Совети и искуства од мајки за дечиња 12-24 месеци

Не би знаела да ти одговорам на тоа зошто плукаат. Значи јадење кое пред три дена го јадеше со сласт и три пати бараше да му ставам, денес го плукна. Или изеде пола чинија палента и почна да плука. Никаде нзс не наоѓам искрено. Фала богу што се уште вечера, изгледа му е гладен газот, па вечерата ја јаде.
Јас не давам заменско, со надеж дека ќе се оправиме. Ама ако продолжи така ќе морам. Внук ми е 6 месеци помал од синко, ко батко му е на моето. Мајка ми покажувала слика на некого, аааа на ќерката најмалечко
Не дека тоа ми е битно, ми е гајле што е поситен од внук ми, секој за себе си е. Ама пак ќе го намалиме хемоглобинот, а таман го кренавме. Никогаш не е бил многу низок до душа за да мора да пие суплименти, ама пак на долна граница или две три единици под неа. Зошто да биде така.
Ќе се трудиш, ќе правиш за да му биде убаво и здраво, а ти на крај го даваш на кучето од комшиите.
Криво ми е како си јадеше со мерак да го гледаш, што стана ова вака да нејќе ништо не ми иде во умот.

 

Од вчета почна некако зачестено да трепка. Прво ми изгледаше како да си прави интересно и си игра, ама сега на моменти ми се чини дека нешто го мачи. Од што би можело вака да е и што да превземам?

Со храната уште не е вратен во форма и почнувам да се нервирам зошто е ослабен. На вага вика девет кила, ама луѓе само уши му останаа на детево. Прееска му облеков панталони 12-18 и му шлапаат, уште едно дете може да влезе внатре. Искрено плачка ми дојде што е такво ситно. Исто и како да не расте во висина. Сама го мерев прееска, 77-8цм, а 1 ипол година има. Нели е ова малку? Не сме ние некои многу високи, ама не сме па и ниски. Уште болести и нејадења ми фалеа, како малце да се нервирав што е ситен. Барем јадеше и си викав ќе пркне, а сега како….

 

Трепкаше и кај мене тој период.. Како да свати дека може
И кај мене е најситна. Ама да ја видиш на лулашки. Ураган. Тоа ми е најбитно

 

Трепка и се гази од смеење. 22 месеци е, пред 2 месеци затнуваше уши. Мислам дека си осознаваат делови од тело, сосем нормално.

За ова другово, 10 кила е, исто до кај 80 цм е и да уште носи 12-18м. На воздух и по некое лепче живее (доаѓам тука да читам за деца нејадачи само да си дадам утеха дека не сум сама) И ние не сме високи со маж ми...кога прашав педијатар ми рече дека од 3 години натаму удира генот за висина, сега не е репер нашата висина, секое дете во свое темпо да не му се секирам.

 

Мојот е 21 месец, 9,300 е 80цм а ни јас ни мм не сме ниски. Уште носи 12-18 и од нив пола му е широко освен ако не е нешо слим фит или хеланки. Искрено и јас сум загрижена од сите деца на негова возраст е најситен ама тоа е некако се помирив..

Иначе да ви кажам пред извесен период имаше стомачен вирус и исповраќа детево мое прееееемногу шлајмови. Два дена после тоа почна сам да бара и да плаче за јадење, а пред тоа исто мака мачевме за неколку залчиња. Со мм имаме теорија дека можно е желудникот да му бил полн со шлајмови и дека можно е ради тоа да не јадел, пошо сеа се фаќаме за глава детево како јаде и плаче за јадење секој ден. Еве не знам. Се надевам само и давам се од себе до роденденот да стигнеме некако до 10 кила. Ќе видиме..

 

Јас и давам пиковит малку, за имунитет и за апетит. Исто имавме проблем со вирусиве со слабеење, сега јаде како дупнато Јас сум некогаш против суплементи, ама одбрав да дадам сега и има напредок.

 

И он е мнооогу активен, не седнува. Ама па сите/повеќето деца на таа возраст се и не сакам со тоа да се тешам. Си прави сѐ соодветно за возраста и освен што уште нема некој конкретен збор, во развојот ништо не ме загрижува. Ама ова со качувањето кила и висината мислам ќе ми биде секогаш ‘комплекс’. Во висина расте, не дека не. Приметувам по мебелот дома. Беше под трпезариската маса, сега е над неа и слободно си зима што сака. Ама кога ги видов бројките се некако ми се чини малку.

До три години ќе се туфкаме значи. Абе и маж ми бил такво ситно дете и ем го знам тоа ама пак сум со прашалниците во глава. Знам и дека растот забавува после првата година и ги нема тие growrh spurts како до 12 месец. Сѐ ми е исчитано, ама ајде де..

Таа е маката што колку и да не сакаме на крајот пак си ги споредуваме со врсниците. Син ми изгледа помало од деца од кои што е поголем на возраст. Дали така се погодија околу нас се крупни дечиња или јас си правам филм, не знам. Нормално дека ми е најважно да е жив и здрав, ама бубачките си работат во глава.

Јас ќе почекам уште некој ден да видам дали ќе му се врати апетитот. Синоќе го завршивме антибиотикот па да видиме. Кој ти го препорача Пиковит и како го дозираш? Колкава концентрација на Ц вит и Д3 има во него? Каков напредок гледаш, не се разболува толку често, јаде повеќе? Се врати ли во градинка? Јас решив да го почувам уште некој ден дома, здравје можеби кон крајот на неделата ќе го пуштам.

 

И јас сум била ситна. Верувам на мене дека е. И имунитет, да не подречам супер. Атб еднаш има пиено. 2г и 4м е, а оди во градинка од 9м. Што ми е уште побитно.
А на јаболки може да живее.

 

И моето имаше период на трепкање, и и помина, сега не сум ја забележала одамна.
А за ситна ситна си е, и не е некој јадач и мојата. Девет кила исто, ни нагоре ни надолу. Си носи уште од 9-12 некои работи. Инаку година и 8 м имаме. Ама најбитно од се е што не застанува, сила има, дури и мојата ја троши. Зборува поприлично за незина возраст. Тоа ми е многу побитно. За растење, ќе пораснат. А и што викаш не сме и ние некои големи, па нормално и таа не може да биде. А и исти сме биле со мм додека сме растеле.

 

Имав препорака од педијатар, се решив за ова, бидејќи е стар сируп уште од времето па ми дава некоја сигурност дека е ок, не е новокомпониран. Во моментов и отвори ептен аптетит, ќе видиме за имунитет. Ја чував 2 недели дома, ми се врати детето на старо и по боја на лице и тежина (плус е), од денес пак почнавме па ќе видам и ќе споделам како ќе биде.

 

За слаби деца не зборувајте. Некни на роденденот носеше мајца 86ка, како фустанче до колена му беше. Само стомаче има, друго се е сплескано. 98ца се повеќето поклони, се мислам за прво одделение ќе му се таман. А си јаде убаво, не е нејадач, ама едвај 10ипол кг на 2 години има.

Ве читам за цице. И мојот а ме виде за блуза ме тегли, заспива со раката мушната внатре дури и се тегне сака цел да влезе, а нема појма цице што е на ад е од 2 недели. Така да осигурете се прво дали стварно бараат цице или само близина

 

Луѓе, бројам денови до крај на 10ти скок.
Навечер е хорор за заспивање, мрда со нозе, со раце, неможе телото да и се смири, и се спие, не сака да заспие, си збори на нејзино си раскажува, мозокот 300 на саат.
Верувам дека е голем предизвик за нив овој скок ама мене ме умре
Денес назад во градинка, пак на 30-40мин. Се надевам 3та среќа ќе се покаже како добра и ќе биде успешна.

 

Кога ве читам дека не има повеќе со шпагетки деца, малку ми е полесно. Уште некое зборче да чуеме и ќе се опуштам. Почна деновиве да вика мамамама кога нешто не му е погодено и кога се жали. Иначе воопшто не ја користеше буквата М. Знам дека не е со значење, ама надежно го чекам тој ден.

Ова е сѐ што содржи? Зошто прочитав и Ц и Д3 дека има, а тука не ги гледам. Ме интересира конкретно за нив зошто ги прима и одделно како суплемент, па кога би се решила да го дадам сирупов да не го предозирам.

 

Моиве ги одбив пред 5 месеци, едниот одма штом ме види става рака на цице а и навечер исклучиво така заспива. Ако се разбуди навечер одмаме бара да пикне рака и презаспива одма

 

Ќе почне, сега во градинка се ќе почне. Секоја вечер ги реди децата од градинка, кое плачело, кое се тепало, кое јадело... Една Каја дома ни е главна тема. Вчера спакував нови нови тренерки, во должина мали, во ширина уште едно дете да влезе.

 

Да, приметив дека од градинка ептен попримува. 3 недели одеше и почна да прави многу нови работи. Да се поткрене и ќе го пуштам пак. Ете го денес ми изгледа дека се враќа во форма со јадењето. Цел ден нешто меле. Многу се потресувам јас да не јаде благо, да не јаде грицки. Гледам околу мене ретко кој се замара. До скоро Стоби Флипс немаше пробано, уште бебешки смоки купувам. Сега решив да се опуштам, нека си каснува и ‘глупости’, нормално умерено. Кај нас до душа храната не е проблемот што е ситен, ете таков си е. Сега подослабе зошто не јадеше дека болен, иначе обично јаде повеќе од мене во текот на денот, ама најискрено без да претерувам.

 

Комфорт им е тоа да, не е секогаш за цице. Мојот брка и кај мајка ми, сестра ми, свекрва ми, некогаш и кај маж ми.

 

За храна јаде се, и крупна е спрема ова што го пишувате. 21 месец, 12,3 кг, 85/86цм беше последно кога ја мерев. Сега немам измерено.

За алишта има и 12-18 што и чинат и 18-24.

Е за храната, се замарав до кај година и пол, ако јадела Чоколино во градинка, дома да нема екстра шеќер јадено.
Ако јадела млеко со бисквити таму, дома да не давам плус млеко, освен Ад што си пие.

Сега веќе не. Најголем дел од времето јаде што јадеме ние, само на зачини пазам, да не е пресолено или луто. Ако јадела месо во градинка, може да се случи и дома за ручек/вечера, пак да јаде месо/јајце. Не јаде количински од било кога состојка. И знае смоки да грицне 10-15 смокички низ дома. Или една бисквита да си земи. Чоколадо ретко има на дофат, така да тоа не јаде. Ама генерално не пазам. Гледам секој ден да има овошје каснато и зеленчук во ручекот/вечерата вклучено. Друго веќе не.

 

Јаде бре јаде колку нас. Овошје колку меле, и си бара цело време бара њам њам, си кажува банче (банана), куша (круша), коаче (колаче, ама не знам кое колаче зошто ние дома не јадеме колачи), пижи (плазма), коче (лимонада), аче (чајче), чече (лепче)... не смее никој да седне да јаде без него. Главен е. Ајвар му дадов, се воодушеви од вкусот.

 

Моето брка во блуза, и јас не реагирам чисто да видам што следи. Ми ја фаќа раката и ми ја става на блузата и ми вика сисе. Баш бара да му дадам да цица. Посебно кога му се спие.

Инаку баш вчера тука со снаа ми зборевме за цицањето и дека се чудам како ќе го добијам. Таа читала некаде дека на две години од доење градите пак произведувале колострум. Ваш ќе ја прашам за сајт подетално да видам. Ми беше баш чудна оваа информација. Имате читано, слушнато за вакво нешто?