Совети и искуства од мајки за деца од 2-3 години

Син ми пола зима со црвени образи ја помина. Се заборавав да го намачкам или си викав ајде до кола само, не се задржува многу надвор, ама ептен му се вцрвуваа и не поминуваше црвенилото. Еден период со вазелин го мачкав, ама не помагаше. Му земав Атодерм интензив балсам и откако го мачкам со таа нема црвенило.

 

Имаш креми наменети баш за ладно и ветровито време. На веледа имаш еве ја

 

Мое дете склоно кон егземи, јас не ја мачкав ништо, а кај нас и ветер и дожд и снег. Од ноември навака се е ладно.
Некогаш исто со атодерм што ја мачкам за тело ако поминам на образи, ама специјално не. @Carolin.

Ден да видам кој, четврти веќе. Нема драма. Виде дека и дневна дремка може без цуцла, пошто од премор преска не знаше кај тера, па ја гушнав ко бебе, нишнав и заспа. Сега и значително пократко траше ноќното и не го ни побара цуцлето..
Ахам ама затоа недолечена некна што се дереше и дење и ноќе, вчера попладне пак почна да лае со кашлањето и ноќеска давав дексаметазон за ларингитот, да не дајбоже ја загуши. Плус секогаш кога е така, не спијам по цела ноќ од трауми и само гледам како дише, мерам пулс, сатурација, луфтирам.
Многу лоши искуства поминавме. Не дајбоже на никој.

А маж ми еј, значи љубоморна сум. Кај ова малово распрдено веќе од галење, па и со мама и со тато сакала да спие. Па мама да пушти музика за спиење, па цел ден веќе ме малтретира. Еве на од понеделник ако не и соберам сите играчки и ги фрлам. Само тие за на игралиште ќе и оставам, оти дома не си игра со ништо, освен до екран што чека да се докопа. Денес исто многу гледаше, да одмори да не влоши.
И маж еј, ја само штом пуштам музиката, готово захрчува и го снемува. Толку ме нервира, оти јас хронично не наспана и не ни можам да спијам кога малата ми е сумлива.

Па и на педијатар се жалев денска оти е засрипната веќе 3 недели, де ќе оправи де ќе ја фати. Ми вика од рсв нормално било така, да сум носела на воздух и ако морам и вечер да давам дексаметазон, да давам. Зависи како ќе проценам, не морало да им ја носам денес, ако не се подобри утре да сум ја однела.
Ама она е ок ко седи мирна и ко не се дере, само кога ќе се премори сега се закашлува. И така и неделава дома ќе си ја чувам.
Само да се живи и здрави. Колку се што правам само околу неа ми е, немам веќе никаква друга улога, никакво време за мене. Скроз се променив, а не ми беше таква замислата, ама шо да правам и на кај да терам, тоа е. Нека пораснат, па пак ќе се пронаоѓам.

 

Имаш колд протект креми од Веледа, Уријаж. Исто во дм имаш бејбилав и алверде, евтини и ок се со квалитет.


Се ближиме кон трет роденден, страв ми е да кажам ама по малку се намалија тие трескањата од земја за ништо. Далеку од тоа дека нема плачки и инаетење ама многу посмирена е. Не знам дали е затишје пред бура ама да поуживам додека трае

Со спиењево само не знам што ќе се прави. Ми се темни кога ќе дојде време за спиење. Ако е спиена во градинка 11 не фаќа додека да заспие. Нема што не пробавме - џабе.
Ако не спиела во градинка или за викенд ако не преспие преку ден, во 8-8:30 веќе легнува и заспива. Никако да фатиме ред и ко претепани сме веќе секој ден. Мене и 9:30 многу ми се гледаше, ова е ново ниво на лудило.

 

Ние постојано вака си играме, јас дури заедно со неа измислуваме приказни и сценарија и играме заедно, често рекреираме сцени од приказни, читав дека е одлично за поттикнување на фантазија бидејќи на тој начин и другите регии на мозокот се развиваат.

 

Од Ваикики и од Тему.

 

Како син ми да го опиша. И за смирувањето и за спиењето - исто! Во градинка спијат многу 2-2 ипол саати и после дома не можеш да го налегнеш до 10 ипол, некогаш и 11. Мнооогу ретко се случува да заспие пред 10. Општо си е дете што нејќе да губи време во спиење. Некогаш нема ни 12 часа вкупен сон во денот, а тоа е минимумот за нивна возраст. Да има како мислам ич нема да спие. За викенди дома на прсти се брои во последните 6-7 месеци колку пати има заспано. Темпирам шетање пред дремка за да заспие во количка па го префрлам дома иначе нема шанси да се убеди. А нефункционален е без дремка, мислам он си функционира де ама нервозен е, раздразлив и ако не е доволно анимиран станува неподнослив. А да го прашаш ти се спие ли, одговорот секогаш е категорично не, притоа со подочњак до колена и црвени очи. Ќе им текне еден ден колку е убаво да се спие.

 

Крема баш за ветер од ДМ на Аверде.

Мојот спие по 3 часа, ако стане пред тоа не се трпи, навечер борба, ама што да правам, подобро навечер да потрпам отколку ако го разбудам за 1 саат и после да е хорор цел ден.

Мојот господин син свечено се заљуби во нокширот како шоља, па мислам дека само за да “пушти вода“ седи и врши работа. Уште е во пелена, ама си седи си врши работа. Дајбоже до тоа да е, има да славам со торта!

 

Сега ме замисли, мојата во просек спие 11 часа. Ако ги отспала ноќта, еве како денес, веројатно нема да апие преку ден.
Ако не ќе прави дремка. Ако преспие повеќе од тоа време, се буди ноќе и седи будна.
Дома ако прави дремка ја остам по 45м до 1ч. После будам. Она секако не се трпи веќе цел месец..никаков ред се нема веќе. Овој премин од дремката до сега најтежок ми е.

Кога е убаво време и дете здраво, лесно е. Носам да се измори негде.
Ама кога врне и дома, ми се плаче.
Па и од горе ко ќе кажат мајките но нивните во 8ипол заспани биле, ми иде да им ја дадам.
Кај нас малата кога сме двајцата дома, не се поднесува од глупости. Чека едниот, па другиот како ќе реагира. Па ако едниот не рекол не, оти нешто друго прави и не ја видел, исто ко ни другиот да не кажал.
Кога е маж ми во хоме офис и она дома, ми е екстремно напорно. Треба да ја пазам да не оди кај него, а она се таму сака. Па после и он се жали и така.
Да оди малата во градинка. Еве во месец фебруари само уште не била. Во јан беше 1 недела. И така секој месец, шо заради градинка затворена, што ради болести, што демек за одмори а од одмор ни О.

 

На зима му ставам, затоа што ептен му се сушат образите и како егземи му се прават. На Веледа кремата за лице ја користам, пред излегување го мачкам на лице и нема така проблем.

 

Џолин, ќе заспива и твојата ви 8:30 кога ќе нема дремка, ќе видиш.
Јас месеци и месеци идев против детето и упорно го запивав на пладне и тоа со сила, не сакаше да запсие и по еден саат или два го заспивав.
Оти и во градинка рекоа мора да спие.
Ќе дојдеше вечер и јас преморена, нервозна оти не спие, секоја вечер до 12 и на крај заспиваше со плачки зошто јас ќе изгубев нерви и ќе му викав.
Ама не можев веќе, сама секоја ноќ, едвај чекав да заспие за да средам, да направам ручек, да имам време за себе и на крај заспивав пред него, откако 3 саата читав и раскажував книги.
Реков доста е, не ме интересира како треба нема да го заспивам.
Имаше кризи, околку 2 недели беше така, потоа фативме супер ред, 7:30 во кревет до 8 заспан.
Ни да мрдне до сабајле некогаш дури и до 9 спиеше.
И денски си беше одморен и расположен.
И сега кога се врти мм, пак му се поремети спиењето оти сакаше што повеќе време да биде со татко му, одвај го заспивавме, а денски се дешаваше да заспие зошто ненаспиен…ете сега пак ќе пробам да го фатам редот, оти без тој ред апсолутно не можам да функционирам.

Така да верувајте дека макар и пола саат дремка на пладне значи незаспивање до ниедно време.
Очигледно не се сите деца по спиење

 

Идеално за нивна возраст е 1 ипол саат дневен сон, ама секое дете си е различно. Син ми во градинка викаат спиел 2-2 ипол саати. Некогаш и дома спие толку, ама се зависи кога станал сабајлето и кога заспал за дремка. Ако е покасно не го оставам повеќе од саат ипол зошто вечерта уште потешко заспива. За нив од 12 до 14 часа се смета дека треба да спијат, ама пак ќе речам, секое дете своја приказна.
Тешко е кога се дома и кога се ограничени активностите заради болест, временски услови и слично. Еве неделава како што ќе врне цела недела, не знам како би го анимирала цел ден ако не одеше во градинка. Едноставно е преголем денот и си бараат многу внимание. Син ми се заигрува и сам, ама и многу бара наша (читај моја) вклученост во игрите. Татко му не е баш тип на човек што знае да заигра дете. Он се труди ама едноставно не му доаѓа природно и затоа цело време е мамаа дојди, мамаа мамаа мамаа. Јас пола работно време сум дома, пола во канцеларија. Дур е во градинка дома завршувам домашни обврски, па одам во канцеларија. После го зимам и се префрлам дома. Милион пати работам и откако он ќе легне, зошто многу често не дозволува да седнам на компјутер, баш тогаш нешто сака и измислува триста глупости за да ме спречи да работам. Пишав и погоре дека вода многу не “спасува”. Му полнам голем сад со вода и многу долго си игра. Пробај такво нешто, мислам дека нема дете што не сака да игра со вода.

 

Да знам. Она без дремка е заспана веќе во 8.
Сега проблем е што беше болна, па цуцла што тргнавме. Во мк, па после тука и само лигавење остана.

Кога се изморува не е толку проблем спиењето. Саат време, па и саат ипол си ги спие. Сега исклучок е.

Ја оставам да си поигра во бањата на умивалник. Таму претура садови вода. Со пластелин игра само со придружба. Песок кинетички не сум пробала и не пробувам. Надвор нека игра.
Магнетни и лего коцки можам слободно да фрлам, нема ни да примети. Кујна и е само кога и се кака, па таму се заигрува, инаку стои така.
Сложувалки сака, ама ако не сме до неа прави глупости, ги витка, ги кине, ги јаде, па така скоро сите се казнети.
Боенки и боички има, истото како со сложувалката, ако не си до неа, бои по под и по комода, па пак крка казна.
Монистри претура, ќе и здосади и ќе почне во уста . Со бебиња и плишани скоро па и да не сака. И сума сумарум, колку и да се трудиме, колку и да објаснуваме, тестира граници и од такт не вади.
Со мене еве готви, раздига, алишта стваа-вади.
Пробувам да не сум гласна, да не забранувам се, да има слобода и да игра и да истражува, ама е многу многу работа со овој карактер што го има.
Сега откако тргнавме цуцлата, овие денови не ни сака да дремне, ептен ко ќе се премори и не може веќе.
Инаку кога сака и си игра сама и книги си чита и се. Ама сега е буквално веќе не знае кај тера. Граници кај нас не се поместуваат и ги знае сите нешта што смее, а што не и пак и пак и пак.

Надвор ладно ветер дува. 1 степен нема. Единствени бевме на игралиште, ама мораше да сврти еден круг. Па и од таму не можеш да го прибереш. Ама ај да се подоздрави и од понеделник прва ја носам таму, да одморам малку психички.

 

Фала ви за препораките, моево има нормална ама и некако посува кожа во зима, ама мм има псоријаза, егзема што не жива мака со него не знам по колку доктори, оџи, попови сме биле не се решава тоа така лесно. Само детево да не ка наследи.


Иначе и моево протестира со спиење, многу пати татко ми кога го земал од градинка во 2и30 тогаш го будат. Он ако се успие може да спие и до 3 часа на пладне. Јас дома на саат, саат ипол макс го будам, без дремка е неподнослив, тоа никако. Затоа после градинка навечер сме хаос 10 не фаќа некогаш и повеќе, знам дека е таму пренаспан ама нема што да правам.. кажуваат дека сам заспива без мака ама ако не го разбудат нема да стане иако сите деца се станати он си се успива не му смета галамата. Како ке наголемува знам дека бетер ке биде

 

Исто и мојата не сака да спие, и не се водам по стандарди за таа возраст. Без дремка дневна, станата во 7 па едвај ја заспивам 9ипол. Со дремка во градинка најрано 10-10:30, ама со сила е се, ако ја оставам сама до 12 ќе си игра најверојатно пред да клапне.

 

Добро ја мислев само моево е дете што никогаш ама верувајте никогаш, нема сама да легне и да заспие. Не се десило. Не знам како да објаснам. Станува у 7, не спие за дремка, вечерта во 7 веќе глава и паѓа она ми вика не ми се спие. Мора со финти да ја донесам у соба за некако да се успиеме. Не разбирам стварно. Изморена, изиграна истрчана, џабе е се.
И иста приказна, ако спие на пладне заспива вечерта после 10 ако не во 7,7ипол ја заспивам. А не и е проблем да завлече со спиење, проблем е да заспие

 

Јас сега ја будев, значи вечер 10 не ни бега, иако само еден час ја оставив да спие.
Ја гледам изморена, се зева, трла очи. Дојди да спиеме, не не ми се спие, не сакам.
Ок. Ајде јас ќе спијам, еве ти книга ти читај ги. Ок, да Ок.
И така седејќи додека јас лежам се преправам дека спијам, заспа. Е после си завлекува и не можеш да го разбудиш. И во градинка најдолго си спие од сите деца, ама и таму последна скоро секогаш заспива.

 

Многу ми е мака што немам душа ни време за себе ич од нејзиното неспиење, нејзе не и смета тоа што спие помалце, ама дома папсани сме. Се секирам и во иднина ако остане така како ќе наоѓаме сила да се издржат деновите... Како издржувате?

 

Ќе сменат и ќе станат понезависни. Нема да се вечно вака. Ама па и нешто друго ќе почне и така. Нема спиење повеќе, тоа е. После па ќе се грижиме за училиште, па излегување, дечковци, студии, на крај ако се одомат и се си има нешто
Донекаде се во право кога ќе кажат мали деца- мали проблеми.

Јас не смеам да се жалам оти сум дома, не одам на работа, ама уствари ми е многу стресно психички.
Никогаш не сум била тип на човек што не работел, немал свое време и интереси, и ете сега сум веќе три години дома и ја имам изгубено мојата самодоверба и не знам дали се уште сум во состојба да правам нешто. Да се вратам на работа многу сакам, ама и многу услови се кои мора да се исполнат па сум баш за никаде.
На маж ми му треба 45мин до работа, што за тука е нормално, ама си е многу. Што значи јас морам работа во близина на градинката да најдам, па мора да е од 8 до 13часот само, па не сакам викенди да работам и поладнде оти немам концентрација навечер. Па да е флексибилна работата и да имаат разбирање за болно дете и за затворена градинка и така и демотивирачки ми делува се.
Да искористам прилика да се исплачам. Се извинувам.

 

@јolene како да се читам. Ете ме од бременоста наваму сум дома. Август ... 4 години ќе направам. Мене многу негативно ми делува што сум дома. Никогаш не сум била домашар и многу ми смета што сум. Мене ни детето не ми го примаат на градинка зошто сум дома. А како да најдам работа кога нема кој да ми го чува. Зачаран круг.
Јас се надевам дека овој септември ќе почне да оди малку да се посветам на мене. Од што се запоставив, станав како топче, 10 кг вишок имам. И нормално и тоа додатно прави да се осеќам депресивно.
Се ми е собрано. Дома обврски, дете, маж доаѓање во 6 поручек од работа, свекрвата скоро оперирана. Свекор кој се наоѓа само за до продавница да пазари и така да го прошета синко на улица ако е убаво времето. Фала му и за толку. Ама се грижам буквално за сите, а за мене никој. Тоа е жалното. Ама ќе преживеам се надевам.
Ете и јас сакајки да те утешам си се искажав и пожалив. Не си сама, не има многу. Те гушкам