Совети и искуства од мајки за дечиња 12-24 месеци

И кај нас беше така една недела, се чудев што и е, на крај видов дека горе и пробиле две четворки.

 

Ние,истото е и кај нас, еве веќе две недели, приметив кога ке плаче и запрета уствари сака да смени положба и неможе, или и смета перница или кебе, доаѓа до врв на кревет и неможе да иди понатака и плаче и што ја поместам и има убава положба одма потонува во сон, ..ако плаче не се буди
Мислам дека убаво се изјаснив

 

Да, во право си. Еве ноќеска сакаше да спие откриена, а мене ми е страв така да ја оставам. А и имаше стомачен вирус нели и откако помина, ова ни се случува. Дали се има исплашено од се што помина, сирупи, инфузии. Ај ќе издржиме.

 

И кај нас е исто. Вришти во сон мама, мама и почнува да плаче. Некогаш ќе ја погалам или ќе ја фатам за раче и се смирува некогаш ја земам в раце. И ние знаеш поминавме низ доктори, болници па можеби има некое влијание тоа.

 

Istoto go minuvame otkako go imase stomacniot virus,najverojatno preplasena od infuzii,doktori,vizita,sirupi i sega nemozam da ja smiram,a tocno pocna otkako se razbole,horor ni e nokjta

 

Мајки малата има стрептокока пнеумона во нос. Опасна ли е бактеријава?

Во петокот правевме крвна слика и брисеви. Крвта беше добра, леукоцити мирни, само црп 11 и д-р рече не е страшно. Денес на брисот покажа бактерија. Пишував, малата кашла, носето и тече и имаше една вечер тт 38.2 Пие сируп бронковит, синомарин спреј во носе, успеаме да направиме инхалации викендов со физиолошки. Добра е, немала тт последниве три дена, си игра, весела е, има мрсуличиња бели- бледо жолтеникави, подобра е после инхалациите ноќеска си спиеше убаво.
И сега бактерија
Имате ли искуство со неа, колку е опасна, што значи, како се лекува?

 

Со месеци ја имаше синко, но без симптоми и не ја третиравме никако. Т.е. пробавме 1 недела со мачкање со хлорамфеникол и пак беше позитивен резултатот. Во нос не е страшна и многу често луѓето се носители на истата без и воопшто да знаат. А да се спушти на гради (ако од тоа се плашиш) не и е баш лесно, има многу бариери кои треба да ги пројде.
Јас пр воопшто не и се притресов, брисеви правев зашто ни требаа за во градинка, на крајот ти велам не ни успеавме да добиеме негативен брис (одбив да дадам антибиотик орално бидејќи беше без симптоми), местото го изгубивме и после тоа не сум го ни носела на контрола.

 

Од тоа се плашам да, да не спушти на гради. Дека она кашла(влажно) не е без симптоми. Д-р сега прво рече цитерал капки, ама и да ја однесеме да ја види. Оф не знам, вака не изгледа болно, тт пред три дена имаше само една вечер и дадов парацетамол и толку. И носето како да намали од синоќа после инхалациите, ама кашлањето ме мачи, кашла баш Совет што да правиме?

 

Недела дена синко кашлаше како пушач, онака баш се осеќаше шлајмот дека неможе да го искашла. Во вторникот се јавив на Кристина педијатарката од Ложанковски ( сменивме педијатар и сефте кај нив сме ) и рече дојдете после 16ч. Отодовме и го прегледа и вика синко твој почнал да спушта на гради. Искрено шок ме мавна ни на крај памет дека до толку може од една кашлица. Ни даде сируп Флавамед ( за искашлување не е антибиотик ) и кажа во петок обавезно на контрола и да следам како ќе е кашлањето и дишењето. Да напоменам други симптоми никакви немаше ни нос да тече ни тт, весел, јадеше супер, играње и све океј освен тоа кашлање. Ја прашав само што можам друго да превземам за да не спушти на плуќа , но дека антибиотици несакам да давам зашто нема никакви симптоми. Искрена да бидам дека од одговорот бев позитивно изненадена али и по малку скептик. Цитирам : мајка незнам како ќе ме сфатиш нит дали ќе прифатиш, но би ти рекла да најдеш лој од гуска и да даваш и да го мачкаш со свинска маст измиена, топли купки, да скока на кревет и тапкање по грб.
И да бев скептик и искрено кога ќе чуев дека некоја дала од гуска лој абе коса ми се креваше ( нај ама најискрена сум ). Само што излеговме се јавив на неколку блиски другарки кој знам дека се по тие бабини лекови и секоја од нив кажа Дај бре жено верувај ќе се увериш дека е вистина. Скептик бев и сопругов ме премоли на паркингот ајде па ајде да земеме да пробаме. Отидовме и земав од другарката. Лелееее никако да ја сварам помислата да му дадам ќе си пукнев, па земав прво јас пробав аууу викам грозно упм. Читнав по нашиве форуми, српските форуми и на крај на фб во Женски домаќински муабети и грото со позитивни искуства.
Од сабајле и навечер по една мала лажичка му давав. Пред спиење го бањав со потопла вода, ќе го исплакнев и ќе му ја наполнев кадата со потопла вода и оставав да се шлапа во спурено купатило како сауна. И ставав една шака морска сол во водата, пред да го извадам го плакнев убаво.Пред да спие на мрсна хартија за готвење ( со чечкалица дупчиња ) мачкав свинска маст измиена во 9 води и ставав на гради и на грб, мало пешкирче над мрсната хартија, боди на ракавчиња и пижамите.
Искрена ќе бидам само во средата дадов од сирупот.
Во петокот на контрола синко беше чист како солза и Кристина 10 пати ме препраша дали конечно се уверив дека тие бабини лекови навистина помагаат. Океј сепак напомена дека кога треба антибиотик нема тука негодување, а и ако беше спуштено на гради директ во Козле ќе не пратеше немаше да си играме со бабини лекови.
Па си викам : Да бевме кај претходнава педијатарка имаше најмалце 2 антибиотика да ни даде и којзнае до кога ќе траеше све ова.
Ете ти го моето искуство од возрасна жена која никогаш не верував дека ЈАС ќе дадам лој од гуска и не верував во такви работи па и искрено им се смеев и ги правев луди ( од кој и сестра ми ) па ете од мака пробав, ама битно за 3 дена све заврши и фала Богу не стапнавме во Козле . И недај Боже пак да се пофтори пак истово ќе го применувам. Ете сеа нека сум јас лудата за некој кој размислуваат како јас до пред една недела
Мој совет е прво одма да идете да го чујат дали има или нема спуштено на гради. Ете јас не ни помислував дека може толку бргу да почне да спушта.

 

Според мене температурата не била од бактеријата, туку од некој вирус. Бактеријата нема створено инфекција штом леукоцитите се мирни туку само си живее во носот. Плус на брисот во грло не е изолирана.
Посветете се на кашлицата, антибиотикот го почнавте или не?
Јас би продолжила само со инхалации, ама не со физиолошки, туку ќе земеш синомарин ампули, тие се исто солен раствор ама поконцентриран. Ако прифаќа можеш и чајче од бел слез, боров сируп, мед, многу лук и цитруси.
Тоа што носето почнало да се чисти е добар знак, обично треба прво тоа да се исчисти за да престане кашлицата.

 

Мајки дали имате искуство со инхалации со пулмикорт?

 

Да,веќе неколку месеци по 2 на ден. Што те интересира?

 

Мајки можеби е глупаво ама ми треба совет, ќеркичкава не беше искакана два дена еве денес трети ден се искака и сега само прди низ стан смрди корне да и дадам некое посебно јадење или пробиотик нешо..

 

Бевме да ја види д-р, рече малку кркори, нема на гради ама ја слушна како кашла и рече да почнеме со антибиотик да не ризикуваме. Ни препиша Амоксицилин.
Добра е, нема тт ама кашла убаво иако не е често, неколку пати во денот и ноќе почесто. И стрептокока во нос. Ама пак не сум сигурна дали антибиотик е правилен избор.
Инаку да со синомарин правиме инхалација со монодозите, така реков физиолошки дека не е со никаков лек. Мед и подметнувам во овошните каши, лук во јадења, портокал обожава(но овие денови послабо јаде поради носето се нервира дека не може да диши, не изгледа дека нема апетит туку едноставно пребира, одбива и слично) пие сируп бронковит.
Дали да почекам уште еден ден на своја рака па да видам како ќе биде. Сирупот го земав.

 

Izvini, no moram da se vmesam vo muabetot. Mislam deka davas pogresni soveti. Kako prvo nemora da znaci deka ako leukociti se mirni nemoze da napravi belja bakterijata. Mojta kerkicka imase mnogu polosa bakterija od s. Pneumonie i vo nos i vo grlo. Imase napraveno mnogu gnojni naslagi na krajnicite, a pritoa temperatura nemase a leukocitite i bea 10,8.grloto ja bolese, edvaj goltase a krajnicite i bea mnogu otece i. A leukociti mirni. E vo takva situacija e uste poloso, znaci organizmot ne se bori, si ja prifaka kako svoja, a bakterijata "si raboti". Otkako pocnav da apliciram operil so gentamicin, znaes kakvi mruli izlegoja, izvini na uzeazota, ama pogadno nesto ne sum videla vo zivotot.koga ima bakterija vo nos ili vo grlo, znaes Li kolku lesno so obicna inhalacija(sto za nas e obicna i sekojdnevna stvar sto i ja pravime na decata) mozeme da i ja spustime bakterijata na plukja. E i jas neznaev. No koga otidov na pulmo na klinika, doktorot primarius lom me napravi. I koga razmisliv vo pravo e. Pred dve tri godini koga inhalatorite bea po 10000 denari, inhalacija na decata im se pravese samo vo bolnicki uslovi, pri jaki opstrukcii. A Sega inhalator 2000 denari, sekoj go ima doma, pa pravi i koga treba i koga ne treba, preventivno neli. Ova ti go pisuva ne da se pravam mnogu pametna, tuku od licno iskustvo, kolku se namacivme so kerkickata. Vo medicinara ne se 2+2 sekogas 4.nemozete da davate soveti za da se prekine terapija ili da se smeni terapija dadena od doktor. Vo Red e da sades sovet za dobar doktor, preporaka za nekoj specijalist, nekoj babski lek kako sto spomna prethodnata clenka loj od guska ili svinska mast, no sovet da ne pocnuva so anribiotik prepisaa od doktor i slicno, izvini no voopsto ne mi se dopaga i strasno me revoltira.

 

Потполно си во право, ова не е лекарска ординација туку форум и секој треба со резерва да си го земе она што тука се пишува. Тука си делиме искуства меѓусебно, но секогаш најпрва и најправилна опција е детето да го прегледа лекар. Многупати истото го потенцирам и секогаш внимавам кога давам било каков совет за да не бидам погрешно сфатена.
Јас никаде на членката не и пишав да прекине или смени терапија, само ја прашав дали почнале со антибиотикот и на последниот пост нејзин не сум ниту стигнала да и одговорам, не знам каде го прочита тоа?
Точно јас имам голема аверзија кон денешниот начин на лекување на македонските лекари, т.е. препишувањето на антибиотици од ракав, без да му остават простор на организмот сам да се избори, со што само му го ослабнуваат имунитетот на детето за во иднина да биде поподложно на инфекции. И во случај на блага клиничка состојба, мирна крвна слика, чисти брисеви, чисти гради, никакви посериозни симптоми (растечен нос, 1-3 дена покачена температура, поткашлување не се сериозни симптоми) ... точно е дека давам совет да се проба прво на природен начин и да се избегне ако може давањето на антибиотици. На ист начин постапувам и со своето дете и фала Богу последната година има супер имунитет.
Онаму каде што има посериозна клиничка слика, гнојно грло, спуштено на гради, леукоцити и ЦРП во вис... никогаш не сум коментирала и нема ни да се дрзнам да коментирам и да потценувам лекарски дадена дијагноза и терапија.

Да напоменам уште еднаш, јас верувам во медицината, не сум медицинско лице но имам завршено сроден факултет и пак ќе кажам сум најмногу против вакво "лечење" на интернет, ФБ групи и форуми, секогаш сум за првична консултација со лекар и направени сите испитувања, крвна слика, урина, брисеви... пред да се почне со било каква терапија.
А форумов е за да си дадеме поддршка, да слушнеме туѓо мислење и да си размениме по некој мајчински совет и јас се извинувам ако некогаш сум дала некој погрешен совет некому, ама јас се водам по себеси, ќе прашам, ќе ислушам, но одлуката сепак ќе ја донесам со свој здрав разум и верувам сите мајки функционираат на тој начин, а не зашто советот им го дала некојаси Лолипоп на форум.

 

Што ако дете нонстоп има во носе стафилокока? Мислам две години на секој брис е позитивна (само на носе)... А симптопми нема никакви, не тече носето, не кива, ништо. Треба ли да се лечи во овој случај?

 

Не треба да се лечи. Се работи за клицоносителство и да ја излечиш моментално за кратко време пак ќе се појави.

 

Океј, битно не е проблем и да си ја носи? Читав свашта за бактеријата, ама ваљда тоа беше на друго место ако ја имаш...

 

Ова се бактерии со условна патогеност, односно нивната патогеност зависи од различни услови и од самиот организам. Некој организам веднаш реагира на истите, некој не реагира воопшто, а некој ќе реагира при пад на имунитетот. Значи можно е при пад на имунитетот, да се размножи во голем број и да предизвика инфекција, меѓутоа тоа не значи дека треба да се дава антибиотик како превентива.