Не. Ова е едно од најлесните прашања во светот. Ај размисли малку, ќе сфатиш. Една причина е тоа што НИКОГАШ тие деца нема да ме гледаат како нивен татко. Нормално, тука влијае возраста на децата, ако се помали не е баш проблем, ама СЕКОЈ маж сака свое потомство. Значи според тебе мажите треба да се оженат со жена што веќе има деца за да докажат дека се способни... Кога не знаете што да вратите, веднаш се служите со манипулативни тактики - Are you scared ? Who hurt you ?
Ќе си створите свое ПОТОМСТВО. Децата може нема да те гледаат како ТАТКО но ќе бидеш почитуван и сакан и прифатен, тоа сигурно, на крајот се само деца. И клучен фактор е колку се воспитани, најчесто детето гледа кој бил тука повеќе,може да има татко и да не е присутен во животот.
Некој би бил, затоа и прашуваат зошто.. Да може ќе биде тешко за детето, ама ти ако ја прифатиш таа жена ќе прифатиш и се што носи таа со неа. Точно дека зависи и од дете и возраста, ама со малку повеќе труд од твоја страна детето ќе те прифати, може нема да прифати да те нарекува тато и тоа е негов избор, ама сигурно ќе те почитува, ако не го двоиш утре од твоите биолошки деца. Велиш дека сакаш исклучиво твое потомство, тоа дете не е пречка вие да имате уште деца. Ти ако не си способен да бидеш татко нема ни на твоето дете да си способен да бидеш татко. Убаво прашаа, можеше и тој убаво да одговори.
Прво нема што да сфаќам, второ на глупав одговор се враќа со глупав одговор, просто е. Јас прашав зошто бидејќи на тема на форум се дискутира, ако на некој не му се дискутира ок е или ако не знае како да дискутира или нема став пак ок е. Ако одговорија со да пак ќе прашав зошто, нели дискутираме? Никаде не пишав дека некој мора да има вакво или такво мислење, скроз е ок е и да не сака ама на глупав одговор неможам "паметно" да одговорам. Еве ти си даде одговор бидејќи сметаш дека децата нема да те гледаат како нивен татко што може да е точно и скроз е ок.
Многу има причини зошто маж би бил воздржан да влезе во врска со жена што има дете. Прво, во животот секогаш ќе постои и таткото на детето – сакал или не, тој ќе биде дел од таа слика. И тоа може да создаде компликации и непријатни ситуации. Потоа, врската не зависи само од мајката. Мажот треба да биде прифатен и од детето, што понекогаш е потешко и е подолг процес. Со тоа доаѓа и поголема одговорност. Не е доволно да се биде добар партнер, туку и позитивен пример за детето. Слободата и флексибилноста исто се ограничени. Спонтани патувања, викенд излети или активности секогаш зависат од тоа дали има кој да го чува детето, дали детето сака да оди, дали се слободни децата… Секогаш прво се мисли на нив. Финансискиот аспект е уште една точка. Дури и ако не е обврзан директно, со тек на време природно доаѓа потреба да се вложува и во детето. Но тоа е ништо во споредба со емоционалниот товар, за да успее врската, мажот треба да го прифати детето како свое, да му даде иста љубов како на своите биолошки деца. Не сите го можат, и го сакаат тоа. Така што, не е прашање дали некој сака или не сака деца, дали е способен или не, туку дали е спремен да влезе во таква комплексна динамика уште од самиот почеток. А повеќето не би си ставиле трн во здрава нога, што би рекле старите. Секогаш има отстапки, и истите се гледаат на секој чекор околу нас. Посебно ако и мажот имал брак претходно, и деца, поголема е веројатноста дека ќе се разберат и прифатат меѓусебе.
@DoubleK Не се потпирај на генералното мислење и не си создавај комплекси. Ако некој маж e вистински вљубен во тебе, ќе биде со тебе
Се согласувам со скоро сите причини зошто некој не би сакал, освен со овие две. 1. Флексибилноста и слободата важат исто и детето да е твое исто треба да се планира ако не оди кој ќе го чува, ако оди дали е тоа место добро за него/неа и дали сака да оди. 2.Финансиската ситуација и за твои деца ти требаат финансии за да ги одгледуваш. Исто така еве можеби и само јас сум што не сум бил во брак и што сум доста млад, а би прифатил партнерка со дете и би го гледал како свое. Од причина што важна ми е искрената љубов, ако ја сакам жената ќе сакам и се што е од неа.
Мислиш на ситуација од женски аспект - дали би биле во врска ( па и брак ) со разведен маж со деца? Ако мислиш на ова, јас не сум тој што треба да одговори. Треба женските членови да ги прашаш. Инаку да не ги цитирам сите, да се замарам да се расправам и објаснувам, јас сум дете на разведени родители и одлично знам како е и знам што пишувам тука. Ја гледам и женската страна дека сум растен со мајка, ама ја гледам и машката страна дека сум машко.
За почеток на врската беа напишани тие. Не секој сака и планира деца одма. Некоја нормална динамика е да сте х време заедно, па после да влезете во брак, па после да имате деца. И, не можеш никој да го сакаш одма од самиот почеток, од прв дејт. За да засакаш некого треба време. Значи прво треба да ги прифатиш сите овие работи, па потоа да се роди љубов меѓу вас. И затоа е по комплицирано.
Љубовта не секогаш се појавува поради одење со некој на дејт, некогаш ќе засакаш некој спонтано (пр на работа сте колеги и прво ја засакаш па после ја каниш на дејт). Да мора да прифатиш дека има деца уште тогаш, ама ако навистина ти се допаднала не гледам причина да не ги прифатиш и нејзините деца.
Па баш дека си растел во таква средина, ваљда треба да имаш разбирање како одат тие работи. Хипотетички: јас сум разведена поради тоа што ме малтретирал сопругот (да речеме), паметно би било да останам во таква средина и сето тоа да го гледаат децата?!?!?!? Таа жена нема право на личен живот, љубов, поддршка, итн. само затоа што е разведена? Што ако се заљубиш во жена што е разведена? Што правиме тогаш? Ќе ја оставиш па колку и да си одговарате, колку и да е добра и те почитува како индивидуа, како човек?? Навистина, на разведените мајки не им требаат мажи кои што при првиот судир или препрека ќе се откажат од нив, доволно проблеми носат на своите рамења! Затоа бидете претпазливи кога се впуштате во некоја "авантура" за да не повредите некого, или да искочите повредени вие самите, зошто ете нели може и вие да се заљубите во разведена мајка.
Ама би дал шанса ако се заљубам во жена со дете, за да прерасне во љубов. Исто и со жена која нема дете. Нормално далеку полесно би одела врската со жена без дете, ама би се трудел исто и за таа со дете.
Спремен ли си да ги совладаш сите пречки? Бидејќи, на збор, сите можат да кажат нешто, ама на дело, во реалноста, кога ќе видат каква е ситуацијата, се откажуваат. Еве ти како тоа изгледа од другата страна и зошто е комплицирано. Не е само да дадеш шанса, па после, пу пу не важи кога ќе се симнат розевите наочари.
Факт е дека не секој може да се носи со тоа, но човек кој е навистина зрел и емоционално стабилен и те како може.
Па разведени мажи со деца имаат повеќе простор за нова врска, пошто децава најчесто ѝ се тупени на жената, а голем дел од нив и ретко плаќаат алиментација. Па да, те сфаќам. Разбираш низ што поминуваат разведени жени, ама на крај сепак си маж, и никад не би земал таква, како мајка ти. Она била должна да те одгледа само, додека татко ти може да има друг живот и семејство пошто е маж.
Никогаш не би била со маж што на детето не му плаќа алиментација, не го гледа и не се грижи за него. Лош родител не може да биде добар човек според мене.
