Совети и искуства од мајки за дечиња 12-24 месеци

Не можев да најдам, а мислам дека тука ве читав за чистење на нос со шприц и физиолошки + воспаление на уво, дали помага или штети?

@AngelOfArh од која возраст соработуваат децата за Отосан лаважа? Мојава нема шанса како и да ја држам ме клоца и двете сме утоп, растворот сегде освен во носот завршува. Пробав на куклите, со убаво, дали може ја прашувам вика да, и оп, борба и викање. Па се надевам ќе порасне малце и ќе дозволи

 

Доколку има бактерија во нос, може да се прошири кон увото.

Terrible twos, влезете, не се собувајте.
Како се тренира трпение? Прашувам за другарка
Тантрумчињата му се многу драматични, ако и најмала ситница не е по замислата на неговото височество, веднаш легнува на земја и лежи така во знак на протест. Во подраматичните ситуации имаме и плачење и вриштење. И ајде ок тоа некако и се хендла, ама не можам да се справам со фактот дека доколку има нешто во близина, зема го фрла во фрустрација, или па не мава нас. Денес добив неколку сочни шамари, и кога ми дојде преку глава го спуштив и тоа беше причина за нов тантрум.
На инстаграм видеата кога се справуваат со тантруми, нема вакви сценарија децата се опоравуваат прилично брзо.

Како реагирате вие? Истовремено и сакам да му дадам простор да се искаже, да не му велам престани, немој да плачеш, ама и нервите попуштаат.

 

Така легната во ходник на скали, оти не и дадов клуч. Се прави ехо, цела зграда ечи. Ја чекав да престане, помина комшија, ја пречекори и рече само ,, ој ој, ни фали лифт во зградава,, и си помина. И така, се справуваме.
Мислам дека хаусмајсторот ме пцуе секој ден, оти влезната врата е нон стоп размачкана од нејзините раце. Срам ми е веќе, ќе треба секоја вечер да одам и да забришувам по неа.

 

Од што може да се препотува толку? Откако е заспан два пати се буди плачејки и жива вода направен. Чепче му ставив пред да заспие, не му беше висока, околу 38, ама не можеше повеќе да чека ептен му се спиеше. Очекував еднаш да се испоти, ама не знам зошто и втор пат.

 

Никако не се справувам искрено, нешто што најмногу ме нервира тоа бацакање по дома и лежење по земја и ударање со нозе. Ама само оставам да помине ако не успеам со гушкање да го смирам. Секојдневно имаме драми за се и сешто, сакал нож - епа нема нож опасно е можеш да се исечеш и да тече крв и дете да плаче, и џабе објаснуваш почнува да се драматизира на најјако.
@Bella_Stella нека се поти да излезе лошото. Старите така велат и има вистина во тоа. Не е ништо страшно ако се испоти повеќе. Со лесно да минува

 

Спушта температура.

 

Никогаш до волку се нема препотувано, затоа ми е чудно. Еве го трет пат се буди, последниов само во главата беше испотен. Нити е препокриен, нити спие во топла соба. Не знам до што е.

 

А температура има уште? Самото тело мила ослободува, штом и чепче си ставила. Може и на боди да е и пак да биде жива вода. Не му се стресирај што поти толку, убаво е. Нека поти.

 

И брат ми беше болен со некој вирус моментално и баш сега ми кажуваше дека цела ноќ 3-4 пати се препотувал и пресоблекувал.
Дури денес е подобар 7 дена тт не спушти, он работи со деца и веројатно ист вирус како нив има фатено.

@Lavender13 последно се фаќам како при крај на ден веќе викам, после ми е криво и се извинувам ама не можам веќе. Уште не можеме ред со спиење да фатиме, детево е како урочено, навиено, не знам, се да се прави само да не се спие, на крај на ден за се едно нешто има тантруми.

Моево во тантрум ме тегне и се дере и рита со нозе во стомак, не ми дава да го спуштам, ама не ми дава ниту да го држам, јас пред некое време зборев, демек додека трае објаснував, ама тука некој ми рече да не зборам, да го игнорирам. И почнав така, го држам, до него сум или на негово ниво се спуштам ама си зборам нешто со мм, или со некој, или нешто правам, не му давам значење на тантрумот.Вака прилично брзо почна да поминува, веднаш се смирува и тогаш ќе застанам на негово пак ќе го гушнам и ќе зборам тивко дека нормално е да е лут, сите сме лути некогаш, ама не треба така да се искажува лутина дрн дрн, и он само повторува по мене, да, да, да, мислиш разбираама сигурно нешто му останува во глава.

Искрено веќе не му се толку нападни танрумите, ама инаетот од такт ме вади, убедување за се, посебно за облекување и се е проследено со плачки.
Мора се да е со нешто лежење, пелена се става оти буба мара ќе влезе во куре, облеката се облекува со финта демек да покаже дека знае, и се е така со финти некои и трае 10-15-20м и стварно на крај нервите ми се влакно.
На моменти толку се фрустрирам што одам во друга соба и се дерам во перница. А среќа сега нова игра му е мавање пластични топчиња во ѕид, тоа му е омилено, а и мене богами оти фрустрации вадам со мавањето.

Не знам многу ми е тешко месецов, ич немам време за себе. Имм е длма еден месец, ама не смее да излегува што значи нема шетање со детево, што ми беше многу корисно, детево не сака од мене да се оддели само мама и мама, мислам дека полоша сепарателска криза немал до сега.

Тешкичко другарки, тешкичко.

 

Нема температура, симната му е уште на првото препотување.

 

Сум давала и јас сируп пред спиење од страв, ако ако можеш да издржиш ти да не заспиеш, остави го нека заспие со температура. Кога ќе качи 39 тогаш разбуди го и дај му сируп. Навечер практикувај бруфен зашто подолго држи од парацетамол да можеш и ти да поспиеш.
Јас му облекував џемперчиња тенки или памучни за полесно да ги соблечам да не се разбудат.
И уште еднаш да ве утешам дека се ќе помине, после две и пол се како други деца. Ќе спијат по цела ноќ, и дефинитивно помалку ќе се разболуваат. А и кога се разболуваат, е многу поразлично. Знаат да кажат им е топло, ладно, ги боли ли нешто. Пијат сируп, електролити, не носат пелена, дуваат нос.

 

А страшно е да спие со температура? Мислев не можат да спијат ако толку креваат.

 

Здраво мајки имам прашање немаме примено трета доза од вакцина за пневмококни инфекции сме пропуштиле на 12 месеци може да ја прими сега на 2ипол години

 

Јас мислам дека може

 

@Bella_Stella му поминува, нема да крева поќе, кај моиве така се покажало, од ко ќе испотат не креваат поќе тт...
Тантрумчиња секој ден по неколку легнува, се фрла на под, се мава, каса, вришти јас игнорирам, засега поминуват побрзо, ама тек иди јакото кај нас го смирува и брат му, одма почнува да му зборува, да му дава други играчки па скоро секогаш успева да го залажи.
Иначе ако плачат помага и да зборуваш тивко, колку можите потивко, така за да ве слушнат ќе намалат со викање пробајте.

 

Прашај во диспанзер,има врска на колкав временски период се примени претходните и која возраст е во моментот детето.

 

Не можев да најдам, а мислам дека тука ве читав за чистење на нос со шприц и физиолошки + воспаление на уво, дали помага или штети?

И мм имаше таков вирус, спушта тт и после цела ноќ препотување 6-7 пати жива вода. Малата го помина ок без тт и потење ама сигурно го има фатено од неа.

@1209 немам што друго да кажам

 

Сабајле ме стегна главата да му направам домашно тесто за играње, најдоб рецепт на нет и успешно беше, измешав со разни бои и цело сабајле игра со тоа.
Кој сака рецепт пишете, ептен брзо и лесно се прави.

 

Кажувај ајде и така немам веќе никаква идеа за играње

 

Ставаш 3/4 вода, 3г лажици сок од лимон и 1г лажица зејтин на тивко да се згрее. Настрана мешаш 1 cup брашно и 1/4 cup сол и кога ќе се згрее(не да врие) го ставаш брашното и солта во мокриот дел, мешаш константно додека не се соедини и не стане како топка нелепливо.
Тргаш настрана оставаш да се олади, го делиш на колку бои сакаш, ставаш боја за храна и замесуваш убаво.
А ако немаш боја може и така не прави разлика.

Јас случај и имав купс дома и затоа не мерев во грамови, ама 1кап пише дека е 250гр.
1/4 пише дека е 60гр.