Сон кој ви останал во сеќавање

Колку што приметив ја нема темава па решив да ја „создадам". Кој или каков е сонот кој ви останал во сеќавање? Брзо го сонувавте или пред подолго време... Ќе ми биде драго ако одвоите време и го раскажете

 

Обично ништо не памтам кога сонувам. Или само сабајлето ми текнува како било, и после тоа пак ништо . Али уште се сеќавам на еден сон, и тоа доста одамна беше, не знам, дали имав 9-10 години.
Сонував дека имало некој огромен лав до мене, буквално огромен, и тој ми ги изел ѓерданите што сум си ги купила .

Врска неам што значи, или што значело тогаш, но од мноооогуте сонови јас само на овој се сеќавам

 

Не е еден сон, повеќе, за поголем дел од нив се сеќавам, памтам како малечка ги сонував Богородица, Исус, во чудни околности, многу живописни сонови, па меѓу нив и сон во кој како еден човек преминуваше од една зграда на друга, како на јаже, па народ собран доле како го гледа, потоа личности кои првпат ги гледам во сонот, а сега во скоро време и киднапирања сонувам каде што некои луѓе ме бркале,па сакале да ме убијат, потоа патувања и тоа е тоа за сега Ги памтам скоро сите, како што кажав, мислам дека е доволно, оти ќе треба на долго и на широко да раскажувам цели филмови

 

Интересно девојки Благодарам за одвоеното време

 

Еден сон кој го сонував два пати.
Како една жена влегува во една куќа и оди право во кујната. А јас и уште некои, не се сеќавам кои се, бевме под една маса, и таа жената кога излегла од кујната била без глава... Си ја исекла главата.
Малце морбидно, ама сонов го имам сонувано 2 пати.. Еднаш кога бев помала, и после уште еднаш после 2,3 години... Баш се сеќавам...

 

Вообичаено не памтам сонови, за брзо време ги заборавам, но еден засекогаш ќе ми остане во сеќавање.
Сонував како со другарки и другари сме се шетале, а позади нас постојано одела жена облечена во црна наметка, ликот не и се гледаше. Јас застанав, и се спротиставив, а таа ми рече: Ќе престанам да ве следам, кога секој од вас ќе си ја убие сестрата.
Во тој момент се разбудив, а нејзините зборови како во ехо ми одекнуваа. Баба ми ми рече дека сум ја сонувала Св. Петка и со неа отидовме во црква за да запалиме свеќа и кај нејзината икона оставив зејтин. Некако се почувствував посмирена.

 

Се допишував пред 2 години со едно дете на фб и ете го сонот
Јас ќе сум излезела со него на состанок и ќе сме се шетале и така романтично ќе било многу, кога веќесе ближел крајот на состанокот и јас сум требала да одам дома ќе му сум речела чао и ќе сум го бакнела на образ, а тој само ќе ме грабнел за половина и ќе ме тргнел накај него и ќе ме бакнел.. толку добро и толку страсно што тоа воопшто не ми личеше на сон. Станав цела црвена во образите и возбудена, а по два месеци излегов со детето и се уверив дека се бакнува толку добро колку што се бакнуваше и во сонот

 

Сонував едно момче кое никогаш го немам видено и во сонот толку се заљубив и бев срекна како никогаш до сега, и само што требаше да го бакнам се разбудив ахх сеуште мислам на тоа момче,колку само беше слатко

 

Е мојот е од чуден ,почуден ... Овој сон ми е моногу одамнешен . Сонував како пропаѓам во вирче .

 

Пред повеќе години сонував дека сум се капела во езеро и по површината на водата почнала да доаѓа некоја змија. Огромна била. Ништо не ми стори, тука се разбудив.
Сонот до ден денес го паметам совршено добро. Дури и додека го пишувам мислењево ми е пред очи...

 

Обично ги заборавам соновите,но се сеќавам на еден го сонував поот како пее молитва на сред центар и тоа двапати и потоа отидов да се пречестам и повеќе не го сонував...

 

Кога бев малечка прво одделение мислам спиев со баба ми и го сонував дедо ми кој воопшто го немав запознаено (умрен бил уште пред да се родам) како ме вика да се качам горе на спратот каде што седевме ние и имавме една слика од него.Ми рече да застанам пред сликата и он таму ке ме чекал.Плаченката уште во сон си тргнав по скалите нагоре кога ме сретна тетка ми и ме праша што е работава и и кажав и ме зема кај нејзе и таму останав.Мајка ми се преплашија...

 

јас еднаш толку реален сон сонував дека сум бремена, што кога станав, се измив,се облеков, и кога седнав да појадувам татко ми неможев во очи да го погледнам.Додека татко ми упорно не иницираше и ме прашуваше што ми е па што ми е, жива среќа што не треснав глупост од сонот, да не се насмееше човеков-да не удреше на шала, немаше да сватам дека тоа всушност било сон.
Никогаш нема да го заборавам тоа,толку реално аааухх

 

И јас имам сонувано дека сум бремена (и тоа неколку пати)... Кога станав се прашував дали мене ми се случува (бидејќи беше многу реално) Иначе интересни се тие сонови
Иначе сите сонови што ги прочитав беа многу интересни, али некои ме наежија

 

Единствен сон кој никогаш не го заборавив а го сонував многу оддамна, и сеуште го паметам до детал, е како лебдам низ соба

 

Имам повеќе такви. И речиси сите се морничави.
Пред 6/7 години почина вујко ми, неколку недели по неговата смрт сонував како стојам пред дворот на куќата на бабами и дедоми. Околу мене многу луѓе се собрале и сите гледаат кон вратичката на дворот. И јас се протнувам некако и ке тргнувам накај вратичката да си влезам и одеднаш мајками ме повлече назад и ја прашувам зошто а таа ми рече дека духот на вујко ке поминел и нетребало да ме види. И кога го свртев погледот кон вратичката гледам како вратата се отвара и излегува нешто како развлечена пламена сина топка. Ме погледа и се упати околу оградата на дворот, кон една стара куќарка.
После тој сон колку време неможев да спијам.

 

Jас секогаш го сонувам истиов сон,во авион сум и земјинава топка како да ја гледам и си велам Aјде уште малку ке ги видам сите и како никогаш да не стигнувам на местото за каде сум тргнала,ама убав сон ми е,сакам да го сонувам

Aх и секогаш сонувам планини,цвекиња,како сестри ми се биле дојдени овде во Aвстралија да живеат со мене,па пиеме кафе,си муабетиме

 

Има само неколку сонови на кој што се сеќавам... знам еднаш сонував како полиција дошла по татко ми..незнам што згрешил..ама само дојдоа...му стаиа лисици и готово..!Еднаш имам сонувано и како ме брка пеглица(она колана)..и тоа по треви..секаде..аа исто така и со автобус..!!! И тоа по тревишта ме бркале.!!(богами тоа со пеглицата го иам сонувано поише пати).. ама фала богу не ме фати..аа и може не ме фати пошо се разбудив хаахха ..и уште еден сон на кој што се сеќавам е.. се враќам од надвор...ии да си влезам дома ..и само глеам клучот не работи..и само ми отвара еден непознат човек..ии ми вика твоите се преселија..и да ти се преселиле у истата зграда...ии идам и таму и таму ми отвара непознат човек..ко во лавиринт да бев ..аа да и уште еден..како некое куче ми ја искинало кожната јакна што си ја сакам највише -.-

 

Овој сон го сонував пред 3 години. Сонував еден бел и еден црн коњ, беа многу големи и јас бев ептем блиску до нив. Неможам да се сетам што баш правев кај коњите само знам дека се разбудив и викав на цел глас Каде се коњите? и по нецела минута ми прокрваре носот и не запре дури не ми го тампонираа.
Го запамтив заради случката.

И многу често ми се случува да сонувам како се наоѓам во простории каде се е огромно а јас сум минијатурна... нешто во стилот на Алиса....само што јас во сонот се турдам нешто да направам, ама се ми е невозможно, немам толкаава сила.

 

Некој да ми кажуваше за ова немаше шанси да му верувам. Момчето што го сонив пред некое време, го видов во живо. леле толку беше слаток.Кога го видов се поцетив на целиот сон. Цело време зјапав во него како да не сум видела машко.Малку ми падна чудно што и тој ме гледаше,но можеби бидејки забележал дека го гледам. Се недевам ке го видам пак. Да имаше барем уште малку храброст и би се запознала со него