Да. Само пази кога ќе купуваш има и со помала масленост таа тешко се згустува. Земи со поголема масленост.
За кари ти кажале претходно, за карбонара вака оди. Вариш тестенини по желба. Во тава запржуваш сецкана панцета или сланина по избор. Во длабок сад убаво матиш две-три јајца, рендаш многу пармезан или пекорино или кашкавал ( кое сакаш од овие три) и мешаш убаво. Потоа врелите исцедени тестенини ги ставаш во јајцата и мешаш, значи пожелно е тестенините да бидат врели, оти јајцата така ќе се зготват. Потоа ја додаваш сланината, сол, црн бибер по вкус, сервираш и посипуваш со рендан пармезан/пекорино/кашкавал. Ова ти е основна верзија на карбонара, може да се прилагоди по желба. Внимавај со јајцата, секогаш да бидат свежи.
За карбонара: Се варат макароните настрана а во меѓу време во тавче се запржува малку луче, потоа се додава сецкана сланина. Откако ќе се запржат убаво се додаваат макароните/шпагетите и се меша убаво. Настрана се матат јајца во зависност од количината на тестенините и во нив се ренда кашкавал и заедно се меша. Јајцата и кашкавалот не смеат да се турат во тавчето ако е на оган уште за да не се направи кајгана туку се трга од на оган па се истура јајцето со кашкаватот и се меша постојано додека не се соединат и кашкавалот не се растопи. Ова е моја модификација за макарони алфредо, мислам така се викаа: Во еден сад се ставаат макароните да се сварат, се цедат и оставаат да се оладат, во тавче се става луче да се пропржи, потоа се додава пршута и сланина и тие да се испржат , па се трга тавчето на страна. Во вог тава се реди ситно сечкан стек да се испржи и потоа се префрла во пајнче. Во истата тава се става спанаќ да се обари и потоа во него се додава павлака за готвење и се меша додека не се згусти. Во нив се додаваат макароните и се меша, потоа се додаваат стекот и сланината и пршутата, повторно се меша и на крај одозгора се ренда пармезан. За двава рецепти мерки немам, зависи за колку луѓе правам од око ставам се.
Леле, дури сега го видов ова... исцедени тестенините, односно, ги вадиш од водата и директно во јајцата ги ставаш и мешаш, така што може да има малку вода. Најбитното е да не ги ставаш јајцата на оган, инаку ќе се сварат.
Еден од моите омилени сосови е следниот. На загреан зејтин се ставаат околу 300 мл. томатело малку да поврие. Потоа се додава рендан димен кашкавал (стотина грама) кој ќе се растопи и ќе ја згусне малку смесата. Се додаваат и 2-3 големи лажици павлака при што убаво треба да се замеша за да не останат топчиња. Исто така во сосот се става малку мешан зачин и сушено нане во количина по желба. Пред да се извади се додава на врвот од кафена лажичка сода бикарбона и се меша при што сосот наеднаш станува пенест и густ. Јас обично не ги мерам количиниве туку од прилика го погаѓам. Со овие количини излегува сос од прилика за две порции тестенини. Во комбинација со варени шпагети е лудило иако и со обично лепче да се мацне е прсти да изедеш.
Многу често правам сос од зеленчук. Во масло запржувам кромид, морков, пиперка, тиквички, модар патлиџан (сето тоа ситно сецкано) потоа додавам 2-3 излупени и исечкани домати и оставам да проврие. Зачинувам со оригано, вегета, босилек. На крај излегува супер сос за тестенини.
Тартар? Јас имам моја верзија која ми е многу вкусна. Мајонез и павлака во сооднос 2:1, се мешаат добро. Се додава малку лук во прав и неколку ситно изрендани корнишони. Некои ставаат и кромид ама мене повкусно ми е со лук.
Па можеш од тој, тој е млечен и со него најубаво излегува. Исто така има и растителни димени ама тие не се баш убави.
Јас вака го правам. Во тавче ставам путер да се растопи. Откако ќе се растопи додавам брашно и мешам, па на крај постепено се додава млеко и се меша добро за да не се направат грутчиња. На крај ако сакаш ќе си додадеш зачини по вкус.
Нека сподели некоја ако знае интересен сос за тестенини со авокадо. Обично го гмечам со вилушка и ставам зачини, но сакам да пробам нешто ново.
http://gotvimesofico.mk/гвакамоле/ Може не е конкретно за тестенини,ама мене ми одговара и за со шпагети пример https://moirecepti.mk/post/шпагети-со-авокадо-песто-посно-без-мас Ова го немам пробано ама вкусно личи. Јас обожавам авокадо,многу вкусна салата ми е варен компир,сирење и авокадо со маслиново и зачин за салата,или па ајсберг авокадо,зачин за салата и балсамико .мммм
Фала ви многу @jok и @bebaa, не ми текна на импровизации со гвакамоле на пример. Ќе разгледам, најдов веќе неколку интересни рецепти кои морам да ги пробам, ви благодарам уште еднаш.
Покрај гвакамоле (кое наместо во тестенините, заврши како сос за чипс ) го приготвив овој сос од рецептов горе. Одвај се одлучив што да одберам од рецептиве, ама ги имав сите состојки во моментов и не ми беше пробан овој, па изборот падна на него. Навистина испадна многу вкусен и прелесен за подготовка. Препорачувам ако некоја не пробала. Фала Беба уште еднаш.