Поентата во шминката е да ги покрие недостатоците/мааните ,а да ги истакне убавите црти на лицето, дали очите, усните, јаболчниците... не, за да направи од вас друга личност. Лично ми е одбивно ова, слоеви и слоеви на шминка. Барем денес се пропагира што поприроден изглед, така да браво за талентот, ама може малку да го модифицира стилот на шминкање.
Ах колку пати досега сум се излажала. Ќе видам некоја особа така на некоја свадба,и очи не можам да тргнам од убајни. Бре ќе речам колку е совршена типкава. После кога ќе ја видам на некоја друга секојдневна слика ... Туѓи срам ме фаќа.
Вистина има талент човекот, ама за мене ова е премногу..Не сакам ни да замислам како изгледаат во живо со толку многу слоеви на пудра...
Не знам како лицето може да трпи толку шминка. И кога ќе видам некоја вака нашминкана ми е чудно. Цело лице угушено во слоеви шминка. Во животот вака се немам нашминкано, ни за поводи ни за ништо, а не верувам ни да се случи такво нешто. Не ми се ни убави вакви лица, ми делуваат претерано вештачки, а во тоа нема убавина.
Вака добро досега никој не ме нашминкал, не дека одам често кај професионалци, ама кога одам сакам вака да биде. За секој ден сама си се шминкам, ако сакам природно и минимално исто сама ќе се нашминкам, но еднаш во не знам колку време сакам да влезам во пепелашка филм и да сменам опис комплетно. Оти сама не знам, а да дадам пари за некој да се учи на мене шминкање и тоа не сакам, а за вака би дала.
Мене ми се допаѓа. Човекот е апсолутен уметник. Како што сликар слика на платно така и професионалните мејк ап артисти на некој начин сликаат на лица и не знам зошто толку полемики за тоа што има да се контурира, да се бои... И јас нормално за лоша шминка ќе кажам лошо е изведено не чини , ама ова мислам дека е маестрално. Нормално дека за секој ден нема да излезеш вака ама сите имаме прилики во животот кога сакаме да изгледаме беспрекорно.Не мора и да е некоја посебна прилика еве вечерно излегување нека е. Пример јас баш сакам да експериментирам на моето лице да испробувам и нормално дека кога ќе се нашминкам не сакам да изгледам што е можно по слично отколку без шминка. Баш намерата ми е да се видам себеси во друго светло, како ми стои оваа боја , онаа пудра, некој си кармин, едноставно ми е начин на кој се изразува креативноста. Во ред се сите тие тези за природна убавина и нормално дека некој не треба да изгледа како восочна фигура ама искрено барем мене природната убавина со тек на време ми станува досадна и неинтересна и сакам нешто ново и различно. Од друга страна пак има девојки чии црти не трпат многу шминка и најубави се што по природно нашминкани, други лица пак трпат трансформации и плус ако имат талент тоа е прилика за надоградување на својот талент. Едноставно со текот на времето сфаќаш што ти прилега и во кој правец треба да се движиш.
Мразам нападна шминка кај другите , многу вештачки ми изгледа , а на себе тоа сум го применила само еднаш, не по моја желба бев нашминкана толку нападно како Кловн и од тогаш никогаш повеќе во принцип , си го негувам природниот изглед, ставам малку маскара , кармин и малку пудра ,ни креон , ни туш и ништо слично што би ме направило многу нападно се е ствар укуса , ама јас сум повеќе за природен изглед него за 16 слоеви на пудра на себе , како со паштета намачкана
Количината на пудрата е иста, само боите се различни. Мораат да бидат во баланс за да се блендира добро и да не дојде до overpowering на конкретна нанесена боја. Јас мислам дека „природниот изглед“ е премногу форсиран и фактички уште од немај каде природниот изглед на медиата е токму овој, само задржани на помека контура од прикажанава. Јас сакам негувана кожа, мене лично на моделиве ми се свиѓа лицето но кожата како да им е запоставена, запуштена, дехидрирана. А ваква шминка според некои шминка стандарди е погодна за посебни прилики, ма да мене ова денешново пренагласено користење на контура и веќе видлива необработена контура повеќе ми збори за несигурности и потреба од градење его отколку било што друго...
Мене шминката ми е прекрасна. Се гледа дека човекот има златни раце. Секој со својот вкус, некои не сакаат нападна шминка, некои па ја обожаваат, но сепак не сметам дека е лошо нападна, пошто е многу убаво и професионално изведено. Некои од девојките би биле убави и со поприродна шминка, но некои се тотално непрепознатливи на последните слики - човекот дефинитивно го истакнал најдоброто. Јас лично секој ден ставам пудра, бронзер, светол коректор под очи, светла камена пудра под очи и на т-зоната, и хајлајтор и руменило. Ретко кога ставам туш или сенки, немам време од сабајле за тоа, во канцеларија маскара само ќе ставам а во такси додека одам кармин ставам, ама лицето си го правам џам и така многу си се бендисувам. Еве жената на адвокатот кога и да ме виде се ми вика дај научи ме и јас вака да се шминкам, а па некња братучедка ми додека бевме на ручек ми вика зошто ставаш волку пудра не ти треба. Мајка ми многу ме бендисува, тато ми вика како фасада да сум имала. Дечко ми многу ме бендисува, братот ми вика шо туку се шлапате, многу мразе шминка. Муабетот ми е - секој со својот мерак, јас обожавам и не ми е гајле другите што мислат, како сум расположена така ќе се шминкам, и имам приметено дека секогаш последните пари што ги имам на шминки ги давам, тие ми се приоритет пред облека, чевли или чанти.
Фотографиите се супер пример за тоа како со професионален шминкер+ професионално осветлување + професионален фотограф и обичната, секојдневна, несовршена девојка може да изгледа како фотомодел. Сем тоа, шминкава што ја носат девојкиве не е ни наменета за ријл лајф, туку е за потреби за сликање. Ви текнува на нефотошопираните слики на Бејонсе за Лореал? Тоа е тој момент на прејака пудра и контурирање (а богами и фотошоп четки )Во секој случај, браво за дечкото кој стои зад постираните фотографии, очигледно одлично си ја знае работата, би сакала и мене да ме нашминка еден ден
Женскиве ги има претворено во нешто величенствено. Е не ми се допаѓа бојата на пудрата бидејќи е премногу темна ама дека е човеков уметник, нема место за дискусија.
Ваква шминка е повеќе за реклами, спотови и слично, каде се дава поголема слобода на шминкерот како уметник. На камера потоа ова изгледа многу поинаку. Или ете, клинтот сакал таа вечер да изгледа поинаку од вообичаено. А и после сета таа шминка тука има и фотошоп. Така што не мислам дека треба да се крева толкава фама.
Мене ми се допаѓаат првите слики. Вака за секој ден не, но за посебни прилики, зошто да не? Па сега ако не сакаш толку шминка, никој не те тера со сила. Некој сакаат, и не му изгледа толку нападно. Јас вака до сега се немам нашминкано, а баш би сакала некој професионалец да ме нашминка, само од радозналост како би ми изгледало лицето со толку шминка, и секако да ја исфуриме шминката за ноќна забава.
А од кај ти е тоа дека има цело паковање пудра? Па не се сите пудри лесни и непокривни.Еве јас имам пудра од Есте Лаудер максимум кавер за која велат и дека може да покрие тетоважи, не знам ете немам јас па да пробам , ама со многу помалку или нормално како и секоја пудра лицето го прави порцеланско и без ниедна флекичка или било што.Значи покрива све и изгледа поприродно од било која друга пудра што сум ја користела со помала покривност од оваа. Така да многу ми е невкусно некој на памет кога збори а не е информиран. Исто е и со било која драстична трансформација не значи дека има 15 слоја пудра, него значи дека има квалитетна и покривна пудра, ај да ве видам некој од вас што тврдите дека има 15 слоја пудра баш ставите од било која пудра 15 слоја дали ќе се добие истиот ефект? Мислам од обична средно покривна па и лесна пудра 3 слоја да ставиш, веќе ќе изгледаш како кловн затоа што не и е намената да покрие толку,едноставно си има пудри и за таа намена и со таков квалитет. Девојкава ја знам и од инстаграм и многу е талентирана, заборавив сега како беше потпишана баш пред некој ден ја гледав, и ми се допаѓа што е една од ретките која ја покажува и својата друга страна со цел да ги охрабри луѓето што имаат сличен проблем и да им понуди алтернативни решенија со шминка.Мислам реално јас што немам акни па не си дозволувам да шетам секаде без шминка, а можам да замислам како им е на луѓе што стварно имаат проблем и додека се во фаза на решавање се учат и како да се носат со тоа, како да го прикријат.
Во контекст на муабетот за тоа колку пудра е потребно за да се покријат акни и слични несовршености . Секако дека продуктите кои ги користи за да го постигне тој изглед не се евтини но ефектот е неверојатен! Да не беше видеото, за крајниот резултат ќе бев уверена дека станува збор за фотошоп
Јас не ја купив од Македонија, но ја има тука во Космо и чини околу 3000 денари. Инаку @Nausicaa исто и девојкава ја знам од нејзинитот You tube channel и баш истата девојка има инспирирано многумина , пред некое време поради нејзината инспиративност и талент беше и ангажирана за модел не знам за која намена и повторно ја имаше споделено нејзината приказна со цел да даде поддршка на сите што се борат со сличен проблем, инаку акните и се излечени и мислам дека на Фемина имаше статија за неа. Општо за сите луѓе со таков проблем можам да замислам колку непосакувано внимание добиваат од околината и колку им е потешко на интервјуа за работа или едноставно излегување, сигурно не за џабе користат вископокривни пудри, коректори и што уште не и на сета мака сигурно не им треба некој да каже еј оваа сигруно цело кутиче пудра ставила денеска.