Совети и искуства од мајки за деца од 2-3 години

А дала пари за колички да се вози или за играчка кола исто ти е. Имам баш читано дека имате премногу дома. Уствари му купуваш за да му удоволиш и верувај нема крај тоа, не прашувај од каде знам.
Иначе на оваа возраст сите мислат дека туѓите играчки се нивни.
За купување кола на акумулатор никако! Најглупото нешто што го иаме дома и дефинитивно најнеискористеното нешто.

 

Бела 14 дена бевме на море и сите 14 беше таков. Ни се тераше ни се водеше. Мислевме дека кога ќе му легне промената после трети или четврти ќе можеме колку-толку да резонираме со него. Ама не. Дете се испурјачи таму, бевме 4 души и на сите на глава ни се качи. Многу беше тежок, само на плажа знаеше да се заигра само ако он диктираше правила. Во маркет одењето со него беше незамисливо, шетањето по тие рингишилите, количките исто така.
Превозбуден беше, ама тој одмор ми го смени детето. И ланскиот и овој. Секогаш после промена на место и тој се менува и расте.

Не знам што да ти кажам, јас и маж ми пред одморот си рековме.. "баш солидно се снаоѓаме со terrible two". Одморот ни покажа дека сме на стартот.
Веројатно сите се исти, ама да се живи и здрави многу напорни и јас О не видов од одмор. Ми требаше рехабилитација после него.

 

Истиот беше. На плажа како дете да немав ама на одење дома и навечер низ град катастрофа беше. Е сега дома назад во реалноста можам да кажам тешко е. Сака нон стоп надвор и само плаче ако не се изнесе. Не сака во куќа да влези, и тоа се борби. Да одеше во градинка подобро ќе беше мислам, дека ќе правеше тоа разлика сигурно. Собирај стрпление ќе ти треба хаха за дома

 

Ко што ве читам вака супер сме поминале на одмор ние. Без тантруми за купување и возење на колички. Единствено што спиењето и се помести и ептен касно имаше дремка и вечерно спиење.

На плажа не сакаше секогаш во вода, повеќе сакаше на брегот да си игра.

 

Зависи од детето, како што го опиша Бела ист е и син ми. Нема ни година од како е купена нашата, душа и извади. Вози поубаво од мене, рикверц враќа без ниту едно запнување и тоа измеѓу маса/ѕид. Штета што не се прикачува видео да ви покажам.

Ние веќе криеме клучеви, знае да ги пали колите. Имавме период кога не можевме да го извадиме од кола и тоа беше главна занимација. Пред 3 дена другарка си беше дојдена на викенд тука и имаше рента земено, кога виде нова кола се опседна, цела вечер во сон плачеше “поата, мамо поата вози” и едвај го смиривме вчера кога си замина
Мм му ветува дека ќе купеле голем мотор, и денес го позајми од другар да го изненади, се подмоча во гаѓи од среќа ама вистина Не го снимив оти во моментот му облекував патики кога стигна со моторот мм, е потоа не прашувајте што се случи кога замина
Имам пишувано и порано, од Холандија си дојдовме со кола до мк, без занимации, е до толку е опседнат со коли

 

Кога ќе се вратите од одмор, ќе се врати во нормала. Исто бевме, месец дена седевме, секој ден чекав дека ќе биде полесен и ќе се адаптира, не се случи тоа до крај.

 

Другари и другарки кога поминува фазава со "не сакаааам" значи ништо не сака. Не сака да јаде, да пие, да спие. Не сака да се облече, да се соблече, да моча, да се бања значи ништо не сака. Главава ми чади од тоа неговото "нее сакаааам" ништо он не сака.
Го носам да спие, пишти "не сака диме спиее не гое нееее" заспа за 2 минути значи многу беа и 2 ама битно он не сака.

 

Пробај со “Шенка метод”
Ние така функционираме. Пример велам сега ќе го легнам мечето тебе нема, и веднаш трча

 

Не сакааам да јадааам, ова не ми е вкуснооо
Не сакам да шетааам, не сакам тамууу
Не сакам да спијаааам
И најјакото вчера Е НЕ САКАМ ДА СИ ИГРАМ.

Tldr; навикни се.

Цел кревет е со мечиња, сите ги легнува и покрива, а она ги "чува"
Дај друга идеја, може ќе успеам да ја прелажам иако поголема

 

Истото само со татко е, колку памперси му имам ставено Еден период стварно сакаше мечето да го успивам, кога неќеше викаше мечето нани
Неќеш да се облекуваш? Е сега ќе го облечам тато и со него ќе си легнам Проблемот е кај нас што треба да се увери, па тато крева нозе клавам памперс и за рака го носам во спална Се затвараме во соба и одма имаш реакција, нееее Нино беј тато, Нино нани

 

Каква Шенка. Кај "Шенка" моја и тоа не пали.
- Х, мама ќе оди да спие без тебе.
Х само ќе ми се насмее и уште да рече, гајле ми е, ќе си играм јас.
Е толку

 

Неколку работи што не сака да ги прави само со овој начин успевам. Ама ќе го грабнам мечето или мм и вистина ќе легнам да ги успивам а него го игнорирам.
Е пример некогаш води инат за мочање, се стега и се фаќа, викам оди брзо на шоља, не оди ме игнорира. И така додека не стигне да пушти во гаќи малку. Тука немам начин да излезам на крај со инаетот.
Исто многу инат водеше кога треба да излезиме а тој не сака да се облечи, на глава исправи се и нема да се облече. Еден ден решив дека ќе заминам без него, го оставив со мм и ја заплив колата и заминав, завртив круг и се вратив да го земам, премре ама не му текна уште еднаш да се матка.
Празни закани не палат, кога е такво нешто во прашање. Не бива ни со арно кај нас, ниту со награди, се додека не види дека сериозна сум со намерите.
Заклучок: многу е тешко да се живее до инаетчија

 

Верувам ама мое мислење е дека подобро е дете да е активно со точаче/тротинент него да седи, пошо кај нас во маала ги возат цел саат додека има струја, деца нит истрчани нити разиграни. Нашава голема кога беше мала се запна и и ја купивме ама фали 3 пати ја имаме уклучено, од кога фрливме пари ни светна дека не ни беше добра идеа

 

А не, ние за дома ја користиме, со шоферлукот негов не можеме да излезиме со ништо, тој вози како на трки да е и неможеш да го стигнеш.
Многу сакам кога ќе видам да шетаат со деца и тоа околу нормално да си вози точак/тротинет/кола што да е, ние маратон трчаме по него Од мало невнимание може да направиме голема беља со него.

 

Добар совет, кај нас функционира понекогаш

 

Иста забава и во нашата куќа
Мене ми успева ако е преку игра, пример ајде да видиме кој прв ќе стигне до плакарот да најде фустанче, јас јас јас јадење, не сакаш да јадеш - ок не мора, го седнувам мечето и јадеме мечето и јас, па доаѓа бара. Облека, сакаш оваа или оваа маичка, види на оваа кучето како се смее хехехеееее ајдеее облекуваме бањање, тушираме некоја играчка обавезно има некоја што "мириса лошо". Заби, бараме бубачки во огледалото.
Генерално преку игра, викам, скокам, пејам, некој да ме гледа знам ќе рече куку. Може грешам и ја разгалувам така не знам, и ја сум отворена за совети пошо и ова исцрпува, не ми е секогаш до игри.

Настрана тоа што денес ништо не успеа. На сила измивме заби и облековме пижами, и кажав време е за тоа, знам дека не сакаш ама нема избор дали ќе миеме заби или не. И си плачеше цело време.
Псле градинка изеде само 4 малини и еден малечок домашен сладолед со грчки јогурт. Друга тема вечна ми е тоа. Ќе видиме дали ќе се буди гладна.

 

Ќе ти се исплати трудот по некое време. Сега истите шали сам си ги прави, ај да видиме што има во запчињата, лелее брокула.. цц и компирче има.. ние му четкаме запчиња он си набројува што јадел. Нема да ја разгалиш, туку ќе стекне навика. А дека исцрпува, многууу

 

Подобро на игра и шала него со нервоза и дерење. Колку повеќе се вика, толку повеќе за заинатуваат.
Од толку што си играме, гледам и сама повторува и се заигрува, влегува во улога.
Не гледам ништо лошо, освен што на кловновите им треба пауза

 

Сте имале ли ситуација со насилни деца во градинка? Едно има во група што ги ремети сите. Еднаш ја турна ќере беше со модро чело долго време. Па ја касна. Па сабајлево пак ја турнал, ја раскрварил. И не само неа, со сите деца бил таков. Првиот пат реков ајде деца, се дешава, мали се толку знаат. Вториот пат ајде така, се дешава. Се скарале за играчка и ја гризнал. Учителката дури да се приближи биднало. И знам сама дека секунда треба. Ама трет пат?? Учителката беше дури растреперена, вика зборам, карам, не слуша, и со родителите стално збориме. Ама како што сфатив тие не се замараат многу. Не ги знам луѓето.
На ќере и зборам, знае да се одбрани ама секунда е ова. Што можам да направам?

 

Да се јавиш кај родителите? Не знам ни јас како би реагирала во ваква ситуација искрено