Сосови за месо, тестенини, салати....

Еве го мојот последен сос, беше експеримент но одлично успеа, тие што го пробаа ептен го испофалија и кусо ни дојде.

2 главици кромид
2средно големи моркови
1 паковање кечап во кесичка ( не малото од околу 10 ден големото од 20и нешто)
2 мали лажички мед
1 чаша за млеко јогурт
2 мали лажички сенф
300 грама маринирани печурки
зачини по вкус, јас ставив сол, кари, буковска и магдонос, бибер.

Се сецка ситно кромидот, морковот го изрендав на крупното на рендето, го запржив кратко на маслиново масло па додаов од око од водата во која се вареа тестените. Се пропржува додека омекнат кромидот и морковот, потоа ги додадов печурките, кратко пропржив па додаов јогурт, додав сол и по неколку минути мед и кечап - може и свежи домати но јас во моментот немав свежи домати. Пред самиот крај додадов 2 лажички сенф, кари, буковска сол, магдонос и бибер. Пропржив колку да се растопат и готово беше.

Овој сосо е за некаде 300 гр тестенини.
Подготовката не трае долго, од прилика колку што им треба на тестенините да се сварат.

Преубаво за мој вкус, кој сака нека проба па нека пише.

 

Јас имам пробано со јогурт. Во моментот немав крем за готвење. И супер излезе сосот. Мислев нема да згусни, ама со текот на варењето се направи супер.

 

Кажете ми идеално како да направам сос од сенф и мед. Или испаѓа многу благ или горчлив. Зачини нешто ова она?

 

Можеш да додадеш малку кари и сок од портокал или да додадеш соја сос, лимонов сок и маслиново масло.

 

Kazete proveren recept za pesto sos.

 

Никогаш не сум била некој голем обожавател на тестенини ама после овој рецепт на братучетка ми почнав со задоволство да ги јадам.

Потребно:
- Макарони (јас користам Дивела);
-Павлака за готвење (народски кажано-неутрална хопла);
-Свежи печурки;
-Чадено месо по избор (врат, печеница и сл.) Или варен стек искинат на парчиња;
-Спанаќ (една рака);
-Кромид.

Количините се прозиволни, зависи од вкусот, нема одредена мера, ако сакате да ви биде повеќе на месо ставете повеќе месо, ако сакате повеќе печурки ставете повеќе од нив, ако сакате да биде потечно ставајте повеќе хопла...
Јас го правам со едно парче стек, 400 грама печурки и половина литар хопла.

Се лупат печурките и се сецкаат. Се пропржуваат со кромид, сол и црн пипер. Откако ќе се пропржат се додава исецканото чадено месо (или искинатиот обарен стек). Сето тоа убаво се пропжува додека да испари водата што ја испуштаат печурките. При крај на пржењето се додава исецкан спанаќ. Откако спанаќот ќе омекни се додава хоплата. Се крчка сето тоа уште 5 минути и сосот е готов.
Макароните се приготвуваат на стадарден начин. Можете целиот сос да го истурите во тенџерето со макарони, а можете и на секоја порција да им ставате на макароните од сосот одозгора. Тоа е ваш избор. А дека е превкусно - гарантирам.
Мажот ми го фатив кај што срка од сосот од што му беше преубав.

 

Женски ај ве молам за помош. Бел сос како се подготвува, што производи ми требаат?
Сакам да правам пилешко во бел сос.
Ви благодарам

 

Земи си крем за готвење,наједноставна варијанта

 

Бешамел сос се прави на следниов начин: на загреано масло пропржуваш 2 лажици брашно и кога ќе се запржи, додаваш чаша млеко додека континуирано мешаш со маталка да се згусне и да не се направат грутки. Мешањето ти е клучно. Зачинуваш со сол, бибер и готово. Ако е за со пилешко, можеш и сенф да додадеш, вкусно е.
Количинава можеш да ја дуплираш ако сакаш повеќе сос.

Попроста варијанта ти е хопла, во која исто можеш малку сенф да додадеш. Сенфот супер оди со пилешко.

 

Имам јас една цела рецепта за пилешко во кремав сос и испаѓа таков бел сос.
Се загреваат 2 големи лажици маргарин во тава и се става пилешкото се пржи од сите страни и во меѓувреме се додава сол и бибер и зачини по желба на пилешкото по 5 мин. Се вади и се покрива со фолија.
200гр. Шампињони ги пржиш на истата тава со маснотија, се вадат и се тргаат настрана па пак во истата тава се пржи 1 лажица маргарин и иситнет лук се става додаваш и 1 лажица брашно и 75мл. бело вино. Потоа додаваш 150мл. павлака, 50гр. пармезан и 100гр. спанаќ се вади и врз таа тава одозгора се додав пилешкото заедно со печурките. Ако сакаш и во посебна тава можеш. И одозгора се става магдонос.

Ете оваа рецепта вклучува пилешко, ама сосот можеш да го направиш и со било какво друго месо или слично.

 

Сос за шпагети.
Шпагетите ги ставаме да се варат во вода со сол и масло.
Во тавче за пржење ставаме масло да се загрее. Додаваме ситно сецкано лукче и се пропржува на ниска температура без да ни изгоре. Додаваме пршута посушена, исецкана( можете да пробате со секој вид салама чајна, врат, сланина но најубаво е со пршут)
Во филчанче со ладна вода ставаме лажица брашно и мешаме.
Настана рендаме мешано сирење.
Во прженото ставаме куркума, рузмарин ,бибер.
Додаваме една црпалка вода од шпагетите, динстаме малце, па го додаваме брашното со водата. Се добива убав сос.
Шпагетите се цедат и се додава сосот и сирењето да се измеша.Се јаде топло и многу е вкусно.

 

Здраво.
Дали некој ги користел овие сосови од стокомак, дали се вкусни?

 

Мајонез , сок од лимон и сушен магдонос . Со панирани рибини прсти ( или како и да се викаат ) , со оние замрзнатите пилешки поховани производи , топ оди .

Сос за шпагети

Ова , главица кромид и мелено месо , може и лук во прав или други зачини по желба .

Сос за пилешки стек - во масло се запржува брашно ( како за запршка за во манџа ) , се додава млеко , малку кари , куркума , бибер , сол .. може и други зачини , но ја вака го правам и печурки од тегло - маринирани ( ги запржувам посебно , па ги додавам во сосот со се течноста каде што се пржеле ) .

 

Никогаш не можам да го искористам Томателото одеднаш, а после 3 дена ми е страв, иако не му е вкусот изменет.
Го користите ли после неколку дена или треба да го фрлам?
Не знам како да препознаам дека е расипано...

 

Мувлосува за брзо време, после три-четири дена од отворање. Купувај мали пакувања, од пола литро, а ако не ги користиш и тие цели, земи доматно пире како паста што е во туба, концентрат е, од него не треба многу да ставаш, две лажици, евентуално три, па вода ќе додадеш. Сосот ќе се згусне со крчкање.

 

Сакам да направам пилешко во сос со шпагети
Гледав по нет има различни варијанти па незнам како е најдобро да ги приготвам
Дали некоја од вас правела па да ми сподели рецепт како се највкусни

 

зависи каков сос, бел , со кари, со домаи, се е по вкус
месото исечкај го на коцки, пропржи го на малку масло, додај лазица сенф, зачини по вкус, ситно сецкано лукче и павлака за готвење, поклопи со капак и нека проврие 10тина минути. На страна свари ги шпагетите и полиј со сосот.
месото исечкај го на коцки истиот рецепт без сенф, додај кари по вкус
друг со томатело, ама тоа со мелено месо го правам така ми е повкусно
иначе за пилешко истата постапка како погоре, на страна свари њоки, стави ги во тавче за печење од горе пилешкото со сосот и рендај кашкавал по желба, стави го да се пече околу 25 мин (ова ми е омилено)

 

Некој да ми каже каков сос можам да направам за динстано месо? ептен ми е суво така да го јадам

 

Многу интересна замена за хопла, за готвење што е неутрална ми се накиснати индиски ореви или преку ноќ или во топла вода неколку саати, ќе ги изблендам со соја млеко. Рецептот е со вода, ама јас со билно соино млеко си го правам почесто.

Еве во моментов си јадам запржено пилешко со кари сос и после тоа издинстано со оваа „хопла“. Екстра е. Вреди да пробате. Рецептот ми е инспирација од Јанка Будимир, го има кај неа на профилот.

Редактирам: Иначе за количина, за две порции може да идат 50г индиски, и малку отпразнета чаша за чај соја млеко или вода. Ако е погусто може да му доставите вода во тавчето додека го крчате, или ако ви е поретко, повеќе готвење и ќе згусне.

 

Морам да го напишам сосов пошто е ВРВ. Не знам каде го прочитав, не е целосно по рецепт, пола ми е импровизација. Состојките звучат чудно, но во комбинација се боли глава. Главно го користам за цезар салата, но исто може и за врапови во здрава варијанта.

За цезар:
Мајонез (јас користам Витанез пошто не јадам и најмалце ми има вкус на мајонез)
лук (малце поголема количина, 2-3 чешниња од прилика)
соја сос
балзамико
сол и бибер

Немам мерка пошто се правам од ѓутуре и по вкус.

За враповите кога ги правам се е исто само со павлака место мајонез.