Совети и искуства од мајки за деца од 2-3 години

Моиве спијат сами во детска веќе 2 недели цели, јас уште не верувам
Немислев дека ќе биди оклу лесно. Искрено ко преродени сме со мм само што јас си ја имам несоницата и ќе ми треба време за да си го вратам сонот.
Се случува да приплакува в сон малово ама одиме таму го презаспиваме, 2 3 пати така во овие 2 недели.
В градинка оди и таму ништо не зборувал, ништо да се чуди чоек, дури и кога в кола до дома не зборува ништо не плачи ама знај да заплачи некош, ама мора да оди и тоа е. Денес цел ден надвор без дремка заспа во 9 и пол. Тантрумите секојдневие.

 

Женска, а да му исфрлиш дремка?
Ќе има период кога ќе биде хаос ама потоа верувај дека нема шанси да издржи до толку касно да не спие.
Инаку екстремното понашање е резултат на недоволно наспиеност. Мојов сум го приметила дека така во круг кога ќе се зареди да не спие повеќе од 10 саати е многу, ама многу тежок за справување, а кога е наспиен е друго дете.
И јас сум дома со него знаеш, плус без мм, тешко е на оваа возраст да анимираш постојано, ама јас ќе ти ја споделам мојата рутина па може ќе ти помогне.
Се будиме сабајле околу 8-9, директ заедно во вц на миење и сега се учиме да седи на шоља и така заедно седеме.
Па одиме да правиме доручек, често прави со мене, а ако не планирам да прави, одвечер редам некоја игра пример хероите ќе ги наредам на маса демек го чекааат, ќе направам штала за животните итн, тоа му е многу интересно кога ќе стане и одма да има игра.
Потоа се гониме еден саат да се облечеме оти тоа е најтешкиот дел и одиме надвор.
Секој ден одиме во парк, школски дворови, некогаш се шетаме до едно место во природа, се возме со точак, тротинет, земаме колички во парк си игра со децата( секогаш носам по 3-4) да има за другарите.
Обавезно сме надвор до ручек, значи добри 3-4 саата. некогаш и повеќе.
Ручек најчесто е нешто брзинско, полуспремно или купено, немам време за се, а бидејќи он е пребирлив, гледам ручекот да ми одзема најмалце време.
Е тука често пошто е изморен а дремка нема, пуштам цртан и го легнувам да одмара додека готвам.
Откако ќе јадеме си играме нешто по дома, борење му е омилено или цртаме, некои глупости играме, некои денови околу 5-6 се качува кај баба му да поиграат ама тоа е најчесто пола саат додека ставам кафе или измијам садови и он се враќа и свечено најавува дека завршиле гостите.
Околу 6-7 се тушираме или бањаме зависност од денот и ако се бања го оставам така доста време да се шлапа.
После тоа се спремаме за спиење и најчесто заспива со раскажување приказна, читање или гледање некој стар дизни цртан и обично заспива за 15 мин макс, ако е станат рано, изморен и без дремка, заспива без борби.

Е сега он не останува заспиен оти станува обавезно до 12 уште 2 пати и го презаспивам, ама тоа трае кратко, обично станува за млеко и ќе почнам некој приказна он веќе е заспиен.
Јас после него чистам, средувам и спремам за утре ако треба нешто и седнувам да цртам и гледам серија докај 1 кога легнувам и така.

 

Мојов таков беше кога тргна и зареди тогаш цели 5 недели, ама првите 3 седеше дури замислен дома

 

Фала на советот. Ама кај нас е проблемот сега исфрлањето на цуцлата. И сега се мачи без неа. Му се спие се гледа ама не знае како без неа. Денес бараше на лулка и заспа по 15 мин. Вечерта кога почна да му се спие пак побара да го лулам. И кога почна да му паѓа главата во соба и таман завлече, маж ми влезе и се размрда и пак 11 не најде. Не е спремен тој да му се исфрли дремката. Туку да најдеме начин да заспива без цуцлата.
Пробав да ја заменам со некое мече ама не прифаќа. Приказни песни раскажувам пеам по цели два саати,без глас останав ми се чини и пак ништо. Пред тоа си имаше добра рутина 10 навечер ми заспивапе, 8 станат. Два саати обавезно спиеше преку ден. Сега се се измести. Ама не се откажувам. Ама никогаш не верував дека цуцлата толку може да ни го изремети мирот и редот. И дека тој толку зависен бил од неа.

 

Да верувам дека проблемот е цуцлата, мада не знам совет за неа да дадам, моево цуцла одвај до 6м ако цуцаше и тоа ретко, не ја сакаше и скроз без проблем ја тргнав, ама и никогаш не заспивал со неа, ама градата му беше цуцла така да.
Не знам тогаш ќе помине вајда за некое време, мада може и 10 реално му е доцна, скоро ти и да немаш време за ништо после тоа.
Јас вака што заспива рано се препородив, искрено дремката на пладне ич не ми фали да ја има, барем знам дека ќе заспие рано без мака, онака со дремка макар и пола саат беше хорори.

 

Јас после заспивање не правам ништо по дома. Што завршам до пред неговото заспивање тоа е. Туку си седнивам пуштам нешто да гледам слушам и си кулирам. И така не можам да заспијам, мака мачам со тоа. Барем вака си го дадам времето за мене тогаш. Е сега тоа време го немам од што дечково не знае како без цуцла.
Убаво што не ти фатил цуцла. Поголема мака од ова не сум имала. Од доење се одбивме без проблем. Ама цицлата го тешеше
А сега нема што да го теши. Ваљда ќе помине. Ако не ќе пробам твојот совет и избацам дремка, иако ми е мал за без. Фала ви. Значи и малку што се искажам овде и излезе од мене и добијам искрена поддршка.

 

Мака видов кога ја одвикнав од цицање, градата и беше цуцла, ја држеше и заспиваше.
Хорор беше неколку месеци, мислев ќе побудалам со спиењето. Сега се регулира и се е полесно.
Издржи, број дека секој ден си се поблиску до целта и секој ден ќе биде полесен од претходниот. Тоа е процесот.

 

Не и давај лажна надеж. Камо да се смени нешто кај нив. Ама мојов еве го од Септември е без цуцла и откако не користи се смени заспивањето и така си остана. Вечерва официјално ме пукна, саат ипол во темното муабети врзуваше, дури сега пред 10 мин заспа.

 

Денес заспа во 21 часот. Ама немаше дремка. Ми заспа во кола на враќање од прошетка и се разбуди кога стигнавме дома, и не сакаше да продолжи. Цел ден беше со тие 15 мин. И го гледам му се спие ама дава отпор. Ела сине да се луламе на лулката. И заспа во неа за три мин. Ќе видиме до кога ќе спие. Или од 5 ќе си играме

 

Исто значи, не за цуцлата за успивањето. Во градинка си има дремка, после јас си го кркам по дома. Следствено на тоа што секој ден се буди во исто време за градинка и во викенд е станата рано, рано. Пак си има дремка.

Мислам дека од по 3-4 недели кога ќе се смени времето и полноќ ко ништо ќе не фаќа, додека се влезе во шема.

 

Исто е и кај нас, кога и да легне рано станува. За викенд максимумот му е 9:30 и тоа со маж ми славиме ако не почасти до толку. Ако стане со кокошките, во сабота едниот станува со него, недела другиот, за да поспиеме барем уште саат време. Во текот на неделата некогаш станува сам за градинка, ама многу денови и го будам зошто ете како вечерва имал лејт најт шоу од саат ипол и не му се станува. На менувањето на саатот скроз заборавив, ќе биде журка.

 

Чим е без дремка ќе спие до сабајле. Јас кога бев на твое место не се откажав од заспивање преку ден. Правев што правев, и сеуште правам де, ама спие дење. Премал ми е некако за да нема дремка, а и му се познава дека му треба сон. Знам деца на негови години што немаат дремка ама имаат “мирно време” во одреден дел од денот. Кај нас тоа не е опција зошто си е беснилце и не знае да е мирен. Ние во последно време некоја нова фаза имаме. На сред дремка се буди, доаѓа сам во дневна и се гушнува во мене и продолжува да спие. Не смеам да го оставам зошто одма се буни и се буди, строго врз мене треба да спие. Како бебе не правеше мислам вака, сега што е ова не знам.

 

И јас пробав да го успијам ама почна тантрумишта да ми прави и го оставив. И мене ми делува дека е мал. Ама кај него со сила ништо не оди. А ако е начин да немаме проблеми за ноќно заспивање и да сме без тантруми преку ден. Па и нека го без дремка. Колку и да ми делува мене дека е мал. Ќе видиме како ќе биде. Се е одраз сега на тоа што ја тргнавме цуцлата, и не знае да заспие без неа. Инаку мирно време имаме ако му пуштам тв да гледа во соба. Тогаш лежи и не мрднува. Ама не практикувам тоа многу. Баш кога ми е густо и морам нешто да завршам тогаш тоа
Инаку пред малку се разбуди и дојде кај нас во кревет. Бараше да го шетам низ куќа. Ама му реков дека ме болат рацете и дека ќе го испуштам. И легна, во мене се пикна и заспа. И јас ала од кревет ќе паднам. Чекам да завлечи да го вратам во креветче

 

Нормално. Ако гледаш дека без дремка функционирате подобро, нема на сила да го тераш да спие. Кај син ми тоа не е опција зошто станува нервозен ако е без дремка и не можам викендот да му терам еден ред, а преку неделата друг, во градинка спијат. Знаат да заспијат и без цуцла, не е дека не знаат. Ама ете кај нас конкретно кога се тргна цуцлата, се замени со приказни, сликовници и муабети зошто мораше нешто да се додаде во рутината како замена. И сега он дур не си се искаже и не испраша сѐ што му е замислено не заспива. И не е тоа лошо, си има зошто е така, само што некогаш е исцрпувачки. Не знам како заспива син ти, ама ако не си пробала време е да пробаш да раскажуваш приказни.

 

Кај нас читање и раскажување приказни можеше пред да научат да поставуваат прашања. После тоа се претвори во маратон со милион прашња и баталив зашто место да заспијат побрзо остануваа будни подолго. Вчера пробав пак, во 10 мин прашаа 100 прашања и на крај не знаев дали да се смеам или да плачам

 

И приказни и песни. Глас немам. Ама овие два три дена на лулашка заспива. Ете сега заспа по 10 мин лулање. Инаку не сака воопшто да легне. Ќе се стабилизира треба време.
Било ден не било време за спиење и бега и никако не се убедува.

 

А како заспиваат? Кај нас друг начин не постои. И он поставува 583950 прашања, ама пак морам да раскажувам. Ако му речам ајде доста спиј сега, се нервира и се дере на цел глас “кажи приказнааааа”. Не знам ни во кој момент заспива зошто Х пати заспивам дур раскажувам или ги мешам приказните, па ме корегира и ми вика не спиј!

 

Кај моите кога сме и син ми заспива на таков стол за лулање. Се смеевме дека татко ми како подарок за пензионирање го доби, ама внукот го користи повеќе од него. Таму кога одиме се превозбудува и ич нејќе да спие, лулашката ни е спасот.

 

И мојот заспива со муабет, прашања и приказни. Кога завршуваме кажуваме добра ноќ и толку после демек спијам јас, он си побрблува уште 5 минути ама гледа дека не го рецкам и заспива. Не сум репер пошо мојов релативно лесно заспива, под лесно рачунам барем пола саат муабети и приказни ама не прави драми за легнување. Мене околу спиењето а и општо ми помагаат најави пред да правиме нешто, дека за 5 мин ќе спиеме или ќе искачаме или било шо и така не праи проблем, знае да се бунтува ама генерално се разбираме. Инаку ние кога ја тргнавме цуцлата замена му стана галење, па еден период ме држеше за прст, па после за рака и така си наоѓа комфор пред спиење, пропратно уз приказните.

Да начнам едно друго прашање, дали вашите деца јадат сами? Да си седнат на маса и да си изедат оброк сами? Мојов значи во градинка океј бил, споро јадел ама сам јадел. Дома ако го остаам сам да јаде повеќе муабет праи одколку шо јаде и јаде по саат време со сто пати повторување јади јади јади, немам ни време ни живци толку да го чекам. 3 години е иначе. Ако имате некој совет за самостојно јадење кажувајте

 

Ние класична пластична лулаша. На врата ни е закачена ама не пали секој пат. Кога како