Сосови за месо, тестенини, салати....

Ова еднаш го имам направено и беше пре, пре, превкусно, баш истото со 4 вида сирење.
Во продавница ги немам сретнато, се продаваат ли уште овие од Маги? Дури ни оние зачините за пилешко (Маги сочно од рерна) не сум ги видела.
Или не сум побарала како што треба?

 

имам нов рецепт за сос за зелена салата,одлиЧен е и лесно се прави во еден мал длабок сад се става три големи лазици зејтин мозе и маслиново масло зависи како сакате,две лазици оцет,една мала лазиЧка сенф,две Чесниња лук ги секцкате и ги додавате,додавате и сол,црн пипер или било каков зацин по вас вкус и толку ја месате целата смеса и ја истурате врз зелената салата вреди да се проба многу вкусно е

 

Обожавам шпагети со томато-сос! Со вас ќе го споделам мојот омилен сос кој воедно е брз и лесен за приготвување, не содржи месо, затоа што не сум голем љубител на месните производи.

Во тавче со загреано масло, пропржувам малку кромид (половина главица за две особи). Додека се пржи кромидот му ставам многу малку сол за да омекне . Потоа правам запржка - значи една лажичка брашно и една лажичка црвен пипер. Додавам околу 250мл томатело сос (или уште подобро ако имате домашен сос или ако не ве мрзи да рендате домати). Ставам вегета и чекам да зоврие. Откако ќе почне да врие додавам малку оригано и босилек. Кога сосот ќе се свари и ќе ја добие потребната густина го тргам од оган и ставам малку лук (а нема да погрешите и со лукче во прав) колку за вкус.
Го сервирам врз шпагетите со пармезан...

 

Дечки знаете ли некој убав сос со брокули што се прави на блендер? Или воопшто каков било сос од брокули?

 

Кажете некој вкусен и испробан сос за чипс?
Тенкју.

 

можеш да пробаш со домашен кечап (мене поубаво ми е со домашен кечап ) или Томатело и да ставиш оригано внатре и убаво да измешаш. Доколку лутко, земи пикантен готов Томатело. Стави го чипсот во еден чорбалук и и одозгора изрендај повеќе кашкавал или нареди цели парчиња кашкавал и во микровална стави го дур се стопи кашкавалот или пак во некоја друга чинија и во рерна.


Друг сос можеш да пробаш а е многу вкусен е да ставиш 2 лажици мајонез и 1 лажица сенф и оригано да ставиш и се убаво да измешаш. Меѓутоа да гледаш да не ти испадне многу течно, погусто нека е и чипсот макај си го во сосот.. прсти да излижеш

Spoiler

сега ми се пријаде ќе идам да си купам и напраам

 

Дали знаете некој убав сос за тортељини со спањак ? сум го пробала бешамел и тој со сланина и печурки ама сакам да сменам малку )

 

Незнам дали е за тука прашањево, ама ај..
Знае ли некој рецепт од тартар сос, оној што иде во комбинација со пилешки прсти...мх мх
На нет гледам различни рецепти, ако има некој што го има правено нека пише постапка

 

Рендаш на најситното од рендето кисели краставички. Ги цедиш со раце од сокот. Додаваш мајонез, мн малку павлака, сол малку и бибер, и најважен е зачинот за тартар ( го има во веро,тинекс), и можеш малку сушен лук во прав. Се меша и треба да има средна густина, и да е хомогено, да не е ни водесто, а ни премногу да има кисели краставички рендани.
Ние вака го спремаме дома, зошто купечките не ми се убави.

 

Девојки дали знаете како се вика сосот, пред неколку години го имаше во продавници во сребрено - целофанско пакување, прашок со кафена боја, имаше прекрасен вкус, се раствараше со вода и се варење 2-3минути, со пилешки стек одеше перфектно, но за жал веќе одамна го немам сретнато по маркетите, не знам дали го сменија пакувањето, а името не му го знам.. :/ Еднаш кога бев на скара "Кај Злате" и таму послужија сличен, но ми беше срам да прашам ( дали воопшто и ќе ми кажеа за што станува збор) :/

 

^^ Да не е сосот за пилешко со 4 вида на сирење?? Тој ме потсеќа на тоа, боженствено иде со стек

 

Знае ли некој добар вегетариански сос за макарони/шпагети?

 

Измиксај во блендер босилек, маслиново масло, малку лукче, индиски ореви и пармезан, ќе добиеш песто. Или ако те мрзи купи ги го готово го има во поголемите маркети. Не е скапо до 100 денари му е цената:

 

Девојки конечно си го најдов сосот што го барав со години! Пакувањето му било сменето, затоа не сум можела да го најдам. Станува збор за Сос за печење од Подравка, го има во пакување од 500гр. и суп пресреќна

 

Како да направам бел сос со брокула за со тестенини ?
Имам некоја замисла но доколку некоја прави и знае би сакала да ми каже
фалааа

 

Зависи што сакаш да ставиш. еве јас како правам. Брокулата ја цепкам на ситно, рачките исто ги сецкам и ги ставам и нив. Запржувам многу ситно кромитче и лукче малку и морковче, јас додавам и малку печурки свежи и обарената брокула да се спои се, додавам зачини од кои сол, бибер, дополнително лук во гранули, кари од мелница и малку оригано, јас ставам и вегета домашна, но ако немаш домашна стави си купечка. Откако се ќе се спои ставам убава количина павлака кисела, не слатка или за готвење и откако ќе се спои ги додавам сварените тестенини но сварени алденте, точно колку што пишува на кесичето, не како што знаеме ние да ги превариме. Кога варам тестенини за во сос, никогаш не ја истурам водата во која се вареле, напротив завршува со варење тестенините и ги оставам на страна во тенџерето со вода и со лажица црпалка за тестенини ги префрлам во сосот, ако ми е густо додавам од водата во која се вареле тестенините, таа е полна со скроб и ќе го разреди сосот но и ќе го згусне потоа да не биде течно, или пак доколку сосот ми е многу течен ќе ми го згусне

 

Мојата омилена салата во поново време е цезар, па еве ви го мојот рецепт за прелив за оваа салата или мозе да си го искомбинирате со нешто друго.
4-5 големи лажици мајонез
1-2 мали лажички сенф
1-2 големи лажици доматно пире или кечап
1 голема лажица маслиново масло
малку вода за да се разреде да не е многу густо
неколку капки лимонов сок
малку бибер, вегета, и јас си ставам и буковец.

Се меша се заедно без вода, и водата на крај се додава за да можете да ја добиете густината која ја сакате. И готово спремен е за употреба.

Ептен е вкусно. мњам

Го постирам овој прелив затоа што се помачив додека го најдов.

 

Здраво девојки, еве еден од моите најомилени сосови или намаз кога станува збор за тестенини (паста). Песто ала џеновезе. Му нема рамен а многу е лесен за подготовка. Еве ви комплетен рецепт со слики онака како што го приготвувам јас. Поздрав.

Домашен намаз од босилек (Pesto alla Genovese)



Здраво драги мои,

еве ме повторно во рубриката за храна, овојпат со еден многу вкусен рецепт за намаз од босилек кој, верувајте ми, просто ќе ве воодушеви. Овој вид на намаз оригинално е познат под името песто ала џеновезе (Pesto alla Genovese), и е дефинитивно еден од моите најомилени намази кога станува збор за убав тањир паста. Во продажба може да најдете и готови теглички, меѓутоа во некои марки има конзерванси. Доколку обожавате да готвите и експериментирате во сопствените кујни, еве како да го подготвите сами дома.

За 4 лица потребни ви се:



- 100 гр. свеж босилек;
- 15 грама индиски ореви;
- 50 грама пармиџано;
- 1 чешне лук;
- малку маслиново масло



Во еден блендер ставете ги сите состојки и блендирајте се додека не добиете убава кремаста структура. Ете вашиот намаз е готов. Обично во оригиналните рецепти наместо индиски ореви се користат пињоли, меѓутоа прво многу е тешко да се најдат кај нас, а друго доколку успеете да ги најдете чинат 2500 денари за кило. Оваа замена со индиски ореви е најверодостојна по вкус на овој намаз.



Обично традиционално се подготвува рачно во сад за толчење на зачини, меѓутоа за тоа е потребно доста време. Доколку немате толку време или пак таков сад, може да го подготвите и во блендер како што ви прикажав погоре.



Откако ќе ги сварите тестенините (по ваш избор шпагети, макарони или друг вид на паста), нанесете малку маслиново масло врз тестенините за да не се залепат и потоа врз нив ставете го намазот и убаво промешајте.



Вкусот на овој намаз е фантастичен и незаменлив и доколку сакате да ги изненадите вашите гости со нешто уникатно ви препорачувам да го направите. Пастата може да ја конзумирате само со намазот, или по ваш вкус да ја збогатите со домат и моцарела.



Се надевам дека и овој рецепт ви се допадна и дека ќе се обидете да го направите.
Поздрав и до скоро читање.

Вики

 

Карбонара сос (можеби на мој начин, но превкусен е )

Потребни состојки:
- кромид
- сланина
- макарони
- вегета
- сол (и други зачини- во зависност од вашиот вкус)

Ситно исецканиот кромид и ситно исецкана сланина се пржат се додека не зарумени сланината.
Се додава вегета и сол, се припржуваат уште малце па се додава 150 мл неутрална хопла.

Мешате додека не згусне хоплата и послужувате додека е топол со претходно сварени и изладени ситни макарони.

Толку