Совети и искуства од мајки за дечиња 12-24 месеци

Е јас легнувам со неа 9-10 и добро ми е, дури некогаш се будам дали дека така навикната со помалку сон. Никако не ја бива

 

Навикната си да се будиш, ќе потрае недела две па ќе си дојдеш во нормала со небудење ноќе.

 

До следното бебе

 

Здраво мајки од Козле ни рекоа дека треба да направиме потен тест за цистична фиброза.. Премногу сум исплашена Доколку некоја мајка го има правено ова испитување ве молам споделете искуства секое мислење е добредојдено,ви благодарам.

 

Ова нели го прават при пораѓај? Јас знам кога се породив ми рекоа во наредни две недели ќе добијам повик ако нешто не е во ред, баш за цистична фиброза и тироидна беа испитувањата.
Зошто ви рекоа да го правите?

 

И јас читав дека е воведен како задолжителен скрининг во родилиште од 2019 година ама ништо не ми спомнаа на гак. Докторката ни рече поради чести наоди да направиме,алергии се исклучени како причинител. Исто така и поради ИгА дефицит е подложен на чести горни/долни респираторни инфекции,минатиот месец имаше пневмонија едвај со сумамед и инхалации се излечивме. Сега пак во мај тт 39,7 крајници отечени со налепи и црп 51 си заработи повторно атб..На имунолог исто така одиме секои 3 месеци правиме контроли за имунитетот, имунологот ни кажа дека честите разболувања се поради ниско ИгА ама не ни спомнала до сега да го тестираме за цистична фиброза.

 

Мајки веќе со месеци му е низок хемоглобинот на син ми и докторот конечно ми даде малтофер сируп. Насабајле и навечер рече по 5мл. Е сега давам и витамин Ц по 8 капки, можам да давам исто насабајле и навечер од нив заедно со Малтофер? Има некој така давано или многу е таа доза за дете од 19 месеци? Кога го прашав докторот рече нема потреба од витамин Ц ама јас давам сепак.

И да ве прашам за подетални испитувања кај стручнаци за хемоглобин во Ск кај можам да направам? Што точно треба да се испита? 92 му е моментално. Постојано јаде убава храна богата со железо, овошје исто јаде доволно и никако не е подобар хемоглобинот, па затоа ми е на ум дека има некој друг проблем.

 

Дали оди во градинка? Ако не, да го запишеш. За мене најдобрата одлука, од 8 месеци оди и феноменално и е таму.

 

Ние го правевме ова испитување ради ниска килажа и напредување кај малиот после 6ти месец. Не е ништо страшно му ставаат на детето како алка и во неа се собира пот од детето отприлика околу 20 минути пола час трае. Кај нас испадна негативно дај боже и кај вас да е така.

 

Дај боже..Ти благодарам многу на споделеното искуство. За колку време имавте резултати?

 

Мислам дека веќе следниот ден имавме резултати ама не можам да се сетам точно пошо тогаш лежевме 20 дена у Козле и хаос бев со паметот...

 

Ние правевме испитувања на хематологија, излезе понизок феритин, ни рекоа исхрана без житарки и млечни производи, само овошје, зеленчук, месо и и јајца, и терапија со ферум сируп и вит ц.

 

Нас ни ја препорачаа Билјана Чонеска од систина, со големово исто така хемоглобин 90 стандард му беше и само терапии со железо примаше и јас реков доста е мора да видиме што е проблемот.
Билјана од одма ни кажа дека е бета таласемија, наследна, ни бараше наши последни крвни слики, и испадна дека е наследна од мм. И тој после толку години си дозна дека е анемичен , решивме и да се тестираме за истото во ману и испадна како што кажа др. Ептен сум задоволна од неа..ама само за работи поврзани со крвна слика

 

А зошто не житарки? Јас често му давам житарки и ме интересира причината зошто не треба да се дават во ваков случај?

И јас сум постојано со ниско железо и анемична, можно е и да е наследно зашто и во бременоста бев анемична, примав терапија ама не ми се подобруваше нешто многу. И што понатаму ако откриеме дека е наследно? Што ви кажаа на вас може ли да се среди тоа да не остане така или има ли штета ако му остане?

 

Житарките пред конзумирање треба да се киснат 6-8 часа, за да се исфрли фитинската киселина која спречува апсорпција на хранливи материи од житарките. Се перат, па се киснат, па се перат па се варат.

До кога ги возите децата во количка? Моето е научено да се вози кога шетаме. До парк во количка па после си оди по патеката. Или по нашата улица си оди без проблем...

 

Нема штета, добро е да знаеме да не е цело време со терапии со железо бидејќи секако немаат ефект...
А ни даде да пие цело време метилирана фолна и витЦ, ни објасни стручно зошто ама не се сеќавам баш на причината

 

Количка за низ парк ако знам дека сме само саат два не носам, и зимам тротинет нешто така. А ако сме со план за подолго обавезно, зашто знам ќе преспие и да бидеме раат.
Задолжителни за шетање се соленки кај нас

 

Може не е за оваа тема прашањето но, малава има сува кожа и од старт и погодивме еуцерин купка со биодерма крема. Пред некое време снемавме и ја шлапав со Хип и Бекутан и почнаа лишаи да и се прават, пантенол ставав и ем и се подобри кожата ем преубаво мириса, а кој користи биодерма знае нема никаков мирис, дури ни нежен. Прашањето ми е која друга крема за тело ќе и одговара, а да не е крш како Бекутанот ама да има мирис убав?
Веледата жолта не и одговара.
Не е морално , најбитно ми е да нема проблеми ама кога легнуваме навечер толку меко убаво ми мириса, милина.
Онлајн на Зегин ја видов Мустела cold (ваљда не е само зимна крема), добра е (да хидрира и мириса)?

 

Ниту една крема наменета за сува и атопична кожа што ја имам дома не мириса. Го бањам со маслената купка на Биодерма која има препреубав мирис кој си се задржува (два пати неделно го бањам).

Прашањето ми беше за количката дека веќе голем бил, зашто го возам сеуште?! А он јаден само со тоа возење успева да одмори.
Не знам колку памтите лани на 9 месеци имаше 12.5кг, сега е едвај 11кг. Како почна да лази, не е застанат.
А да, задолжително е и кај нас нешто за лапкање. Банана, па шмукалце, па смоки...

 

Мустела јас користам нема мирис да мириса убаво ко парфем. Туку неутрално не знам како да дефинирам подобро.
На мојата и одговара мустелата.

@Freckles. Мојава 10кг рамно и остана така. Не мрда. Ние количка не памтам кога сме користеле последен пат. Надвор нон стоп сме турбо трчаме не застанува и јас по неа, ослабев сирота