене тоа ми е доволно за да го оставам.