Совети и искуства од мајки за дечиња 12-24 месеци

Јас побрзав да ти одговорам ама искрено незнам и јас правилно што е. И немам неке сигурно инфо.
Јас лично сметам дека си треба заштита. Ете што велиш по 2-3 часа надвор неможеш да го пазиш да е под сенка цело време. А друг муабет е што штетните зраци фаќаат и во сенка.
Што знам, ми нема логика крем наменет за бебе да е поштетен од директни ув зраци

еве го, го има и по аптеки и има исто и 30ка

 

Еве и јас уште немам почнато да ја мачкам, светла е, но има тен што веднаш црнее и не се вцрвува исто како нас. И ние само за на плажа се мачкаме. Игра често надвор, ама кога не е силно сонцето и гледам да е под сенка.
Од лани имам Еуцерин 30 ка скоро е цел, дека имавме костими со фактор, а таа малечка и немав голема површина за мачкање. Баш ќе видам колку има рок по отварање, за да ја мачкам вака за шетање. За на одмор пак би зела ист. Лани супер поминавме.

 

@FreeMind ми се има случено неколку пати ова во последно, ако го прекинам во некоја игра или еве последно сношти беше, му ја земав четката за заби, се миеше, никако не ја даваше и му ја зедов на сила да речам, ко почна да вришти и да се ака назад на креветот, среќа што беше на кревет, да беше ѕид зад него в ѕид ќе се маваше му ја дадов пак ко ја зафрли преку маса па после се смири некако.

Лани ко купував во Зегин ми рекоја дека за бебе 25ка фактор требало, таков зедов, тој ми го препорачаја тој од фризидерм, истиот и сега го користам, не гори и синко само потемнува, а рацете му се црни како нараквици да носи

 

За повисок фактор, потребно е повеќе хемија. Заштитата се постигнува со физички и хемиски филтри, најпросто кажано, физичките филтри се подобри, бидејќи ствараат физичка бариера која УВ зраците не можат да ја пробијат, за разлика од хемиските филтри кои се активираат со дејство на зраците, не дека не штитат, ама се впиваат во кожата и се бајаги поштетни од физичките филтри, оти некогаш под влијание на сончевите зраци може да дадат алергиска реакција кај осетлива кожа.
Јас за деца користам максимум 30ка. Сабајле ги мачкам, докај 10:30-11:00 се надвор, после се дома секако. Попладне не ги мачкам пак, после пет излегуваме.

 

Имам исто и на Babylove кремче, пишува за ветер и сонце тоа штите или нема врска?
Ана а колку е штетно и покрај што се хемии, бидејќи ставаме 1 на ден и тоа е така 3 месеци да речам

 

Разбирам. Но дали поради хемијата во производите е подобро да ги оставиме “голи” на ув зраци...
Мое мислење е дека од две зла, кремата е помалото.

Впрочем, ув зраците ги има и пролет, и кога сонцето не е многу јаки, и кога е облачно. И мојот не црвенее туку право темнее, иста сум и јас. Ама не мислам дека со тоа е решен “проблемот”. Изгорената кожа е само привремена последица, а последиците подлабоко во кожата од ув зраците се трајни.
Еве денес во мојот град е облачно и нема сонце, никакви сончеви зраци. А ув индексот е 5, што е на граница на висок и мене не ми е баш океј да го оставам без заштитен фактор.
ова правам паралела со фактор и без фактор.
А колку да биде факторот, најверојатно сиво право дека и 30ка е доволно и подобро

Незнам, не велам дека сум во право. Не сум стручна, само гуглам ама многу страв имам од ова.

Лани беше полесно, бебе во количка, кога ќе го шетам тогаш седи, чадорче, сенка, под дрво...јас поставувам правила. Иди сега собери го низ двор

 

Тоа за ветер за во зима е, погуст крем е, без заштитен фактор. Тежок и мрсен е.
Види, за деца е доволно 30ка фактор. Нема потреба од појако, секако не ги изложувате директно на најјако сонце, па да мора со јаки фактори да се заштитени.

Ама доволно е 30ка фактор, не мора 50. Штити навистина доволно, пошто како што пишав погоре, сигурно не седи детето со саати на најјакото сонце, впрочем ни ти не седиш ако не мораш. Физичката бариера е доволна, и да, убаво е да се обновува со неколку пати мачкање ако детето поти или игра со вода, макар што формулите се водоотпорни. На Санденс ми се свиѓаат новиве, без октокрилен се, што е една од полошите хемии во спф кремите.

 

Во право си. Ама што да читам кога не се разбирам
Затоа прашувам. Ќе се обезбедам тогаш со 30ка фактор.

 

Јас лани долго читав пред да одлучам што и како, и баш прочитав повеќе од 30 фактор не. После овде ве читав вас дека ставате 50 и баш се мислев дали сум во право и кој греши. Затоа и облакав блузе со 50 фактор за на плажа и да не му се мислам.

 

Абе за блуза да ама лице и нозе
Штом е доволно 30ка се разбира дека е подобро за кожата да не ставаме хемикалии.

 

За крема со фактор педијатарот ми рече до 1 година 30 ка фактор, после година може и 50ка. Јас користам и сега 30 ка од Еуцерин и сметам дека е доволно.

Инаку јас со прашање како им давате месо, кај малава мелено проаѓа ама другото го плука.

 

Давај и мелено, што има врска.
Јас месо сечам со нож напречно по влакната, и го цепкам на ситно, и со остатокот од храната сецкана на коцки. Многу одамна почнав со парчиња место пасирано, и иако нема позади заби си јаде и така. Не јаде општо многу количински, ама си џвака без проблем. Битно ми беше да јаде нормално, и форсирав да батали блендирано и пасирано.
Ама за месото конкретно мислам дека не значи ништо, ако сака мелено а не парче месо, не ми е битно, се додека општо јаде парчиња храна. Не е убаво само каши да јаде, а ако една храна ја бара во конкретна форма, би и ја давала така како што ја сака.

 

Да прашам јас за Витамин Д, давам Пливит Д3, матичнава ми рече да му ги прекинам сега летово, а оти јас мислам дека до 3 год треба секој ден да се даваат? На ортопед не го имам однесено, како ве советуваат докторите?
@Annath ти да не знаеш?

 

Мене ми велеа до година и пол без прекин да давам. Кај големиов се погоди да продолжам до две години, оти зима фати, а малово беше таман. А после тоа само во лето пауза, остатокот од годината редовно се дава препорачана доза.

 

А што ако не е уште затворена Фонтанелата?

 

Па дозата секако ја давав по препорака од лекар, кај моиве се затвори некаде после годината, кај големиов порано, кај малово покасно. Ортопед ми одредуваше доза.

 

И пишав сега на матичната. Па ќе видам што ќе врати. И дали да ја носам на ортопед.
Со пуста корона не проверени ни останаа децава. Се одложував, ама ќе мора да се вратиме во нормала.
Едит
Сега се слушнав со матичната. Вика да прекинам со Д3, да ја вадам на сонце по 30 мин. На ортопед да не ја носам, акоо ми е мисла таа ќе ја видела.

 

Јас од второто лето (на година ипол) почнав да го мачкам со крема и тоа само на одмор кога бевме. Читав многу за кремите и се консултирав со Биодевојка па земав на Веледа со 30ка фактор. Со физички филтри е, штити доста, водоотпорна е и прилично тешко се размачкува. Веројатно и годинава истата ќе ја земам. Инаку Биодевојка исто многу ги фалеше кремите на ЕкоКозметик како најдобри за дечиња.